عندي مشكله بسيطه مادري كيف اتعامل معها بالشكل الصحيح فانا كتبتها هنا اريد وجهة نظركم..
انا خطيبي(زوجي) قليل المكالمات يعني بعد اسبوع بعد اسبوعين بعد ثلاثه احيانا ويسألني في كل مره
لايكون جاء في خاطرك شي او زعلانه اني ماكلمك ؟؟
وانا اقوله لا عادي مافيه مشكله! وانا طبعا داخل نفسي متضايقه من هذا الشي لانه اتمنى انه يكون بيننا تواصل ونفهم بعض شوي لان حنا لنا سنه ونص على هذا الحال ومكالمتنا كلها كيف الحال وسؤال عن العمل والدراسه فقط..
وهو سبق وقالي نبي نحاول نجري انفسنا على بعض شوي واعرف وش تحبين وش تكرهين ووش اللي في خاطرك لانه هي حياتنا ولازم يكون بيننا صراحه ونفهم بعض ..
قلت له نفس اللي تتمناه يكون بيننا هو اللي انا ابيه ..
والمهم انا ماشفت انه سعى للشي اللي هو يبيه بعدها صار بيننا مكالمات وعلى نفس الحال ماتغير شي..
حاولت لكن اتصل انا لكن ديم اتصل والقاه عنده عمل اوضيوف والوقت مايناسب فمااطول معه واحيانا مايرد وهو اذا اتصل بعد فتره طويله يكون عاده طالع من العمل يعني احس الوقت مايناسب اني اسولف معه..
والحين واللي مخليني محتاره انه له شهر وكم يوم ماتصل واتصلت انا جواله مغلق واتصلت على اخته وسألتها عنه قالت انسرق جواله وغير رقمه هذا قبل اسبوعين ولا اتصل ولاارسل رقمه حتى مدري هو ليش يسوي كذا..
الحين افكر اذا اتصل ماارد عليه لانه صدق تضايقت من طريقته هذي.واحيانا اقول ارسله رساله اعاتبه فيها
واحيانا اقول يمكن يبيني انا اللي ابحث واتصل عليه مادري..يعني يتغلى
مدري الصراحه محتاره ومتضايقه من حالتنا هذي..
واسفه على الاطاله..

انا اللي اعرفه ان الريال هو اللي يتصل بزوجته في فترة الملكة بس صراحة ما اعرف ليش يسوي جذي
حاولي تسالينه بهدوء

انا افكر اسأله لكن هو وينه عشان اسأله
مازلت انتظره..

اشكرك على الرد,,,

عندة ضروف حاولي تعرفين شنو ضروفه
وحاولي تغيرين من الروتين اللي انتم بيه
.....

حبيبتي مشكلتك صعبه شوي وانا اشوف انك صبرتي بما فيه الكفايه اسمحيلي على اللي بقوله يمكن الرجال مايبي يتزوجك واهله جابرينه او انه يبي زوجه والسلام
ولو الرجال حبك وربي مايصبر عنك يومين تشوفينه يدق وكله شوق
وانا اشوف اذا بالملكه كذا اجل بعد الزواج اتوقع ماراح يكون بينكم انسجام او لغه للحوار
اذا تقدرين تصارحينه بانك متضايقه صارحيه يمكن بعد المصارحه يتغير
والله يوفقك
والله يكتبلي النصيب اللي يفرح قلبي قولو امين

__________________

اشكرك اختي (رقة احساس)
واتمنى ان ماقلتيه ليس بصحيح لانني احس منه عكس ذلك ..
لكن لم نستطع احنا الاثنين ان نصل الى مانريد..ولم نستطع كسر الحاجز ..
وقد يكون مايفعله معي انه يأس لانه لم يصل الى مايريده ..لانني انا في اول الايام وبدايتها كنت خجوله جدا وكان يريدني ان اتكلم واعبر عن مشاعري لكن لا اجيبه بشي..
وانا اعلم الان انني جزء من المشكله,,,

انا اتمنى ان يفهمني وافهمه واسأل الله ان ييسر امرنا..

اهلا بك أختي (مخملية الإحساس)
عمري 23 وعمره 26 وهو ابن عمتي فطبعا امه وخواته يعرفونني
وزواجنا لم يحدد الى الان لكن تقريبا بعد سنه ان شاءالله
وعمله في الامن (عسكري)00
وهو يسكن في منطقه بعيده عنا ولم يحصل اي زيارات ..

مشكوره حبيبتي على تقبلك لرأيي
ولكني قلت ذالك بحكم تجربه من قبل احدى الصديقات وليس لمضايقتك
واللي شدني للمشاركه وتقديم النصح هو انه غير رقم جواله وماعطاك خبر
ولكن اذا تحبينه نصيحه قوليله باللي مضايق
وربي يوفقك

انا مع الاخت رقه احساس حاولي تتصلي عليه من جواله الجديد وبيني له انك مشتاقتله وقوليله عن اللي مضايقك .... موفقه غاليتي