كل ما نحكي بهالموضوع انا وزوجي.. ينتهي بمشكله وتعصيب..
السلام عليكم ورحمة الله وبركاته :-
بدخلكم بالموضوع مباشرة ...
طبعا كل مانتحدث بهالموضوع او نتناقش فيه انا وزوجي
او مرات الحديث يجي لحاله ... ينتهي بمشكله ونكد
((تربية الاولاد .. وانجاب الاطفال))....
وهاد الحوار الي صار ...
اليوم جر الكلام وانفتحت السيرة ...
فقال زوجي :انا بدي اولاد كثير اقل شيء 6 (ذكور واناث)
فقلت : بس واحد وكفايه وهيك بيصير عندك 4 وبكفي ..
فقال :لا انا بدي عزوة ...
فقلت :زمن امي وامك راح وطريقه هالتفكير ماحدا بيفكر فيها ولاحد
بيكثر اولاد هالايام .. لانه زمنا صعب
فقال : انتي ماعندك اي مشكله بالحمل والولادة كل شي ممتاز
شوالمشكله ...
قلت: التربيه اهم مو زيادة اولاد وبس ...
فقال : طبعا انتي ملزومة بالتربيه .. وانا عليه اجيب لكم فلوس ...
فقلت : اكيد لا .. لانه التربيه على الام والاب يعني النص بالنص
مو بس عليه انا لحالي وانت وين رحت..
فقال :انا بكفي بشتغل وبتعب ليل نهار حتى اامن عيشتكم واجيب الكم فلوس ...
فقلت : مابيصير انا لوحدي اربيهم ..
فقال : بكفي انه كل شيء بيجي لك على الجاهز ...
((مفكر انه انا بظل جالسه مع الاولادولاكانه فيه مسوؤليه .. مو يعني بطلع
الشيب في راسي منهم ))..
وصار يعدد بامثله :
شوفي جارتنا كيف تربي ايتام ؟
قلت: لانها ارمله مجبورة تربي اولادها وزوجها متوفي ... يعني لازم تموت
عشان اصير مثلها ..
وجاب مثال ثاني :
وكيف الي بتشتغل وتربي الاولاد بنفس الوقت ؟
وانتي كل شي عالجاهز وموعاجبك ..
وانتي دايما مغنوجه وبتشيكلي من الاولاد ..
قلت : انا بشكيلك منهم حتى تشاركني فيهم وتعرف انهم بدهم تكون موجود معهم ...
((انا مرات اشكيله حتى يفهم اني محتاجه معي بتربايتهم ولاثبات نفسه عليهم .. لكن هو فاهمها
انه انامتغلبه منهم ..))
وبعدين انا بحكي بالشرق وانت بالغرب
انا قصدي واضح لازم يكون لك دور معي بتربيتهم ...
موقصه مو عاجبني او متغلبه ...
وسالته: طيب مين رباك ؟
قال: امي وابوب كان بيشتغل بالسعودية ..
قلت : طبعا امك لانه والدك كان غايب ومافي غيرها بهالوقت ..
بس انت مو غايب انت موجود وانا كل اللي اطلبه تكون معهم وتشاركني بتربيتهم
((هو مقتنع انه التربيه والانجاب على الزوجة بس ))
فقال :طيب انا اربيهم لما يكبروا شويه كمان ...
عاد انا عقلي طار من راسي من هالجواب
وقلت : اذن مافي لازمة لانهم راح يكونوا متربيين والاولاد ماراح
يستنوك لما يكبرو وتربيهم ...
وبعدها طفح الكيل معي وقلت :
الاحسن ما نجيب اولاد كمان ولا انكثر لانه تربيتهم ح تطلع ع راسي لحالي ..
وانت تقولي وانا بجيب الفلوس ..
بعدها سحب حاله وطلع من البيت ..
شو اعمل معه حتى افهمه ...؟
كل مرة الحوار بهالموضوع يكون عقيم وبموضوع الانجاب كمان ...؟
فتحت الموضوع مرات برواقه لكن ينتهي بمشكله ...
انا بحب التخطيط للمستقبل وبحب اكون على بينه معه ..
لكن مبداه انه كمان كثرة الانجاب عزوة هاي مشكله عندي لوحدها.. غير التربيه
اريد ارائـــــــكم
***********************
__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).
التعديل الأخير تم بواسطة مس سندريلا ; 21-11-2011 الساعة 02:53 PM