مساءكم ورد..

سبق وطرحت مشكلتي
http://www.66n.com/forums/showthread.php?t=226405

حقيقة أنا أكتب وأنا عارفة ماراح أطلع بنتيجة
لأن وضعي غامض
حتى أنا مافهمته


الزبدة
عندي سؤال حارق قلبي
يمكن ماعندكم جواب يلامس وضعي
بس أقل شي أبي أحد يحس بوضعي ويفهمني المعنى!


طبعاً حياتي سلسلة مشاكل
لاتسألوني وش مشاكلك
لأن اللي يخلقها زوجي من أمور تافهه المهم إنه يبي يحسسني بالتقصير وإنه غير مرتاح مني
وخلق جفوة كبيرة بينا

لدرجة أنا يافلانة ماكنت أتوقع بيجي يوم اكون منبوذة من زوجي
وغير راغب فيني نهائياً لأسباب الله أعلم فيها

اللي بفهمه

وش اللي يمنع رغبة الزوج لزوجته لدرجة تصل لـ 8-9 شهور
مالمسها ولا نام معها!!

هل ممكن لو قلنا وفرضنا الرجال عاشق لوحده ثانية
أو راعي سكس فون مثلاً
هل هالشي يخليه يكتفي من زوجته
ولا عاد يلمسها حتى اللمس؟؟؟
( طبعاً أنا أتوقع يعني مدري لو زوجي له علاقات لكن هذا شي وارد هالزمن!!)

أبي سبب للوضع اللي أنا فيه
ليش زوجي ماعاد يرغب الممارسة معي

معقول شي نفسي بعد هالعمر!

معقول مثلاُ ممكن يكون الملل
يفقد غريزته عشانه مل مني!!

اللي بوضح إختصار لأي سؤال ممكن يجي ببالكم
أنا مافيني عيب أبد لابشكل ولا بأي صفة
وكنت بنظرة ممتعته بقووة بالفراش

وش اللي تغير؟؟

المووضوع محرج بس والله محروق قلبي
ماتوقعت بتوصل حياتي للحضيض
ونصير مسمى زوجين

وفوق هذا
فوق حرماني
يطلع عيوب فيني يبي يحسسني إني ولا شي

اقلها
أبي تفكيره منصف
هالآدمية مو معطيها حقها الشرعي
وساكته
ماعاتبت
هذا دليل إنها محترمة علاقتنا ومو حابة تهيني

فليش يزيدني طعون في جسمي لحد الهلاك

قسم بالله مافيه شي ماسويته
رحت لإستشاريين

عدلت من طبعي
تغيرت
وفي كل مره أتبع أسلوب ممكن يناسب معه

مافاد شي مع هالآدمي

بالعكس

صرت احس إني مهزوزة من جواتي
فقدت ثقتي بنفسي
وشكلي وأنوثتي
حتى لمن أمر من عنده
ودي مايشوفني
أحس صرت كني كلي عيوب من كثر ماهو منصرف عاطفياً وجسدياً عني

بعض الرجال ظلمه جدا
لكن كل قوي وفوقه إلي أقوي منه

غاليتي لاتشغلين بالك بتفكير
تقربي إلي الله
قوي علاقتك بربك وخالقك هو المعطي والرازق
لاتفكرين في زوجك أبدا أنسيه كأنه غير موجود
أشغلي تفكيرك بأولادك وبنفسك وكيف تهتمين في نفسك
لو عند خادمه أنتبهي منها
إضافه لموضوعك الأول لاحظت مدحك لنفسك لكن أختي الكثير يشوف نفسه كامل
لكن لو دقق بيشوف عنده عيوب كبيره
أختي راجعي تصرفاتك كلامك عند الناس ومع زوجك
والعين حقك أقري سوره البقره والأذكار وحافظي عليها يوميا
وتقربي من ربك
حتي عيالك حافظي عليهم من ناحية الصلاة وقراءة القران
أكثري من الإستغفار
نصيحه أستمري علي قراءة سورة البقر والإستغفار وراح تشوفين تغير
إضافه لكذا أعمري بيتك بذكر الله والصلاه علي نبينا محمد اللهم صلي وسلم عليه

(ولا تكونوا كالذين نسوا الله فأنساهم أنفسهم)

الفرج بيد الله مو في يد خلقه وسبحان الله يمكن هذا خير لك عشان ينبهك علي تقصيرك في شي أو في جنب الله

الله يفرج عليك ويقر عينك بزوجك وعيالك

__________________

يالغلا انا والله ماأمدح نفسي
ولا فيني زود عن غيري
أنا بس أوضح معاناتي ووش قدمت ووش أسلوبي

أنا بنتي نفسها تجي تقول ياماما أنا شايفة الوضع
أشوفك
أشوف تعاملك حرصك على أبوي إجتهادك له
أنتي أبد ماقصرتي ماسويتي شي غلط
هو بس ياماما فيه شي وهي بنفسخا قالت أظن أبوي معه إكتئاب
طبعاً هي صريحة أوقات تغلطني يعني مو عشاني أمها راحمتني وواقفة بصفي

ويالغلا
أنا مو كاملة
لكن لو فرضنا مني خطأ
مني إهمال
تقصير

استحق عليه هجر في الفراش طوال هالمدة؟؟!!


