السلام عليكم جميعا ...
اتفضل بكل الشكر الى هذا المنتدى البخلي الناس من كافة البلدان تتبادل الاراء وتساعد بعضها ...
لن اطيل الحديث عليكم ولكن بترجاكم كل من يقرأ قصتي يتفهم الموضوع ويردلي خبر انا بأمس الحاجة الى ارائكم جميعا... أنا فتاة عمري 22 ادرس الصيدلة بالاردن والحمدلله اهلي ناس كتير كتير معروفين ببلدنا مشهورين ومن عائلة عريقة جدا ووضعنا المادي والحمدلله فوق الريح وانا ما ناقصني شي بهالدنيا من اشطر الطلاب والبدي يا بالدنيا اهلي دغري بنفذو طلبي بس شائت الصدف وسبحان الله اني حبيت وللأول مرة بحياتي انسان اكبر مني ب 18 سنة مطلق لديه ولدين وهو غير متعلم وضعه المادي بسيط جدا دخله قليل جدا ويصرف على اهله ايضا هو انسان رائع حنون متدين عمله بائع في سوبر ماركت دخله كثير قليل ولكنه عنده بيت والحمدلله.انا الفرص بالمستقبل بعتقد انها حتكون كتير منيحة وزواجي منه يمكن يوقف بوجه مستقبلي ولكننا كتير كتير متفاهمين نحب بعض كتير وهوا كتير بعز اهلي وبحترمهم ومستعد يموت حاله عشاني وانا كمان. المشكلة انه طلبني من اهلي واهلي رفضوه ولكن الصراحة اهلي احتقروه لآن نفسية اهلي كتير صعبة ومتعبه وانا اكرهها جدا امي انسانه مشهورة جدا ولها مركزها الاجتماعي وابي ايضا رجل اعمال كثير معروف من بلد لبلد وها كلو مش بعيني ما بتهمني الفلوس ولا المظاهر ما بتسوى اشي ادام راحة البال وانا ابدا مش مرتاحة بحياتي اهلي ما بشوفهم قليل جدا انا دارسة ومتعلمة يمكن حدا يحلل الموضوع انو عندي نقص حنان من والدي فبدي اعوضو بحدا كبير لا القصة مش هيك ابدا ابي كتير حنون وانا الوحيدة اصلا. ماذا افعل ؟؟؟؟ انا مش بعيني كل الفلوس ولا الدنانير ولا يهمني الوضع المادي يكفيني انه يحبني وانا احبه ومستعدة اعطيه عيوني اذا طلبها بعد. بترجاكم انا صارلي احبه 4 سنين وهوه ينتظرني هوه انسان ما في منه بالدنيا واهله رائعين خاصه امه تحبني كتير وهو كتير نشيط دائما يبحث عن عمل سبحان الله رزقتو قليله ولكن المشكلة انه يريدني ان اترك اختصاصي الصيدلة اتخصص اختصاص ثاني كي نستعجل بالزواج بتعرفون الصيدلة مدتها 5 سنين...اترجاكم جاوبوني هل اقف بوجه اهلي واترك اختصاصي واتخصص باختصاص تاني ..وهل زواجنا سيكون ناجح اترجاكم ساعدوني .. منتظرة ردكم بأسرع وقت ومشكورة لكم جميعا ... بشكركم على وقتكم بقرائة موضوعي واهتمامكم ...

اهم شيئ استخيري الله عزوجل

وماعليك سوى بالدعاء .

__________________

شكرا لك اختي الكريمة انا والله ما شاركت بهذا المنتدى الا لاني كتير بحاجة لارائكم شكرا لك كثيرا

لو سمحتيلي أسألك ... أنت قادرة تنسيه ؟؟؟؟؟
ما تزعلي مني ... بس حابة أعرف مقدار حبك لإلو ....

