السلام عليكم ورحمة الله وبركاته
اخوي الغالي وش اخبارك عساك طيب الله يطول عمرك ويسلمك ويخليك
اول شي صل على النبي واذكر الله
والله ثم والله اني كنت مثلك حب وغرام فجأه خلتني دون ادنى سبب كذا تغيرت ثم دقيت عليها مره وسكرت في وجهي الخط !من بعد سنتين
تعبت لي فتره وتفكير وقلق وحزن وكلام فاضي على فكره هذا كله من الشيطان ويوم من الايام كنت جالس مع نفسي افكر واقلب الموضوع في راسي قلت الحين انا يابندر ضايق صدري ومعيش نفسي بنكد ولا اطلع ولا اروح وهي طال عمرها هي الي مخليتني دون سبب وتلقاها بلوقت الي انا فيه ضايق صدري وقلقان جالسه تطالع التلفزيون وتاكل فشار وتضحك وموسعه الصدر ولا درت عني ولا فكرت فيني ولا ضاق صدرها علي ليييييييييييه انا افكر فيها اصلن صدق خل نكون واقعيين مثل حالتك اخوي الغالي لو تفكر ("بعقل") مو تفكر في قلب وعاطفه راح تحصل نفسك غلطااااااان 100% انت قلها لنفسك انا ضايق صدري وعلى قولتك مو قادر تعيش زين طيب هي فكرت فيك جابت خبرك درت عنك طبعا لا صح ولالا ونا اخوك فاليش انت تفكر فيها هي ونا اخوك ماراح تفهمها الا لافكرت بواقعيه وبعقل مو بقلب وعاطفه خلك صريح مع نفسك
كل مافكرت فيها او جا على بالك انك حزين حط في بالك كلامي ذا انها مادرت عنك ولا عبرتك لانها طنشتك دون سبب خلك صريح !ليه انت تسوي في نفسك كذا
ابد والله ونا اخوك الا اطلع ورح وتعال ووسع الصدر ولا يهمك وان شاء الله راح الله يعوضك بأخير منها لانها هي ماتستاهلك وانت تستاهل البنت الي تصونك وتحبك صدق وان شاء الله بلحلال
ونا اخوك الطريق الي انت كنت ماشي فيه انا حرام في حرام وتذكر انها اعراض ناس ولا يرضون وتذكر انك تسوي حرام وتأثم واحمد ربك الي الله فكك منها عشان ان شاء الله يعوضك ربي بلحلال البنت الي تحطك في عيونها اصبر واحتسب عشان ان شاء الله يرزقك الله بلحلال
انا ماتكلم من راسي اخوي الغالي انا ماتكلمت كذا الا اني والله ثم والله مريت بلي مريت فيه انت والحمد لله نسييييتها ولا افكر فيها
ولا تفكر بحب الا بعد الزواج لانه هو الحب الحقيقي حب شريف تأجر عليه مو كذا بس وحده ماتحل لك
اتمنى اني افدتك بشي بسيط واي استفسار انا جاهز ومستعد اتابع معك الين تنسى والله يوفقك وان شاءالله الله يرزقك البنت الزينه الي تحبك وتستاهلك بلحلال بس اهم شي لاتنسى تعزمني على عرسك
الله يوفقك ورضا عليك وابد تراني في الخدمه بس زي ماقلت لك فكر بعقل مو بقلب وعواطف عشان توزن الامور صح
والسلام عليكم ورحمة الله وبركاته