السلام عليكم ورحمة الله وبركاته*
اعذروني على جرئتي وكلماتي لكن محتاجه لمن هم اخبر مني في مجال التربيه*
محتاجه من هم افضل مني يقدرون يتعاملون مع شخص ماله احد يرعاه*
لاني اعتقد اني اليوم اكتشفت اني فاشله في التربيه وتحمل المسؤليه
انا عايلتي متشتته الكل فيها يسعى لنفسه وبس ويفرح بزلة الثاني كأننا مو اخوان ولا يجمعنا دين ودم*
مو بس يفرحون لغلطة غيرهم لا بعد ينشرون السالفه ومايسترون عليه ويزيدون بالكلام قد مايقدرون*
اخواني الكبار يسعون ليرضون زوجاتهم ويرضون انفسهم ويعيبونا بكل شي*
وابدا مايعرفون يتعاملون مع المشاكل الا بالضرب الي يوصل للموت احتممال يستخدمون ادوات خطيره*
وابوي مايهمه الا يرضي شهوته ويستانس ماهو كفو الابوه تركنا وعاش حياته زي مايبي وكون عايله جديده وعاش وتركنا رعيه بلا راعي نسى اهميته بينا واهمية وجوده*
امي ماتتحمل تعبانه واي مشكله تنهار منها لانها تحمل فوق طاقتها اخذت دور الابو ودور الام والاخو والصديق في هالعايله لكنها في الاخير تعبت وماتنلام*
اخواتي قرقارات ماعندهم الا نقل الحكي وزيادته قد مايقدرون وتفضيح وبس ومايحبون وحده تكون احسن منهم*
الكل متزوج الا انا واخواني اصغر مني ماتزوجوا*
واحد منهم مراهق وعمره 16 سنه من طلع على الدنيا واهو في دوامة مشاكل اولها مشاكل امي وابوي وزواجه وبعدها طلاق امي وانهيارها وبعدها تشتت عايلتنا *وبعدها مشاكل اخواني واخواتي*
وكل حياته يوقف مع البنات لدرجة ان اخواني صاروا يسمونه بنيه ويقولون له انت منت رجال وتأثر من هالشي واذا شافوه في الحاره يكلم اللي اكبر منه يروحون يتهاوشون معه ويقولون لا تكلم اخوانا تأثر كثير من هالشي ويعد ما بلغ الكل مشى بحياته وسلك طريقه وتركوه بعد ماعقدوه انا اخوي هذا هو دنيتي وكل شي كل امالي عليه ولو طلب روحي اعطيه لاني ادري انه ناقص شي وكنت دايما جنبه ام واخت وصديقه اعلمه الخطى والصح واعلمه عيوبه واحلله مشاكله ماتتوقعون كم كنت قريبه منه لكني الحين احس اني ابعد وحده احسه شخص ثاني مو هو اللي رعيته واهتميت فيه اخوي كان يشاركني كلش اول ماطلع جوال كنت اخذه واشاركه فيه برضاه ولابتوب نفس الشي اشاركه برضاه واتابعه متابعه تربويه بدون مااحسسه انه مراقب بس في الفترات الاخيره لاحظت عليه يبحث في الفيس بوك عن السالب مدري الموجب وماكنت اعرف وش تعني لكني اشوف صور تسد النفس عيال مع عيال وكنت اروح اقوله لمين خذت الجهاز لقيتك ناسي هالصفحات وبعدين انصحه واشد عليه لين يبكي *و كان دايم يقولي انا اكره البنات مو احب الاولاد بس مااحب البنات واخوياه كلهم عقال محترمين ويخاف ويتوب يومين وبعدها يتساهل لين لقيت محادثه واحد يقوله انا سالب وابيك وماادري ايش واخوي قال انا مااعرف هالاشياء لكن عادي عندي لمين قريتها عصبت ورحت وحذرته وعطيته مقالات يقرها ان اللي يسويه حرام وانها تجيب امراض وبعدين خاف بعدها و عقل لدرجه اني صرت افتخر بنفسي اني قدرت اغيره واعقله لكن امس لقيت له محادثه يعرض لواحد بالكام *والثاني بعد يعرضله بعدها عرفت اني ولا شي اني فاشله والله ماتدرون كيف انفجعت بهالشي ودخل علي وانا اشوف هالشي ورحت عطيته الجهاز وططلعت وخليته اهو بعدها هرب من اليبت وانا خفت امي تحس وتتعب بعدها لحقته ورجعته ورجع لمين قتله ماراح اعلم احد لكن للحين ماواجهته بالموضوع مدري وش اسوي حتى بنروح بكره للعمره واهو عيى يروح معنا مدري وش اسوي ابي حل معه اعلم اخواني وافضحه ويبقى طول عمره يدكرونه بهالشي لانهم ماينسون او اعلم امي وتنهار علي او اطلب من اخواتي الكبار المساعده ويقعدون يتريقون عليه ويفضحونه كلها غلط كلها غلط واهو مايخاف مني ويشوفنني ضعيفه لاني اخاف من اي شي وحساسه مره ابي منكم حل تكفون شوفولي حل معه تكفون
16-01-2012, 02:33 AM
ضوابط المشاركة
العرض العادي