عليكم السلام والرحمه..
حيآك الله اختي الكريمة...
اولآ انتي حطي عواطفك وحبك على جنب وفكري بعقلك,, هل انتي لما تتزوجي واحد على قد حاله اقرب ما يكون فقير وانتي بنت الله منعم عليها هل رااح ترتااحي؟؟ اجابتك الحاليه بتقولي عادي ماعندي مشكله ,لكن بعد الزواج يطلع كل شي ,لأن ما نقدر ننكر ان المآده احد اسباب السعااده ,,
وثاني شي هو طلب انك تتركي اختصااصك عشان يعجل بأمور الزواج,طيب اهلك موقفك معهم كيف؟ توقفي ضدهم,صعبه لأنه بعدها بيحبك لكن بيشوف انك وقفتي معه ضد اهلك وبيشوف نفسه عليك ,, ولا عندك اي ضمانات على ان هذا الحب راح يستمر وانه يستحق منك التضحيه بالوقوف في وجه اهلك..
عنده طفلين... هل تتحملي تربيتهم؟؟ وهل تضمني انه ما يرجع لزوجته؟؟

حبك كان بعمر 18 سنه ,احس انه حب عاابر ,وبما انه اول حب بحياتك فأنتي تشوفي انه حب حقيقي وقد يكون عكس ذلك,, والآن عمرك 22 والعمر قدامك ان شاء الله ... نصيحه لك لآ تتخلي عن طموحك(الصيدله) ولا عن اهلك مقاابل حب نهايته قد تكون سعيده وقد تكون عكس ذلك..
وفقك الله الى ما فيه خير وصلآح..

__________________
[SIGPIC][/SIGPIC

مستحيل مستحيل انساه حاولنا كتير نتعامل بعقل وانه مش مناسب تركنا كتير لدرجة انا تركنا 5 شهور ورجعنا وانا لرجعتو ما بقدر هوي روحي وعمري كله مستحيل بموت ولا بنساه او بزعله ... ما في اعبرلك عن حبي اله يعني الله يكون معنا ما بعرف شكرا الك كتيير على الرد ..

الله يعينك ان شاءالله استخيري

سأحكيلك قصتي وحاولي أن تستفيدي منها ..
جائني خاطب .. وتقريبا سيتم النصيب وماني قادرة أقول لأ ... قلبي يقول شيء وعقلي شيء ثاني ...
واحترت كتير .. وسبحان من ألهمني بالحل ... فصرت أصلي استخارة بعد كل فرض صلاة ...
و والله الذي لا إله إلا هو .. أنه ما مر علي أكتر من 3 أسابيع إلا وقد تم الرفض .. ووالله إني أذكر وقتها أني شعرت بسعادة بااااااااااااااااااااالغة ....
سبحان مغير الأحوال ...

وفقك الله لما فيه صلاح أمرك يارب ... وبلغينا بجديدك

شكرا لك كثيرا اختي ... انا ما بتصور اني اقدر اربي طفلين انا احبهم كتيير دائما بجيبلهم العاب وحاجات بعاملهم كأنهم اولادي مش ممكن يوم اقسى عليهم بس مسؤوليتهم علي كتير كبيرة ومع هيك والله بسبب حبي الو بتحمل كل عذاب بس خايفة بعد الزواج مع الوقت والزمن يطلع كل اشي غير وما اقدر اتحمل كل الوضع الجديد ...انا بدايق احيانا بكون احكي معو وبيجو ولادو بقلي مثلا بدي احضرلهم الطعام او بدي اجيبلهم غراض وبسكر التلفون بحس انهم كتير بيشغلو عني انا مش انانية بس اكيد كل وحدة بتحب الشخص البحبها يكون الها وحدها مهتملها..

طيب اطفاله بيكونو ملآزمين له طول العمر..وانتي تتضايقي لما تكلميه على التلفون..بكرة راح تكوني معه ببيت وااحد وتحتاجي لخصوصية لك,, واولاده بيحرموك هذي الخصوصية,,ومنها تبدأي تتضاايقي منهم وراح يوضح عليك هذا الشي وبيعرف انك متضايقة من اولاده وبيزعل منك, ومن هنا تبدأ المشاكل,,و هم مهما كان اولاده ومستعد يضحي بكل شي عشاانهم,,
الشي الثاني ولا اجبتي عليه.. اهلك كيف بتوقفي ضدهم؟؟ طموووحك (الصيدله) الي سعيتي له وتفكري تتخلي عنه؟؟

صدقيني عقلك راافض ويمكن يكون متأكد ان هذي الأرتباط غير منااسب لك,, لكن قلبك تغلبت عليه العاطفة و بالرغم من كل العقبات الي تواجهيها بهذا الحب هو يراها بسيطه وهينه ....

__________________
[SIGPIC][/SIGPIC