لطالما تابعتكم ب الظل وقررت اني ابوح بمشكلتي مع خطيبي عن كثب
السلام عليكم ورحمة الله وبركآتمه .،
لطالما كنت أبحث عن ملتقئ يحمل في طيأته
اُناس فأهمين ومثففين ..
وان شاءلله جميعكم عند حسن ظني ..*
انا سجلت هيناا بعد التشتت الي اصابني من اراء الاخوات في المنتديات النسائيه خاصه ، وأثناء بحثي عن امور مشابهه لحياتي في المنتديات الاخرئ عامه ..
راح اذكر كل شي بالتفصيل وأستنئ ارائكم جميعاا ..*
الحمد والشكر لله انا مخطوبه ( تم عقد القران )
من سنه ونص .. وباقي علئ زواجي اشهر معدودات اذا ربي كتب ..
خلال السنه و النص زوجي مازارني الا مره وحده فقط الحمدالله ..
ولكن بينا مكالماات ورسايل ..*
ما اخيفكم أني متأثره كثييير بعقليه قديمه والشي هذا مسبب ازمه لخطيبي ( زوجي شرعا )
يعني عندي قناعه تامه ان موب حلو كل شي يكون الان ..*
عندي قناعه تامه لازم افرض حيائي عليه لان الرجال يحبون البنت الحياويه
عندي قناعه تامه بأني الأن في مرحله حساسه وأي شي *سواء من تصرف او قول يصدر مني راح اُسآل عنه من قبل زوجي بعد الزواج
والشي هذا كثييير توهني لاني فعلا مقصره عليه الان بسبب هالعقليه الي مقتنعه فيها جداا لكن يرفضها زوجي ..
سالفتي شوي طويله لكن اتمنئ تكون خفيفه عليكم وتتفهموني ..
راح اشرح لكم وضعنا من بدايه الملكه الئ الان وكيف اتطورت الامور بينا ..
اولا انا وزوجي متقاربين في العمر الحمدالله ما بيننا الا اشهر قليله ..
سنه ونصف فتره الملكه .. ماتم فيها زيارات ابدا الا مره وحده وبذكرهاا ..
كان كلامنا جدا عفوي وبحدود كل شي لاني اخجل ولا زلت ولا قد فتح معي موضوع يحرجني فيه ابدا ابدا مواضيعنا محصوره ف الدراسه الحياه الاصحاب الاهل ..*
ممكن جلست اول فتره هوا يحكي وانا ساكته*
ممكن لو بقدر المده هذي اول 6 أشهر*
لدرجه حتئ كلمه احبك ماقلتها له ..*
اول مانطقتها قلتها وقفلت علئ طول ..*
صار في راحه اتقربنا من بعض اكثر فهمنا بعض اكثر صرنا ميانه مع بعض اكثر*
لكن مازال الحكي بحدود ..*
ماكان في بيننا الا غزل عفيف جدا ..
مرت الايام وزارني الزياره الاولئ .. كيف اوصفها لكم ممكن جلسنا طول الوقت نناظر في بعض
الكلام الي كنت اسمع عنه في فتره الملكه ( البوس )*
عذرا علئ المصطلح .. والامور الثانيه ماحصلت ابدا ابدا*
عدت فتره وصرنا اقرب واقرب الحمدالله لكن بدا يتجرء في الكلام ..*
اسفه ع الي بقوله ..
لكن كان حدود جرائته وحكيه ( نفسي ابوسك او احضنك )
طبعا انا اكون ساكته ولازم اكون ساكته بحكم عقليتي الي تفرض علي حتئ لو ماكنتي خجوله اصطنعي الخجل ..
صرنا جدا قريبين من بعض الحمدالله صحيح ما اخجل لمن اسولف معه لكن في الامور الثانيه حقيقة اخجل ..
خصوصي من اهله لمن يحكيلي سالفه ويقول قلتلهم كيت وكيت او جبنا طاريك او قلتلهم انك قلتي كيدا وهي بالاصل تكون امور جدا عاديه لكن اخجل من اهله جدا ..
