احتاج حد يقرر عني ..
كل قراراتي غلط في غلط / صرت احس أني غبييييية و ما افهم
و المصيبة عناااد شديد فيه و لا اثق بأحد و اللي اعتقد انه صح اسويه و اكتشف بعدين انه غلط

اغلب قراراتي اتخذها بلحظة انفعال ..
و اذا شديت حيلي وفكرت قبل أقرر / افكر وأفكر وأفكر ولا أقرر شي ؟؟؟
مادري هل أنا غبية ولا شو ؟

قررت ادرس تخصص معين و شديت حيلي فيه وتفوقت واكتشفت بعدين انه تخصص غلط
و تخصص انتهي زمانه ....
و لا سمعت نصايح الناس ...
قررت أتزوج و تزوجت وكان أسوا قرار واكثر قرار غلط ؟؟؟
قررت الحين اصلح قراراتي بسس أخاف يكون هذا بعد قرار غلط

جتني حاله نفسيه و عقلي احسه توقف و صايرة امشي حسب مشاعري وانفعالاتي
ابغي احد يمشيلي حياتي بدون لا يشاورني و يتخذ القرارات نيابه عني و يفكر عني
فقدت الثقة بنفسي و صرت أخاف من كل قرار ...

حبيبتي الله ييسر امورج وين ما كنتي

عندنا نحن المسلمين الاستخارة فما خاب من استخار ولا ندم من استشار

انتي سمعي كلام الناس ونصايحهم لج

وبعدين استخيري

ولازم تتعلمين من اخطائج

الله يجعل الفلاح والنجاح حليفج

__________________
لا اله الا انت سبحانك اني كنت من الظالمين

ياقلبي أنتي ,, مو عيب نغلط بقراراتنا ولاعيب نغلط بتفكيرنا
العيب نستمر بالغلط ... حنا بشر وحدودنا وطاقتنا محدودة !! ... ولاندرك ماوراء الأيام فهذه الأمور بيد الخالق وحده سبحانه ..... حنا بشر ولنا طاقات محدودة وتفكيرنا محدووود مهما كنا أذكياء ....
وفوق كل ذي علم عليم ....
أول شئ ربي نفسك بنفسك ... وتخلصي من العناد نهائياااااااااااااااااااااااااااااااااااااااااااا حاولي مو صعب ..
ثانيا استفيدي من أخطائك بالماضي ... وحاولي ماتقعين فيها ..
وقبل كل شئ توكلي على الله بكل قراراتك وماخاب من استخااااااااااااااااااااااااااار
ماخااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااب
يعني ان شاء الله مافيه خيبة بالإستخارة وسؤال الله خيرة الأمر ....
أنا محاكيتك ندمانة على أشياء كثيرة قررتها غلط بس مااخلي هالندم يلعب بحياتي
مرت علي أيام أشد منك شوي وأموت تمنيت الموت بس مو حل !!
استعيني بالله ولاتعجزي ..

قال رسول الله صلى الله عليه وسلم المؤمن القوي خير وأحب إلى الله من المؤمن الضعيف وفي كل خير احرص على ما ينفعك واستعن بالله ولا تعجز وإن أصابك شيء فلا تقل لو أني فعلت كان كذا وكذا ولكن قل قدر الله وما شاء فعل فإن لو تفتح عمل الشيطان

ولاتسمعين كلام من حولك ... ومو كل من عرض عليك رأيه سمعتي رأيه !!
استشيري من تثقين فيه ومن يعرف مصلحتك ومن يكون مطلع على واقعك ...

دمتي بخير ..

__________________
الدراسة مقبلة دعواتكم

يا غالية

بتغلطين كذا مرة ومع الوقت بتقل اغلاطك الى ان تصل الى حد
ماتخلي حياتك كئيبة ، شي حلو انك وصلتي نقطة الاعتراف بالخطا وشي جميل
وهو بداية الطريق الصحيح واستمري في مراجعة قرارتك وقناعاتك وتصحيحها غلاتي

وطبعا الحل مو احد يقرر عنك الحل هو انك انتي تقررين ولكن
تقررين بعد الاستشارة والتفكير العميق والمنطقي بالامور ..

لو ترتبين الامور الي انتي مو راضية عنها بورقة ابتداء برقم 1
اكثر شي مضايقك وانتهاء باقل شي مضايقك .. بتسهل عليك
امور كثير ..

__________________



احيانا يجب ان نفقد ذواتنا كاملة لكي نستعيدها كاملة ...

