السلام عليكم ورحمه الله وبركاته
اولا مبارك عليكم الشهر جميعا
تابعت المنتدي وتشجعت اني اكتب مشكلتي وانا اثق فيكم بعد الله اني اجد الحل
مشكلتي اني تزوجت قريب لي من خمس سنوات وكان مو موظف وصبرت عليه سنتين وبعدها توظف خارج السعوديه ( انا عندي مشكله واعترف دائما اني ما اهتم بالبيت ولا نظافته حاولت وحاولت اني اعدل من اسلوبي ماقدرت فيني خمول لابعد الحدود)
زوجي انسان بشع لابعد الحدود يوم كان مو موظف كان يوعدني انه بيسعدني بس للاسف كان يضرب ويهين ويهزء رغم اني صابره عليه انه مو موظف
مع الايام اكتشفت انه يحشش ويسكر بس ماكان يبين ذا الشي يعني كان بارع انه يخفي ذا الشي بس انا كشفت الحشيش اللي يخبيه وعرفت مكانه ( المشكله يوم يكون محشش او سكران مافي اروع منه ويكون انسان طيب ويضحك ونستانس بس لمن يوقف ينقلب ميه وثمانين درجه) لدرجه انه يدخل علي وفي يده القارورة ويقول ذا مشروب ريد بول او نوع من انواع الرد بول

بس انا عارفه انه سكار
للاسف لمن شفت كيف حاله يتغير ويصير طيب وحنون صرت اشجعه انه يشتري مشروب الطاقه ذا مادري ليه سويت كذا

الرجال ذا حقير لابعد الحدود
يحب يجامع من الدبر ويضرب على اتفه الاسباب واحيان يقصر علي
بس انا كرهته مره وصرت اشوف الموت ولا اشوفه المشكله عندي ثلاث بنات منه
تركت البيت اربع مرات وكل فظه يراضيني ويرجعني بس اخر مره انقلب حاله اخر مرة تركت البيت فيها رجعني بطريقه كل قبيلتنا تكلمت عن رومنسيته باقات ورد وطقم ذهب وساعه الماس وعطورات ولمي خاتم ذهب وارسلها مع خالتي والكل اقنعني ان ارجع لان ما احد قد سوى هذا الشي في جماعتنا
الشهاده لله الرجل تغير ميه وثمانين درجه بطل الشرب وكل شي ___ في الجماع يطلب من الخلف بس لمن ارفض ما يزعل ويهون بقيت شهرين عايشه شهر عسل تماشي وافخم المطاعم وفلوس يعني حاسه اني ملكه ومبسوطه بس المشكله ما قدرت ارجع احبه خصوصا ان عصبيته ما تغيرت يعني اخر مشكله عصب على شي تافه ف طلعت من البيت بدون علمه مع اخوي وكلمه اخوي بعدم مابكيت وتوسلت له اني ما ابيه بس يضرب ويهين فقام اخوي واتصل عليه وتناقشوا وختمها اخوي ان ماك حرمه عندنا
بعدها بكم يوم ارسل كل عفشي وكان بيطلق
بس غير رايه وقال ماني مطلق
انا مابيه ابيه يطلقني كارهته وكارهه العيشه معه
اذا قلت لاهلي خلوة يطلقني يقولون سمي بالرحمن من ذا الحكي ولا احد وصل له اني ابي الطلاق
وانا اعرف اذا وصل له اني انا اطلب الطلاق بيطلق بس اشلون اوصل له
كل ما يتصل على احد اصارخ من ورا واقول ما ابيه واذا جيت ابصرخ واقول طلقني احس انها صعبه تطلع من لساني
تعبت ياناس احيان اقول هو تغير ميه وثمانين درجه ليه ماصبرت وكل الرجال يعصبون ويرجعون
واحيان اقول اكرهه ولا ابي اسمع صوته
الحين له ثلاث شهور رجع لعمله في فرنسا وانا عند اهلي وكل الطرق مقطعه بيننا امس دخلت المسن ولقيته متصل ولا قال لي شي ولا حتى انا كتبت له شي
الله يوفقكم والله والله محتاجه مساعدتكم وكل حرف منكم ينفعني
يارب هونها
اعتذر على الاسلوب وعلى الاطاله بس مو عارفه مشاعري ولا عارف اش ابي

اضافه
هو كان بعد يكلم بنات و لمن اواجهه يلف الموضوع
بس الفترة الاخيره كان واضح انه بطل هالحركات ومسح كل البنات اللي عنده في المسن وكل الارقام اللي كانت غريبه في جواله بالنسبه لي
واذا جاته رساله يقلي منو صاحب ذي الرساله وصار يخليني افتش جواله ولاب تبه بدون ما يقول شي

