بسم الله الرحمن الرحيم ..

السلام عليكم ورحمة الله وببركاته ...


والله ضااايقه فيني وحيل متكدرره وكل تجهيزاتي تلخبطت

كنا متفقين انا وزوجي انه العرس عائلي وهو يبي كذا باقتناع ..
وكل شي ماشي تمام لان حتى اهله يبون كذاا

لكن اليوووم كلمني زوجي وقال مافي عرس
انصدمت قلت ليش والله عبالي صاير شي ...
قال لا بس ابوي كان مقتنع وفجاه غير رايه ..
وقال العرس كبير وبقصر ...
قلت من جدك انت قال وربي ..يقول وقلت له
ماعندي فلوووس قال مالك شغل كلش علي ..
وتضااايقت حييل انا وقلت لزوجي تيب بكيفكم ..انا بنام
وقال تنامي اللحين قلت ايه ..وقال متضايقه قلت لا ..
وقفلنا ..

ولما قفل رحت ل اخوي وقلت له قال طيب انا قايل ل ابوه
واخوه انه العرس نبيه عائلي قلت طيب تصرف ..قال اخوي ..
خلاص بكيفهم العرس للرجال ترى وابوه يمكن يبي يفرح به ..



وللعلم زووجي حاااول يقنع ابوه لكن ابوه عصب عليه وقال انتهى الموضوع .


وانا وربي ضاااقت بي ماااابي عرس كبيرررر مااابي

وش اسوووي ؟؟

طيب وليه ماتبين عرس كبير ..؟؟

خصوصاً وأن التكلفة بتكون على والد العريس ..!!

مبروك مقدماً

الله يبااارك بك

مابي كبير لان اولا وربي نعمه بالزباله ومظاهر كذاابه
ثانيااا خواته مايعرفون يتصرفون لانهم صغيرات بالعمر وامه كبيره ولا راح يشرفون ع شي
ثالثا انا رتبت كل شي ع اساس زواج ع قدنا ووش لنا بالناااس ويطلعون يسبوون
رابعااا اابوه كان مقتنع بس مدري وش غير رااايه فجاه
خامساااا وربي الان شلت هم اكثر من اول اول كنت احس عادي ومبسوطه الان العكس
لدرجه افكر اقول لزوجي اذبح ذبيحتين وابلبس فستاني واروح معاك من بيتنا
وربي مابي ابد وتااازمت حيل

أولاً : جزاك الله خير على نيتك الطيبة وعدم رغبتك في الإسراف

ثانياً : إن كان تم لك حفل زواج كبير فذلك فضل من الله سبحانه وتعالى أكرمك به من غير طلب منك .. فلتحمدي الله سبحانه وتعالى لأن حُلم كل بنت هو ليلة زواجها وكيف ستكون وماذا ستفعل ..إلخ

ثالثاً : كما أن والد زوجك كان موافق على الحفلة العائلية ثم غير رأية .. فما أدراك ربما يغير رأيه مرة أخرى ويعود على الحفلة العائلية .. إنتِ بس خليها على الله سبحانه وتعالى وتوكلي عليه .. وما أراد الله سيكون

رابعاً : لا تهتمي بمن سيقوم على الزواج .. فهذا شأنهم .. أنتِ فقط ستكونين عروسة الحفل المشرقة وهذا هو المهم .. أما كلام الناس فهم سيتكلمون في جميع الأحوال ولن يرضيهم أي شئ أبداً

خامساً : لا تظهري لزوجك أي نوع من التذمر .. بل قولي له .. أنا فرحانه بك وبما ستقدمه لي في جميع الأحوال سواء حفل صغير أو حفل كبير .. ثم أدعي لوالده بأن يعوضه الله سبحانه وتعالى وأن يبارك فيه وأن يدخل على قلبه الفرحة والسرور كما يريد أن يدخلها على قلبيكما .

أعانك الله

مممو بيدي هالشي بس ما اقوول الا الله كريييم...
وانشالله يغير رايه ..
انا لو بس ما استحي كان كلمته وطلبته لكن مستحيه منه ..


اشكرك على الرد والاهتمااام

أختي غراااام زوجي صدقيني الزواج العائلي أبرك بكثير من الزواجات والحفلات الكبيره لما قد يصاحبها من تبذير وإسراف
في الأنعام والتفاخر والمضاهاه وحاولي معهم باللين إن وافقو فأفضل لك ولهم قبل كل شيء وإن لم يوافقو فهذا يعود لهم
التعب لزيد والمدح والثناء لمزيد أهم شيء لاتدعي هذا الأمر يعكر صفو فرحتكم الله يوفقكم ويسعدكم .............شااااب

__________________
لا تكن عبد مملوك كن حر حتى ولو كان الثمن روحك

الزواج الكبير له مزايا والعائلي كمان
ما الومك لان ممكن يكون لك اسبابك الخاصه
انا ماعندي مشكله لكن افضل الزواج يكون عائلي

جمدي قلبك لو خايفه
ممكن تكونين مجهزه فستان سمبل عشانه بس والزواج الكبير يحتاج له فستان
انيق
كثير بنات يشيلون هم الزفه ودخلتها ع الناس
لكن جمدي قلبك وقولي خيره
الله يوفقكم يارب

ماشاء الله تبارك عليك تصدقين انا كنت ارفض اي شخص يقول الزواج عائلي ابدا حتى لو كان متدين وطيب العادات عندنا تلعب دور كبييير في ذاك يمكن انتو عندكم شي طبيعي
بس مو معقولة تتضايقين عشان قال الزواج في قصر التكاليف عليك ولا علية ابوة قال انا بتكلف فيها خلاص انتي وش عليك لاعليكم ديون ولا شي افرررررررررحي وانبسطي هي ليلة وحدة بالعمر
بالتوفيق
تحيااااتي

الله يكتب لك الى فيه الخير

ولا تفكري بامور صغيرة تضيع فرحتك الكبيرة

ياحبي لك ياغرام اعرف بنات يصيحون يبون عرس كبير حان ران ومالهم الا عرس عائلي بس هههههه احمدي ربك
سبحان الله ياقلبي مااحد راضي عن وضعه ... بس زي ماتفضلت الأخت قبلي إذا كنتي شايله هم الفستان والزفه
الغي الزفة بلاش زفة والفستان الموضة ألحين سمبل وناعم لايهمونك الحاضرين رضا الناس غاية لاتدرك أهم شئ المكياج حلو والتسريحة ناعمة والطرحة حلوة والنظرة الخجولة ,,,
واذا امه واخواته الله يحفظهم مايعرفون يتصرفون ,, أكثر ماكثر الله محلات تنسيق وتنظيم الحفلات ومشرفات مؤهلات للشئ هذا ... طيب أنا عندي إقتراح ؟؟؟ ليش ماتخلين مامتك تكلم امه وتقول نبي عرس رجال بالقصر والحريم بالبيت ؟؟ أشوف كثير يسوون كذا ومبسوطين ...
لاتخربين فرحتك ياقلبي واللي قبلي ماقصروا كفوا ووفوا ... مافيه كلام جديد أقوله
لكن الله يوفقك لاتخربين فرحتك ولاتخلين ابليس يضيق صدرك اعوذ بالله منه ...

دامه بقصر اعزمينا عاد ههههههه

__________________
الدراسة مقبلة دعواتكم