تدرين إنه ماكن ينام معي ع السرير
كله بالأرض
كنت أنقهر
6 شهور ويمكن أكثر مايبي ينام ع السرير جنبي!!

لحد ماجاء ليلة رمضان وكان يعايد الكل ع الجوال وانا ساكته
ولمن خلص جاء نادانا كل اللي بالبيت وقال الشهر عليكم مبارك وو.....الخ

أنقهرت انا زوجته أبي يجي يبارك لي خاص مو مع عيالي
بس والله كبرت عقلي كنت مجهزة هدية بالبيت له من شهر ومغلفتها ورحت مريت محل ورد
وجبت باقة ورد وأنتظرته لمن رجع من سهرته ووقفت عند الباب لمن حسيت بسيارته
ولمن دخل كنت مخبيتهم وراي وتبسمت كني طفلة أدور الفرح مديت له باقة الورد

وقلت
بلغة الورد أقول الشهر عليك مبارك
فرح فيها وانبسط ولمن هجد ويا خشته مديت هديتي له

فلمن جاء ينام بالليل سحب بطانيته ونام عندي

قد مافرحت قد ماتوجعت
يعني ليش ماجاء من نفسه ليش ضيع حياتنا بزعل!

حتى بعدها بيومين صارت زعلة كبيرة
ووجعني من يدي وتفل بوجهي وسبني لين قال آمين

رجع بالليل يعتذر وخنقته العبرة يقول قدمتي لي هدية وأنا عاملتك كذا

كان برمضان يخطي كثير ويجي يعتذر بطرق ملتوية شي برد خاطري

بس صار عقبها يخطي بشكل كبير ولا جاب خبري
يجرحني كثير ولا يفكر يرضيني
والله مستغربة من كان يخاوي أول رمضان وله تأثير عليه مو معقولة مو من طبعه يعتذر

أنا رحت قريت عند وحده من شافتني قالت محسودة ولي كم يوم أقرأ عندها مو ملاحظة أي تحسن
وزوجي أبيه يروح ومطنش حاسه لو يقرأ عند شيخ ممكن يتحسن الوضع بس مو مهتم ابدا..

لكن ماأعتقد إن الحسد يسوي كل هذا..

كم عمر زوجك ؟

لاحظتي عليه مشاكل صحية مثل حصر بول مثلا أو ألم بأسفل البطن ؟

لا تستبعدي الحسد والسحر واللي أدهى منهم وأمر هم شياطين الإنس والجن وزًنهم ... إقرئي على الماء اللي تشربون منه أو اقرئي على قارورة ماء واسكبيها مع الماء اللي تشربون منه إقرئي البقرة والمعوذات بشكل يومي والاستغفار والاستعاذة مئات المرات يومي ... طرد الشياطين يحتاج قراءة ورقية كثيفة وما يحتاج انه زوجك يتعاون معك فيها .. إقرئيها بالبيت وعلى ماء يشرب منه .

الله يعينك ويهدي زوجك

__________________

ابنتي الكريمة
1- إذا قدمت الأنثى ما أوجب الله عليها وقصر الرجل في حقها قالانكسار عليه هو لا عليكِ
ولا تنتظري رأيه فيكِ بل أنظري لله سبحانه فما دمتي لم تقصري فلا تشعري بالانكسار ويجب أن يشعر هو بالانكسار ومن العجيب أن معشر النساء تجتهد وتطلب من الظالم لها رأيه في كمالها ثم هو يبدي رأياً ظالماً فتتحطم وممن من الظالم ولا تنظر لله سبحانه ولو كانت هي ظالمة وزوجها المسكين يطلبها وتأبى تحس بنشوة أنها مطلوبة ولا تنظر لله سبحانه وظلمها.
2- الرجل في الحاجة للجماع ينضغط كما ينغط لتفريغ البول أكرمكم الله جميعاً أي أيا كانت دوافعه وما يجول في خاطره لا بد أن يأتي إليكِ ويخذ حاجته ثم يعود للمجافاة.
3- إذا لم يكن للرجل حاجة بزوجته ويخطط لأمور دنيا كأن يلجأها لطلب الطلاق ليرجع بالمهر أو في خاطره أخرى مثلا وطلبت منه مفارقة الأخرى سيبدوا من كلامه هذه الأمور.
4- إذا كان ما يحصل رغما عنه فسيظهر . لذلك أرجو الاجابة على هذه الأمةر . لنتابع

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

الله يفرج همج
لا تنسي الدعاء والصلاة باليل

عمره آخر الأربعين...

