خواتي العزيزات ممكن شوي - منتدى عالم الأسرة والمجتمع

24-06-2012, 08:54 PM

فتاة فاشلة

موقوف

تاريخ التسجيل: Apr 2012

المشاركات: 608

خواتي العزيزات ممكن شوي

أخواتي العزيزات ...

مو عارفة كيف أبدا

مخربط موضوعي شوي بس ركزوا معي

عندي شوية أسئلة محرجة بس شاغلتني و أبغى استفيد منكم

الان بما أني في الشهور الاولى و نفسيتي متقلبه جداً جداً

و قلت أني مو متقبله زوجي مرة اضغط على نفسي و مرة لا

و يسوي مناحة على انه محروم يا حرام و أني مقصرة و أني واني

و هي كلها كم مرة بس . ومو مصدق انه من الحمل يقول انت من قبل كذا

( للأمانة أنا صح قبل الحمل كنت كذا بس على حسب ما اقدر هو عنده طاقة زائدة
يعني الناس تجئ من الشغل تعبانه هذا يجئ من شغله نشيط !!!) اسفه على الجراءة

الان أنا مو عارفه كيف أتصرف معه ؟؟؟
احس بدات انفر منه و افرح اذا طلع مادرى كأني زعلانه منه داخليا << مو عارفة تشرح

و قاعدة افكر دا وقت ولادتي ايش حيسوي ؟؟؟ كيف يقضي أربعين يوم ؟؟؟
مع العلم انه قال انو ما راح يخليني اقعد عند اهلى و بجبلي شغاله من عند
بدات اوسوس انه يلف من هنا او هنا و أشوف صفحة الفيس حقته فيها بنات
صح ان مافيها شي مريب لكن ما أظمن ..
أتخيل لو يخوني مستحيل أتحمل و أخاف بعد من الامراض

عندي يتزوج بنت ناس محترمة و متربية ارحم من انه يخون .

فجت على بالى فكرة <<< فكرة ترى مو جد

انو يتزوج وحده أنا اعرفها مطلقة وعندها ولد لكن مع أبوه
ودى البنت محترمة كنت اعرفها في مركز التحفيظ
هادئة و بحالها ..
أنا اعرف شعور المطلقة صعب جداً و جربته
و كنت اتمنى انها تتزوج لانها من زمان مطلقة
و اقول هي مطلقة و محرومة وانا مضغوطة من زوجي و زوجي ما شاء الله
مكفيني و زيادة ..
فهالزيادة دى ممكن تعف هذى الأخت بدل الحرمان
لكن ارجع و أتعوذ من الشيطان

فأنى اعرف نفسي غيووووورة جداً
و ما نعني كمان ان هذى البنت ما شاء الله عليها حلوه ..

طبعا دا السيناريو كله بيني وبين نفسي زوجي مو عارف شي
عاد أخاف افاتحه يفرح و يوافق و يقهرني

و كمان ممكن يرفض ...

ترى دا من تأثير الهرمونات وانتو عارفين ان خلايا المخ تصغر في فترة
الحمل يعني أخاف يكبر عقلي بعد الولادة و اندم ...

اتمنى فهمتو خربطتي ؟؟؟

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 05:55 PM.

روابط سريعه