السلام عليكم
بداية انا اول مره اشارك بالمنتدى والي شدني اكتب هنا مشكلتي
هي اراء الاعضاء والعضوات حسيت فيها حكمه وخبره وانا ابي هالشي
لاني مو عارفه وين اروح وطولو بالكم علي لاني اول مره اكتب مشكلتي ولا اعرف اختصر
انا متزوجه لي تقريبا 10 شهور وحامل الحمدلله ماشا الله تبارك الله
انا وزوجي من بعد زواجنا بشهرين او ثلاث تغير يعني صار لازم تكون بيننا مشكله كل فتره
وكل مشكله تعدي وتنحل ونرجع عادي طبعا المشاكل لاحظت فيها كذا نقطه:
1- هو يبداها ويغلط علي ويقول لو مو عاجبك الباب يوسع جمل وانا حامل ومضغوطه نفسيا وماني حمل مشاكل ولما اقوله طيب بروح بيت اهلي واريحك مني ( مع انه هو الي جاي من برا وجايب المشاكل معاه ) ويشوف اني جد اتكلم يقول خلاص تعالي وانا مادري شسوي لا اقدر اطلع في هالليل واروح لاهلي ولا اقدر اشكي لاهلي لاننا تونا متزوجين ومابي امي تشيل همي الي عندها يكفيها
2- اغلب المشاكل مو كلها تصير بوقت رجعته من السهره مع اخوياه من اول مايدخل من باب الشقه اعرف من عيونه انه يدور المشاكل وينظر اي شراره عشان ينفجر لدرجه ان كل ليله يسهر فيها صرت ادعي واستغفر واطلب ربي انه يعدي يعديها على خير
3- تنتهي الشكله بدموعي وانام وهي مانشفت ولما نقوم الصباح يتصرف عادي ويعتذر بطرق غير مباشره يعني مثلا يقول شرايك نطلع اليوم او ايش اجيب فطور ويتصرف عادي وانا اعتبرها اعتذار واتصرف معاه عادي مع انه يكون واضح على وجهي زعل وصياح امس.
4- انا ما اناقشه ابد على الي صار امس واعتبره كأنه كابوس وعدا مادري تصرفي صح او لا مع انه يغلط علي ويجرحني بالكلاااام لما تصير المشكله.
5- اخر مشكله صارت امس بس ماكان سهران ...امس تعشينا وعادي كنا مروقين ...فجأه تذكر هو انه كان عنده عطر من اول ايام العرس ويسألني وينه وانا والله ما اتذكر يمكن خلص ورميناه او هو اخذه ...قلت ما ادري اكيد خلص لان له الحين فوق 10 شهور وانت كنت تتعطر منه كثير بشهر العسل .....قعد يصارخ ويحلف انه ماخلص ويحلف اني اخذته وعطيته خواتي وانا وربي ما اخذته..... كيف اعطيه خواتي وهو عطر رجالي؟؟؟؟استمر يصرخ علي وانا انفعلت وقلت ومااااااااااادري والله وفجأه.... ضربني بسلك السماعات على ايدي... وقال لاترفعين صوتك علي ...انا مارفعت صوتي لدرجه كبيره عادي لما اي احد ينفعل بيتكلم بصوت مرتفع عن نبرته العاديه
لما ضربني قمت وطلعت من الغرفه...
قلت الحين بيجي وبيشوفني اصيح يمكن يصحى على نفسه بس لحقني واستمر يسألني وينه وينه عطر وش كبره وين وديتيه حسبي الله عليك وراح دخل الغرفه وسكرها بقوه
وانا نمت بالصاله كالعاده على دموعي
قومته الصباح للدوام.... وقبل الظهر ارسلت له مسج اذا يبي اسوي غدا لانه احيانا مايتغدى... وارسلي مابي..
رجع من الدوام وسويت نفسي نايمه وماتكلمنا الي الان قولولي وش اسوي معاه وكيف اتصرف ادعولي الله يلين قلبه علي ويسهل ولادتي

خليها تساهيل يا تساهيل..

زوجك طبيعي وعادي ولكن يغلب عليه تطبيعك بما يريد هو
وتأكدي انه يحبك.. تري الذهب يصهرونه بالنار عشان يطلع بافضل حالاته
فلا عليك.. لا تتأثري كثيراً واللي يصير بينكم يصير بين الكثيرين ..!!


