السلام عليكم ورحمة الله وبركاته.....

أنا عضو جديد ومحتاج مشورتكم

أنا خاطب من سنه . و الحمد الله علاقتي بخطيبتي تمام . :14:

المشكلة إلي عندي ان خطيبتي تتغير فجاءه ويتغير تعاملها معي من ممتاز لجيد
وإذا سألتها فيك شي ؟ تقول: لا أو تسكت . وإذا اصريت عليها تبكي وما تقول شي .

المهم بعد فتره من تغيرها . قالت لي : أنا كنت أتضايق من كلامك مع بنت خالتك
أي كلام قالت: لما كنت تكلمها بخصوص العريس اللي جبته لها قلت لها : أي عريس
طلعت السالفة ( بنت خالتي اخترعت موضوع إني جبت لها عريس واحد من أصحابي وكنت دايم أزورهم واجلس معها عشان أقنعها في صديقي )
طبعا هذا كله كذب . بنت خالتي ما بيني وبينها إلا السلام فقط.

أنا فهمت خطيبتي إن بنت خالتي كذابة ولا جبت لها عريس ولاشي وقعدت خطيبتي تبكي لأنها كانت مصدقه بنت خالتي.

الموقف الثاني : كانت خطيبتي عند بنات خالاتي وأمي موجودة معهم وإنا مسافر للعمل .

رجعت من السفر أمي انفجرت فيني أنت صايع أنت ضايع أنت تغازل بنات و .... ( عادي تعودت على أمي فديتها )

المشكلة خطيبتي ما ترد علي وإذا ردت ردت بجفاء يعني تغيرت مرة أخرى.
كلمتها وحاولت افهم منها , قالت لي لما كنا في بيت خالتك بنت خالتك قالت : انك تحب وحده وتمووووووووت فيها بس اهلك مو راضين تتزوجها عشان كذا دايم تسافر عندها تقابلها . ( في كلامها من كلام أمي صايع وضايع ....)

أنا انقهرت وعصبت وقلت ليه يتكلمون فيني خلاص ما بروح بيت خالتي عشان ارتاح من كلام بنتها
حلفتني خطيبتي اني ما اقطع خالتي وأزورهم عادي
ووعدتني معاد تصدق بنت خالتي .

بنات خالاتي كثير مع بعض قروب لكن هذه اكثر وحده تحبها خطيبتي , انا اتوقع انهم يغارون لاني تزوجت وحده من بعيد وخليتهم .
ايش رأيكم بالسالفة كاملة
ايش اسوي

أتوقع بنت خالتك
تنوي ايقاع الفتنه بينكم ... والله واعلم

__________________

اللهم أنصر أخواننا في سوريا .... يارب ( حسبنا الله سيؤتينا الله من فضله إنا إلى الله راغبون )
http://flash01.arabsh.com/uploads/fl...0935414d65.swf

اولا صباح الخير
ثانيا اممم انا اتوقع المشكلة من خطيبتك نفسها ماعندها ثقه بنفسها ولا فيك يعني تعتبر الثقة بينك وبينها وعدوومه بدليل انها تصدق كلام من بنت خالتك وطبعا بنت خالتك مو مقصره بالكذب والقيل والقال اللي ماله داعي
انا اشوف انك تكلم خطيبتك وتفهما من البدايه ان اي علاقه بين اثنين لازم تكون اساسها الثقه كيف بكره بتبنون حياتكم
وثانيا خلها تبعد عن بنت خالتك ماله داعي المشاكل الثرثرة الفاضيه اللي على غير سنع
وثالثا بالنسبة لخالتك لاتقاطعها بسبة افعال بنتها الجاهله ولكن اذا زدتها بالمشاكل لازم تبلغها توقف بنتها عند حدها
والله ييسر لك امورك

__________________
سبحان الله وبحمده
سبحان الله العظيم

أعوذ بالله من الغيرة والحسد. كثير تصير ‏?‏?‏?اللـَّــ??? يكفينا شرهم.
عادي اقطع العلاقه ببنات خالتك ماتعتبر صله رحم.
وخطيبتك بعد تبعد عنهم أفضل.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

كلامي مثل "هل ترانا نلتقي"
والله يجمعكم ع خير

ياأخي وضح لخطيبتك بأن بنت خالتك غيرانه منها لأنها راح تتزوجك وتبغى تخرب بينكم
وبكذا خطيبتك راح تحذر منها وماتصدقها.

ووووضحى
صدقتي الله يجزاك خير


شموخي تعداك
الله يجزاك خير
بس من وين استشفيتي ان خطيبتي ما تثق في نفسها وما تثق فيني .... بصراحه لو بنت غيرها كان سوت بلاوي
انتظر إجابتك

هل ترانا نلتقي ... وفكيني يانفسه
الله يجزاكم خير ... طلبتها تقطع تواصلها ببنت خالتي ورفضت قالت خلاص ما بصدقها ... عاد الله واعلم .


همس الأحزان

الله يجزاك خير
هي عارفه انها غيرانه ... بس تنقهر من كلامها

ياااا جماعة الخير
كلنا عارفين ان بنت خالتي غيرانه ونيتها شينه
لكن انا اتمنى خطيبتي اذا زعلت من شي تقول لي , ما تقعد تاكل في نفسها واذا سالتها تبكي
هي تخاف اني ازعل واعصب وتخاف اسوي مشاكل
انا ابغها تصارحني ولا تخلي في قلبها شي مو كل كلمه وتبكي!!!!
, واحتاج تعطوني حلول مع بنات خالي لا هنتم

ليـش خطيبتـك تاخـذ كلامهم صـدق من الأسـاس ..
المفـروض تفهم من أول موقف زعلت منه ووضحتـه لها أنت ..
أن بنت خالـتك نيتهـا الفتنـه بينـكم ..وتفرقكم ..أو غيـره ..

فتخلـي كـلام بنت خالتك مـاله أي أهميـه ..
وأذا تكلمـت تقولها أنا واثقه بخطيبـي وماأحب أحـد يغلـط عليـه ولاتسمح لها تكمل كلامها ..
وبـكذا بنت خالتـك تيــأس من محاولاتها العـدوانيـه ولاتكررهـا ,,

وفهــم خطيبتــك أن الثقــه أسـاس العلاقه الزوجيـه ..
أذا أختـل هالأســاس أختلـت العلاقه من أساسـها ..

واله يسهـل أمركم ويجمع بينـكم على خيــر ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

يااخي خلي خطيبتك تقطع العلاقة فيهم وانتهى الموضوع
وانت اقطع علاقتك في بنات خالتك
اصلا مايجوز تكشف عليهم ولاسلام ولا كلام
والله لو زوجي لاقلب عليه الدنيا
عاد يسلم عليها
ليش عليك بخالتك بس