السلام عليكم
انا راح ادخل بالموضوع على طول ما احب المقدمات
انا عمري 30 سنه ولم يسبق لي الزواج دايم يجيني عرسان بس للاسف غير مناسبين واغلبهم متزوجين وحتى المتزوجين بيون مسيار او بالسر يعني ما يتفق معانا
لين ما كلمت خطابه وجابت لي واحد غير متزوج وعمره 36 سنه ولما كلمتني اخته قالت انه ما تزوج ابد بس يترفض لانه تعليمه ابتدائي وكثره المهر انا تعليمي ثانوي وعندي دبلومات بالحاسب واللغه انا ما اهتميت بالاسباب ذي ابي الستر بس لما سألنا عنه يقولوا انه طيب لدرجه الدلاخه ولا يقوم بعمله على اكمل وجهه و اعتقد انه خبل لانه لما جونا اهله يشوفوني وكذا هو ماجا واهله قالوا خلاص احنا موافيقن عليك قلت طيب هو مافي شوفه شرعيه قالوا ماعندنا شوفه وحتى بالملكه استغربت مع انهم قثاميين المهم هو ماجا ودايم اخوه اللي يتكلم واحس انه اهله مخبيين شي بس انا اخاف يكون فيه تخلف او شي وابتلش ايش اسوي بالله قولولي ارفضه مع ان سني ما يسمح اني اتحكم اكثر واتشرط او ايش
قالت لي اخته احنا حلل اخوي بقي انتي قلت طيب ابي اشوفه على الاقل صوره له احسهم مره مستعجلين ويبون يكروتون شي

سامحوني هذا وانا احاول اختصر الكلام

__________________
حسبي الله لا اله الا هو عليه توكلت وهو رب العرش العظيم

اختي الفاضله عسل الطائف

ايش يعني لو عمرك 30سنه
النصيب اذا جاء ماله عمر محدد
والخاطب المتقدم لك
قد يكون احساسك بمحله
لذا عليك بالاستخاره الي ان يرتاح قلبك
وصدقيني طالما انتي في بيت اهلك فأنتي عايشه بعز
الله يرزقك الزوج الصالح

__________________
الحمدلله علي أنعم الله الظاهره والباطنه

قولي لهم ابي وقت افكر وبهالفترة كثفي السؤال عنه

عليك بكثرة الســـؤال عن الخاطب وخصوصاً اللي يجي عن طريق خطابه
خلي اخوانك يسألون عنه امام المسجد او مديره بالعمل او اهل حيهم ... وكذا
وبعد لازم يجي يقابل اهلك ويقعد معهم يسمعون منطوقه وطريقة تفكيره
شلون تملكين وانتي ماتعرفين عنه شي !!!
لا تقولين اخاف اعنس
لا ترمين نفسك للمجهول

اما بعد السؤال
اذا كانت الاخبار تسرك من ناحية دينه وخلقه وتأكدتي ان عقليته سليمه مو مثل ماكنتي تظنين
فلا تترددين بالقبول

((( كثري من الاستخاره والدعاء أولاً وأخيراً )))

وفقك الله لما فيه خير لك

الله يعطيكم العافيه
وراح استخير كمان وكمان
بس هو مايجي يتقابل مع اهلي يصدر اخوه بكل شي بس بحاول نخليه يجي

__________________
حسبي الله لا اله الا هو عليه توكلت وهو رب العرش العظيم

ما تزوجت أرحم و أبرك من مطلقة

__________________
## مهم ##
هل تتعرضين للابتزاز في الانترنت؟


هنا من ينقذك

عفواً أختي الفاضله يعني انتي ملكتي عليه ؟

__________________
أشتقت لكم جداً 💔

ااختي لله يعينك
بس انا انصحك ان تصري على الشوفه الشرعيه
واذا رفضوا ففيها شك
نصيحتي لك ايضا
اعملي لك ركعتين استخاره
وباذن الله راح ينور الرحمن قلبك
ويدلك على الطريق الصح
والله يكتب الخير لك ولجميع المسلمات يارب

لا انا ما ملكت لسه وهو لما جونا ما تكلموا بشي بس امه واخته شافوني واتصلوا بعد يومين قالوا احنا موافقين عليك على اي اساس مدري والعريس لسه ماشافني ولا شفته والرجال ما يكلمون اخاف امه تمشيه بكل شيه هي تزوجني وهي تطلقني قلت لها اخر شي بالجوال خلي احد اخوانك يكلم اخوي يفاهمون افضل

__________________
حسبي الله لا اله الا هو عليه توكلت وهو رب العرش العظيم

خلاص لهنا أتركي الموضوع لأهلك

واحذري من المضي في الموضوع قبل رؤيته والتأكد من كل شي

أسلوبهم غير طبيعي أبداً ويوضح ان هناك شيء لايريدونك معرفته !!

أسأل الله العلي القدير أن يكتب لك الخير ويرضيك

__________________
أشتقت لكم جداً 💔

انا حاسه كذا برضه اشكرك يالغلا والله يعيين دامني لسه عالبر وكله نصيب بالاخير ومكتوب

__________________
حسبي الله لا اله الا هو عليه توكلت وهو رب العرش العظيم