مرحبا
انا ممتلكه من اشهر والحمدلله
مساء الخير
كيفكم
مرحبا
انا ممتلكه من اشهر والحمدلله
بس ما احس زوجي رومنسي يعني نحن عاداتنا عادي نطلع ونجي فترة ملكه معاه
بس انصدمت ان زوجي غير
يعني ما يسهر معي طول الليل بالمكالمات وما يهتم كثير فيني هل محتاجه شي ولا لا
وعادي لو ما يزورني
باختصار
احسني ما بقلبه ك

والله يااختي يمكن زوجك عارف حركات البنات يعني لو تجلسين تتصفحين في المنتدى اشوي راح تحصلين ناس كثير اول مايتملك يدلع زوجته ويعطيها روحه واذا شافته يحبها ومدلعها ركبت على راسه

فيمكن زوجك عارف هالشي ومايبي يخسرك عشان كذا مادلعك من البدايه لاكن بعد الزواج راح يبسطك انشالله

بس اذا من البدايه كذا يعني بعد الزواج كل شي يبدأ يموت وهالشي معروف عند الرجال انهم ما يهتموا كثيرا بعد للزواج عكس فترة الملكه تعلقهم كبير

اذا انتي تحسين انه يحبك ومرتاح لك هذا يكفي
لانه كثير كذا طبعهم ماياخذ ببالة من هالامور ولايعبر عن مشاعرة بالكلام
حاولي تعودينة بطريقة او بأخرى -يعني ابحثي وبتلاقين مواضيع بالخصوص

موفقة يارب

المفروض هالفترة هو رومنسي وهو يحاول فيني مو انا اركض وراه
حتى تجي لحظات لما يتصل ما احب ارد عليه
ودوم زعلانه منه بسبب اسلوبه البارد

هلاة فيك ..

اختي ممكن يكون زوجك خجول او ما شابه ,, ممكن انك توضحي له النقطه عن الكلام والتعامل ,, لا تفتكري كل الرجال فاهمين

تحياتي لك...

بعض الرجال لهم طبائع ولا يعني ذلك إنهم غير رومانسيين، كما أن بعضهم له تكتيك في تعامله مع زوجته، كما أنكن أنتن لكن تكيك في تعاملكم مع أزواجكم، عموما يجب أن نضع العذر والتفهم للطرف الآخر بكل مانملك، وأحملي تصرفه على محمل جيد، ولا تستعجلي بالحكم.

__________________
ياصبحِ لاتِقبل !!
عط الليل من وقتك..

غيري طريقة تفكيرك
ليس هناك في العلاقة الزوجية واحد لازم يركض ورى الثاني
وعدم ردك على اتصاله هذا أول خطوات الجفاء وسوف يكرهك الرجل ويعاند
ويفكر بنفس طريقتك وسيقول لن أرد عليها ولن أركض خلفها وخلها هي إلي
تركض وتجي من حالها

موشرط يكون رومانسي أو يجلس يكلمك طول الليل
ترى الرجال ورآه وظيفه وعمل وأكيد أنه متزن عاطفياً وليس صغير بالعمر
أو منجرف لذلك يكتفي بمكالمات وأتصالات طبيعية

ولاتسمعين تجارب غيرك ومبالغتهن وكل رجل شخصيته تختلف عن الآخر
فمو لازم يكون نسخة لأزواج صديقاتك وقريباتك فترة الملكة
فهناك الرجل الخفيف إلي 24 على 24 ساعة بث مع الخطيبة وتلاقيه حتى يسحب على شغله
وبعد الزواج يسحب عليها ويمل منها
وفيه الرجل الثقيل العاقل المتزن إلي مأخذ الأمور بتروي وهذا بعد الزواج يطير فيها ويحطها
بعيونه
ولكل قاعدة شواذ

اشكركم كثير ع ردودكم بس للحين مو مقتنعة ولا قادرة احط له عذر ولاني خايفة انفجر له بيوم

انا فتحت الموضوع عنده وعادي حتى ما رد عليه
ولاحظت اني مهم اكلمه بين الفترة والاخرى بس هو ما مهم هالشي عنده
ما اتصور نفسي اعيش ما شخص غير،مبالي بالحب
اتمنى تساعدوني