إذا قصدك بروستاتا..لا مامعه
لأن الوضع كان في البداية ضعف..عدم إستطاعته يكمل
شكك إنو بروستاتا..كشف وعادي مافيه شي..
أستمر الوضع ضعيف...رغم عدم وجود مرض...
ماعاد يجي زي قبل برغبة
صارت مجاملة ومحاولة إشباع لي أنا..
لكن...الوضع ماكان يساعده ويحس بخيبه...
إلى أن صار الوضع جداً قليل حتى وصل لإنقطاع كلي...

أولاً أنا سعيدة لتواجدك
صحيح غير متابعة للموقع لكن حسب تواجدي حسيت إنك رجل لك ثقلك في المنتدى
ربي يوفقك ويسعدك...

1- أدري الخيبة عليه لكن الرجل يخوف
لأن خيبته ممكن يحلها بالخيانة أو الزواج على زوجته!
كذا طبع الرجل
مايحل مشكلة قائمة إنما يفكر الزواج الثاني حل لجميع مشاكله
صح أحس بنفور منه لكن أرفض عقب صبري عليه يروح لغيري!


2- ليته يجي ويجافي
إلا مايفكر ابد يمارس واستغرب مو عشاني عشانه هو
وين رغباته! كيف يقدر كل هالوقت يستغنى عن هالشي!

3- اي مهر!!
أنا متزوجة من 20 سنة
عندك رابط موضوعي فيه بعض التفاصيل بارك الله فيك

وماجاب طاري غيري
بس إذا كان زعلان يقول حسافة البيت عليك
حتى مره قلت إنت بخاطرك زواج واللي بتتزوجها رافضة وجودي!
عشان كذا كاره وجودي وتبي فرقاي! وتبي هالبيت لها!
يحلف ماعنده شي بس مادري أحس الرجال مو عارف وش يبي
يبي هدوء وتوالف وهو بنفسه يبعد عني ويهزئني ويدور المشاكل!
صح على كم مره يهدد بالزواج
بس كثير يردد إن الحريم مثل بعض وياحظ العزابي
وإنه مايفكر بالزواج

طبعاً إذا هدد بالزواج أو قال ماله في الزواج
كلامه مايؤخذ بجدية لأن الواحد ممكن يبي يخوف الحرمة بالزواج من باب تأديب
وكمان لمن يقول مافي خاطري زواج...ممكن مو حاب يعلنها..لأنه بطبعه كتوم
ولو بيسويها بتكون بالخفى لان اللي مثله يخشى من الإخفاق
ويحسبها صح مو خذني جيتك!

4- أخوي ترآ ضعفه وقلة هالشي لها تقريباَ 6- 7 سنوات
بس السنتين الأخيرة زاد عن حده
والسنة هذي شح بقوووة.......

معناها انه المشكلة عند زوجك مو عندك ... وعادة يتصرف الزوج عند شعوره بضعف جنسي بنفس الطريقة اللي يتعامل معك فيها .. ما أقول انه تصرف صح لكني أوضح لك بأنه العيوب والنقد المستمر لتصرفاتك وشكلك سببه شعوره بالعجز وليس قناعته بصحة رأيه فيك ..

اخاف أقولك صارحي زوجك وناقشيه بعلاج وتكون نصيحتي بغير محلها ... واعلم مدى معاناتك ومن الظلم أن اطلب منك الصبر ومن المستحيل أن تقدري على الصبر اللانهائي على سوء العشره فلو كان الأمر مقتصر على حرمان الجنس لهان الأمر لكن سوء العشره هو ما ينغص المعيشة .

لو تفتحي موضوع للمستشار رجل الرجال في قسم ساعدني (لطلب مساعدة من عضو محدد)

http://www.66n.com/forums/forumdisplay.php?f=139
اظن أن مشكلتك تدخل في تخصصه كمستشار لكن وضحي له مضمون ردك لي أعلاه .. التدرج في انقطاع العلاقة له مدلولاته التي ربما تغير نظرة المستشار لحل مشكلتك

__________________

ام ربى

ونعم بالله...