الحل..

لا تكون لك ردة فعل على كل تصرفاته..
مو كل ما تكلم تجاوبينه ..
الا اذا كان مايطلب ممكن وواضح ومحدد
تجاوبي معه بس بحدود وانتبهي لنفسك
صحتك وغذائك وسلامة جنينكم اهمممممم
وفهميه باسلوب لبق ان الحالة النفسية اللي يسببها لك
لها تأثير على اللي في بطنك


اهتمي بنفسك وخليه يعرف قدرك

__________________
ان انت اكرمت الكريم ملكته.. وان انت اكرمت اللئيم تمردَ!!

والله مدري وش اقول بس اللي اشوفه انك انتي الغلطانه
لانك ماكنتي تناقشينه وتبينين له غلطه فالمشاكل اللي راحت
وكنتي ترضين بأتفه عذر غير مباشر مع ان اتوقع اغلبها تحتاج لعذر مباشر
عشان كذا لما شافك رفعتي صوتك تجرأ ومد يده عليك
واتوقع راح يعدي موضوعك هذا نفس اللي قبله راح يعتذر بطريقه غير مباشره

بصراحه ماعندي اي خلفيه بالتعامل الصحيح
بيني وبينك تقريبا زوجي فيه كثير من تصرفات زوجك
بس ماتذكر اني سكت له ابدااا وكنت ارد له الصاع صاعين مالت علي ومانصحك تسوين مثلي ابدا
اخاف زوجك طبيعته غير
الله يسهل امرك يارب
ان شاء الله الشعب اللي هنا مايقصرون معك

ااتوقع ان زوجك شخصيته غريبه الاطور وعصبي وكتوم

كل يوم له راي وكل يوم له سالفه يطلع فيها مع عصبيه زائد وسكوت كثير

وهذا يغلب وانا عمك على شخصيه السعوديين

فيهم عصبيه ونرفزه وكتوم ما تعرف ما تحت رجليه وله تصرفات غريبه

بسبب انه كتوم

لكن فيهم الطيبه وحب الزوجه والاعتراف بالخطاء مهما كان الامر

الله يصلح الاحوال

لكن مساله انه يتغير بعدما يرجع من زملائه

هذا اما ان يكون عين يحتاج الى قراءه

او يكون احد زملائه يعبي راسه عليك

او ينفزه احد ملائه ويفرغ الغضب فيك

او يلعب مع اصدقائه بلوت وربما يخسر او غير ذالك

وربما كان زوجك من النوع العصبي الذي لايملك نفسه وقت الغضب

مثل هذا الزوج تحاولين ما تتكلمين معه اذا عصب وتتركينه حتى يهدي

الوكاد وانا اخوك ان زوجك طبيعي فيما اري

مادام انه يعتذر ويحس بغلطه

لكن فيه عصبيه زائده وربما كان كتوم

ويفرغ الغضب من زملائه فيك

اهم شي وانا اخوك انك تحبينه ويحبك ويحترمك

ويعطف عليك

وانا اشوف انه ماشاء الله يذهب معك للمطعم

اصبري عليه وحاولي تحتوينه

وتاكدي ان كل زوج فيه عيب او عيوب والكامل وانا عملك

قليل بالرجال والعوام يقولون خشمك منك ولوكان عوج

وهذا ابو عيالك وزوجك تحمليه وادعي له وحاولي ما تعاندين

او تردين عليه وقت غضبه

الله يجمع ما بينكم بخير

اختي الله يهدي زوجك ويحنن قلبه عليك يارب
اختي احسن شي عشان تتجنبي المشاكل اذا جاء من السهره نامي عشان مايسوي معاك مشكله وانتي هذا المره لاترضي بسرعه كلميه قوليله ليه يضربك على شي مايستاهل اختي ترى اذا سكتي بيتمادى اكثر اختي حاوريه بهدوء ولاترفعي صوتك عشان لايعصب عليك واذا جيتي تناقشيه اختاري وقت مناسب يكون هادي فيه وقولي هذا الدعاء بنفسك قبل ماتكلميه اللهم ياولي نعمتي ياملاذي عند كربتي اجعل كربته علي بردا وسلاما كما جعلت النار بردا وسلاما على ابراهيم
والله يسخرلك زوجك يارب

__________________
اللهم فرج همي