/

إذا الرجلْ أعتدلْ فَ أحفظي بيتك من الشتاتْ . .
وأسألي الربَّ دائماً ان يصرفه عن الشَرْ ؛
/
الآن الكرهـ في مرماكْ ؛
والعصبيةَ ربما تكن شَئ فطري تستطعين القضاء عليها
صدقيني الزوجة الذكية من تستطيع كسب قلب زوجها بالمودهـ و العطفْ
الرجلْ طفل كبيرْ آحتويه وآجهيه بالمصارحه . .
أخبريه بالحلال وبالحرامْ . .
وأعلمي /
التوبةَ يا أُخيه تجبُ ماقبلها . .
/
استخيري الله في أمرك
عالجِي تقصيرك حتى تكتسبين الرجل في مملكتك
الحياة الهنيئه والعيشَة الرضية
و عندما يجدْ المنزل الرحبْ ؛ والروح الطيبه منك
سَيرفع على كفوفك الرآحه ؛ ولتمتلأ حياتك سروراً . .
/
يَآ أُخيه نحن بشَر لسنا من الخطأ معصمينْ
فلعل الربَّ ان يتجاوز عنَا

نصيحه فكررررررررري كثيراً
و بثيها رسائل أرتالاً نحو السمممممماءْ
/
ثم انظري كيف كان زوجك وكيف اصبح
بعدها اتخذي القرار الصالح لكْ

أسأل الرب أن يختار لك الخير ويرضيك فيه . .

__________________

-
يَاربِ تمّم بالفَلاحِ مَسيرتي ..

يو يو طلاق مره وحده

وش فيكم ساير الطلاق مثل شربة المويا

لا يااختى لا تستعجلى عندك اطفال بحاجة حنان وعطف ابوهم

تحملي زوجك واصبري على طيشة لين الله يهديه بعدين اكيد انتم شباب باول العمر

بعدين مسالة انو يكلم بنات

والله اللحين الكلام مع البنات سار شى عادي مع التقنية الحديثه

يعنى مو مثل اول

يمكن وحده طفشانة وجالسة تتسلى مع زوجك وبعدين تعطيه اشكل

اتمنى لكم حياة سعيدة ..

__________________
قل لمن يحمل هماً أن همك لا يدوم .... مثل ما يفنى السرور ..هكذا تفنى الهموم

كان الله في عننك

عليك بالإستخارة

كأن الطلاق صار لعباً.
أنتِ من تحددين طلب الطلاق من عدمه، وليس غيرك من يقرر عنك.
هل لديم مخطط لما ستفعلينه بعد الطلاق أم لا؟

مع هذا الراي

اشكر كل من رد علي وتجاوب معي

بس اللي ماتعرفونه انه زوجي مستحيل يتغير
اخر ثلاث ايام قبل اترك البيت كان كلش معصب ومايكلمني عشان مزحت معة وزعل
لو يحبني ما ارسل عفشي واخوي مراهق كيف يرد عقله عاى مراهق

ياناس افهموني صعب نعيش مع بعض
تاريخه معي اسود ولا اقدر انسى وش كان يسوي فيني
تخيلو كان يحط راسي بكرسي الحمام ويضربني
هذا حقير ووسخ
ابي طريقه للخلاص منه
اهلي مو راضين يتفهمون وضعي ولا اقدر اقول هو يجامع من مكان محرم الله
غير سبه في اهلي
حاولت اشوف له حسنات بيينا مالقيت
يعني اخر شهرين عشتها معه ما تشفعله عندي على اللي سواه كان معضب سلك مسجل عشان يضربني به
اذا نسيت اطبخ له او اذا حسيت اني تعبانه وما اقدر ارتب البيت
ساعدوني الله يكتب لكم الاجر في هذا الشهر
اذا تطلقت ربي بيرزقني اخير منه

يا أختي

بعد هذه المده
5 سنوات تتطلبين الطلاق!!!!!!!!!!!!!
أنتي ملاحظه عليه أنه متغير وعصبي


ليش ما طلبتي الطلاق من بداية ما تغير

أو على الأاقل ما أنجبتي عيال


يا أختي

أرى أن الطلاق صعب

لأنه عندك بنات

فكري إذا بيصرف عليهم

وظروف أهلك تمام

أطلبي الطلاق
وإذا أنتي متضرره من زوجك أطلبي الطلاق


بس تحملي ما يحدث لك فيما بعد!!!!!!!!!!!!!

__________________
الله يصبرني على فراقكم يا أهلي
الله يجمعني معكم بالقريب العاجل

حتى في فرنسا علم جسمي من الضرب وما هان علي اني اشتكيه واوديه في دهيه
تحملت لين رجعنا في الاجازه و تركت البيت وراضاني ورجعت عشان اهلي وعشت معه شهرين بس كل شي حلو يسويه لي في هالشهرين ما كنت اتقبله منه
والحين هو لحاله