احتراما لهم وكوني لسه ما صرت في بيتهم*
حتئ لو صدف احد من اهله وهوا يحاكيني اخجل ووجهي يصير حار وارتبك واعاتبه ليش تقولهم انها انا الي تحكي معها*
هوا كان يرد علي ويقولي انتي زوجتي افهمي قدام كل العالم زوجتي لو اجي اخذك من عزومه عاديه ما احد يقدر يتكلم والله زوجتي وبالحلال ..
اتطور الوضع وصار خطيبي يحكي بأمور ما اتخيلت انه يحكي فيها .،*
ومن زمان قد قالي انو اكره خجلك كنت ارد مستغربه !! في رجل يكره الحيا ومن زوجته*
يقولي في زوجه تخجل من زوجها ؟*
حسبته كلام في الاول ولا زلت مقتنعه بوجهة نظري ان الحيا يحبونه حتئ زوج صحبتي يقولها ابغاك تكونين شوي خجوله .. لانها جريئه
عرفت ان الرجال يختلفون .. زوجي يقولي انا ادعي الله انك تبطلين خجل لانك قاعده تحطين حواجز بيني وبينك ..*
وحاولت وحاولت لكن ماقدرت وكل مايحكي في امر محرج الزم الصمت ..*
لنا سنه ونص متملكين لكني ولا مره اتصلت عليه اتصال مفاجئ ومرات معدودات دقيت عليه بطلب منه اني اصحيه وماتتعدئ 3 مرات .. وكان مايرد هوا الي يرجع يدق ..
انا بطبعي اكره اكون مقيده .. هذا طبعي مع الاسف وعارفه انه ماينفع لفترة الملكه لكن هذا طبعي مع الاسف
خطيبي طالما الح علي اني اتصل فيه واتفقده واتطمن عليه واسال عنه بوقت مفاجئ .. ووعدته اني بحاول لكن فعلا فعلا اخجل ولا اقدر اسويهاا ( انا الرسايل ما ارسله الا لمن يرسلي )
يعاتبني ليش *ما اكلمه زي زوجات اصحابه اقوله اخجل اخاف تكون جالس مع اهلك او مو فاضي لي او مع اصحابك وهوا اغلب وقته مشغول ..
يقولي مو عذر لو مشغول برسلك لو مع اصحابي برسلك لو مع اهلي بطلع اكلمك ..*
وكان بلا جدوى .. عجزت اكون زي مايبغى*
دايم يطالبني احسسه باهتمامي لكن من جد ما اعرف والطبع يغلب على التطبع ..
وفاكر انو اغلب وقتي صحباتي ويعتب علي تهتمين ل صحباتك اكثر من زوجك ..*
طيب نجي للمشكله الى توهتني وتهت اكثر بعد مابحثت بالنت وشفت الاراء و الردود وتعبت اكثر ارضي زوجي ولا اخذ بأرائهم وانفذ بجلدي من نقد زوجي مستقبلا بعد الزواج اني كنت جريئه معه ..
فكرة ان زوجي راح يقولي بعد الزواج انتي كنتي جريئه جدا مستحوذه على عقلي
المشكله ان زوجي يطلب مني اكون جريئه ..
ولمن يتكلم في الامور الجنسيه ما اخذ واعطي معه يعني اتجاوب معه بل ردة فعلي *تكون عكسيه ي اما ابقئ ساكته او اقوله ترا بقفل ( ويا ما قفلت بسبب خجلي ) او اقوله ان الموضوع ما اعجبني وكل شي بعد الزواج احلا ..*
لكن السبب الحقيقي اعتقادي اني بهذي الطريقه اكون كونت لنفسي هيبه واحترام من قبل زوجي والامر هذا راح يطلع بعد الزواج ..
تعب وتعبت معه يقولي ماتهتمين فيني ولا تدقين او تفكرين تسألين عني ..*
حتى في شغله كررها اكثر من مره واخر مره من يومين لمن صار بينا نقاش حاد على موضوع الخجل*
هو انه يقولي بالمزح ( ترا بتزوج مسيار وحده تمتعني بالحلال على بين ما نتزوج )
تهت والله مابين رأي والدتي ، ورأي صحبتي ، ورأي زوجي واراء الناس الكثر الي قريتهم في النت
ساعات اقول سوي زي مايطلب منك زوجك كل شي بالحلال دامه يبغى الشي هذا ..