أكثر شيء يساعدك على اتخاذ قرار صح هو الاستخارة والتوكل على الله ووضع نفسك بتصرف يد رب العالمين وتفويض أمرك له

وحتى لو كان القرار خطأ حبيبتي تقدري تصححي الخطأ بدل ما تهدمي كل اللي بنيتيه

يعني لما وجدتي بأنه تخصصك العرض فيه أكثر من الطلب تقدري تعززي شهادتك بكورسات واضافات مثل اللغة وغيره مما يتناسب مع شهادتك بدل ما ترميها
حاولي تصلحي زواجك .... إذا مساوئ زوجك غير قاتلة فحاولي تصلحيها أو تتأقلمي معها .. ولا تنسي بأن مافي انسان كامل .. لا هو كامل ولا أنتِ ... ومثل ما عنده عيوب متحملتيها أكيد عندك عيوب هو متحملها

خلي عنك اليأس والاحباط .. كل الناس تغلط وكثير منهم ما يعترف بغلطته .. واللي يشوف غلطته مثلك هو اللي على الطريق الصح لأنه أكيد بيحاول يصححها أو يتعلم منها للمرات الجايه

__________________

أنا بصراحة ما أشوف قراراتك فيها شئ خطأ

بالعكس كل قراراتك صحيحه وموفقه بإذن الله

دراستك بأي مجال ان كنتي متفوقه فستجدين فرصة وظيفيه وقد تبدعين في مجال وتخصص انتي تحبينه ويكون لك شأن بإذن الله

زواجك اكملتي حياتك بزواج واستقرار وان كان قصدك ان زوجك ليس هو من تمنيتي فأرضي بنصيبك وحاولي تغيرينه الى ما تريدين بحسن التبعل وبذكائك

ولكن ان تصححي قراراتك لإعتقادك انها خاطاه بقرارات خاطئة مثلاً : تتركي الدراسه لأن التخصص مو هو التخصص اللي ينصح بدخوله اكملي دراستك فأنتي متفوقه

تتطلقي من زوجك بسبب انه بينكم مشاكل هذا قرار خطأ كل البيوت فيها مشاكل وهنا انتي لا تصلحين قرارات بل تهدمين هدم

وعليكم السلام ورحمه الله وبركاته
حبيبتي انتي دحين تشوفي الحياه وقرارتك بنظرك انتي وحدكي وتقولي انه كل شئ غلط ب غلط لانه من كثره ما صرت تفكرني كده اصبحتي تشوفي كل شئ غلط ولكن الواقع غير كده خاالص
الدنيا هذه فيها نااااس كثير عملو اغلاط كثيره وفيها ناس محطمين ووو بس برضو هذا مو معناها اننا نستسلم واننا نشوف انه حيااتنا خلاص ما لها اي معني لا حبيبتي خلي عنك الحيره والتوهان والقلق والاحساس اللي انتي فيه لانهم راح يخلوكي دائما تحسي بالفشل ولا تستسلمي لاي شئ وقاومي هذا الشعور وكل التخصصات مهمه مهما كانت صدقيني عندي صديقه امريكيه تفتخر ان والدها كل يوم خميس يقوم بلم الزبائل فهده مهنته وهي ماشاءالله راح تكون ممرضه كوني فخوره بأي شئ تعمليه وفي ايدك تسوي العجائب لا تيأسي ابدا
وثقي بالله ثم بنفسكي وادعي ان الله يكتب لكي الخير في كل شئ والاستخاره قبل كل شئ
والله يوفقكي

ما اثق بأحد عشان كذا ما اسمع النصائح
واعتقد ان ما احد يعرف الصح الا أنا و ان ما فيه ادري مني !!
واكتشف بعدين ان ما عندي سالفه !!
و لا أتوب كل مرة ارجع لنفس الاسلوب !!

الذوق النجدي : مشكووورة لكلامك الله يسعدك
و كيف أربي نفسي ؟ و أنا اصلا اللي اضيعهاا
صحيح الناس لهم طاقة لكن عاد ما اظن فيه اغبي مني والله
بلااااهه من جد بلااااهه
أخطائي كل مرة اقول اتعلمت واكتشف أني مو مستوعبه شي !!!
مع أني استخير والله وادعي كثير بس برضوا غلط في غلط ..
و مهما استشرت ما اقتنع الا باللي بعقلي ..
ايش تسمي هذا من غباااء

أنا مو راضية عن نفسي ولا حياتي ..
و التصحيح صعب يستغرق حياتي الي متي أغلط و اصحح وعاد اغلاط مصيرية
مو شي بسيط .!!
و اشوف نفسي أني فعلا احتاج اللي يقرر عني !!
لأني وصلت مرحله حرررجه توقفت فيها عن اي قرار او تقدم
مهما فكرت و فكرت اغلاطي تغلب علي تفكيري
وفي الوقت الحاضر كل قراراتي مصدرها انفعالاتي مو عقلي