وساعات اقول لا تسوين شي واصملي على رائيك راح تكبرين بعينه بعد الزواج ويحترمك اكثر على اصرارك ع موقفك وتمنعك ..
وبيني وبينكم الفكره الثانيه هي الارجح والي مسيطره علي اكثر .. كثير قريت قصص وردود اعضاء شباب يقولون الحيا احلا ويذمون بالجرأه وانا اتأثر
وكثير اتأثرت بكلام الاخوات في المنتديات النسائيه بل وخوفوني ان الرجل يبغى يتمتع الان واذا شافك خفيفه يقعد يلوم بعد الزواج ويقولك اصلا كنتي وقحه معي ايام الملكه ..
تهت اكثر واكثر .. صحبتي تقولي الي يسوي الامور هذي مو رجل ولا يستاهل اسم رجل ، بل العكس زوجك انتي ماشاءلله عليه رجل ونعم الرجال و ولد عمك ومستحيل يسوي هالامور فيك خصوصي اني احكيلها عن زوجي فتعرف شخصيته .. صحيح محافظ ورجل وتربية شيبان على قولتهم لكن لايخلوا من التفتح ، بحكم الجيل الجديد ..
زوجي يدري ويعرف وواثق اني اتاثر بكلام الي حولي وفعلا هذا الحاصل لكن في امور اكون شبه مقتنعه فيها
زوجي يدري اني اقراا منتديات نساائيه ودايم يقولي لو مو حياتهم فاشله ماحطوا مشاكلهم في النت .. وينبهني منها كثير
دايم يقولي لاتاخذين ب ارائهم انتي عليك من زوجك وبس !! الناس الي في النت كلن له عقليته له تفكيره الي مكتسبها من بيئتها وكل بيئه تختلف عن الثانيه يمكن رائيهم يناسبهم هم لكن حنا مايناسبنا انتي عارفه بيئتنا ..
دايم يقولي مو كل ما يُكتب في الكتب الي تقرينها يطبق .. اكبر مثال دكتور في الحياه الزوجيه من مصر وثاني من مدينه ثانيه كلن بيكتب على طريقته وافكاره واسلوبه ..
ودايم يقولي لاتاخذين بنصايح احد انا وانتي فاهمين بعض اعتقد سنه ونصف كافيه نفهم بعض فيها عرفتك وعرفت اسلوبك ماني محتاج نصايح من احد وانتي كذلك ..
قالي كثيييير قدموا لي نصايح ولا زالوا ولكني الحمدالله مو محتاج هذي النصايح انا عارفك مو اجي انفذ بلا وعي نصايح تُقدم لي ولا راح اعرف ايش هي النتيجه !!*
يعني مقتنع جدا بفكرة ان حياتنا خاصه بيني وبينه ولازم ماتطلع لاحد وحنا متفاهمين*
تعبت تعبت جدا وحنا مابين شد وجذب .،*
هوا يبغاني اكون جريئه وانا فكرة انو لو اتجرأت معه الان بتطلع علي *عكسيه بعد الزواج مسيطره علي ..
كثير يقطع قلبي واشوف معه حق لكن مابيدي شي اسويه .. اقدر اكون جريئه لو ظغطت على حالي بتغلب ع الخجل لكن كلام الكل في راسي مانسيته وهو ( انه غلط اكون جريئه معه ) ..
قد مره قالي خجلك هذا يخجلني منك يخليني اخجل اتعامل معك ..
زوجي خجول صح في بداية الملكه .. حسيت هينا انه يبغاني اتجاوب معه لمن يبادر عشان يتشجع اكثر
ومره حسيت قصده يبغاني اتجاوب معه عشان ما يصير في حواجز او يكون مرتبك في يوم الزواج*
انا فعلا تعبت دائما يطلب مني ابوسه على التليفون وانا ارفض ارفض ارفض لمن يطفر مني ويقولي الحكي الي دايم يقوله انا زوجك
دايم يقولي انتي غريبه !!
طبعا برضو ما اخفيكم لمن كلمت الوالده كانت نفس رائيي وانا كنت اقول يا امي لاتقارنين جيل الان بجيلكم السابق ..
الرجل يحتاج حنان ورعايه واهتمام وانا ماني عارفه كيف اقدمها له بشكل صحيح*
صح دايم زوجي يقولي ابغى حنانك لكني اتوه فعلا ما اعرف كيف اعطيه الحنان الي يبغاه 
*
لا احد يلوم هذا مجتمعنا الي تربينا فيه مانعرف الا زوجنا واحمد الله عليه
انا كنت رافضه اكتب الموضوع هذا في النت
بحكم اني واثقه من رده للفعل لو كتبتها في منتدى نسائي بيكونون جدا متطرفين خصوصي انو مو كل المجتمع السعودي عندهم مكالمات الملكه والزيارات غير مشروعه بل يشوفونها تفاهه الخ ..*
وماحبيت اعرضها في المنتديات الاخرى الي اتصفحتها بحكم اختلاف البيئات الي ذكرها زوجي وردو الافعال الي راح توصلني .،*
لكني وضعت ثقتي هينا لاني فعلا اتابعكم من مده وقدرت اميز انو في كم هائل من الحكمه والصواب
قد مره اتصفح موضوع شبيه ل موضوعي ورد رجل صنفت رده بطريقه عنجهيه نوعا ما لكن فعلا فعلا هزني رده بطريقه حسيته يوجه الكلام لي ..
كان رده ( ايوا اتكلمي بالجنس والاخ يمارس العاده السريه وبالاخر لا خلص من الي براسه قفل في وجهك ناس متخلفه هي ومكالماتها )
يا الله حسيته نبهني لكن انا مو كيذا !! وخطيبي مايكلمني عشان الجنس !!! وخطيبي لو كلمني فيه ماراح يتصرف بالطريقه هذي يقفل في وجهي !!! خطيبي صحيح يحتاج لحظات حنان الي لسه ماعرفته ودلع مني لكن لو اعطيته الي يبغاه ماراح يقفل زي ماقال الاخ
والف سؤال وسؤال دار في باالي بعد الي قريته ..*
من يومين زوجي اصر اعطيه يبغى بوسه وانا ارفض لمن زاد النقاش واتوصلنا انو باكر ان شاءلله راح اترك خجلي واكون جريئه معك جداا واعطيك الي تبغاه ما اخفيكم اني كنت متردده نص كلامي كان عقلاني واقول قاعده اقوله كيدا عشان بس اقفل والنص الثاني عاطفي ويقولي عطيه الي يبغاه هذا زوجك وله حق يطلبك الي يبي وبنات الحرام واجد ليه امنعه
وافكار كثيره جدا راودتني بعدها فتحت النت وبحثت وصدمني رد اخينا في الله صرت في تخبط مابين قلبي وعقلي وامي والاراء الي قريتها في النت*
عزمت اني ارسله اعتذر واقوله ما اقدر اكون زي ماتبغى وخجلي يمنعني ولازم تعذرني وتقدر لاني ما اعرف حاجه ..*
باليوم الثاني كلمني على اساس الاتفاق وماحبيت اوسله قلت اقولها له افضل
زوجي راعي معده اسأل الله يشفيه واتعبه كلامي حيل وتعرفون ان الغثى يزيد الم المعده*
حسيته زعل مني لكن ماصرح ولا قالي بالعكس قالي ما اقدر اضغط عليك والي تبغينه بيصير لكن اعرفه لمن يزعل حكينا عادي وقفلنا ..*
لمن صحى ارسلي انو قهرته امس ومعدته اتشنجت عليه وتعبان جسديا ،،*
*على صغر سنه لكن المعده جدا متعبته خصوصي لمن تحصل له مواقف تضايقه الموقف الي حصل ..
وهذا الي حصل والان اطلب مشورتكم هل انا على صواب ولا خطيبي ؟
هل انا مهمله ومقصره في حق زوجي*
ابغى ارائكم حتى تهدئ نفسي الي مثل النار خصوصي ان زواجنا باقي عليه اشهر مو شهر او اثنين*
نهايتا اعتذر عن بعض الالفاظ الي صدرت مني في الموضوع والله اني كتبتها عشان اوضح بس*
استفسار بسيط جدا زوجي ينادي بأسم ( ماما ) هل هذا الشي طبيعي
وعذرا على الاطاله في انتظاركم
19-08-2011, 07:13 AM
ضوابط المشاركة
العرض الشجري