السلام عليكم الرجاء من اخصائية المختبر ان تفيدني
امس عملت لابني صورة دم لانه رافض الاكل تماما وعايش ع الرضاعة الطبيعة بس ولون وجه اصفر طلعت نتيجة الصورة انو عندو نقص بالهمجلوبين 8,56من 11 فطلب الدكتور عمل تحليل تاني iron profile طلعت النتيجة التالية
_ iron:29المعدل الطبيعي 158_59
tibc;437المعدل الطبيعي 346_ 112
f erritin: 3,54المعدل الطبيعي 400_30
رجاء يادكتورة طمنيني وقلليلي شو اعمل

__________________

ابنك عنده فقر دم بعوز الحديد .. نقص حديد شديد ، لازم تعوضيه بالطعام و الأدوية أيضاً
من الطعام " اللحمة الحمراء و الخضار و البطاطا و البازلاء .. الخ"
و من الأدوية فيتامينات معها معادن و أهمها الحديد مع فيتامين C

__________________

اللهم أرنا الحق حقاً و ارزقنا اتباعه و أرنا الباطل باطلاً و ارزقنا اجتنابه

السلام عليكم
شكرا كتير الك دكتورة بس الله يخليك ممكن تكتبيلي اسم دواء ينفعو لان الدكتور ما رضي يعطيني غير فيروز
وممكن يتعالج وهل بياثر على صحتو نقص الحديد لهاالدرجة مع العلم انو الولد عمرو سنة
الله يخليكي ساعديني والله اني رح جن وما عارفة شو اعمل

__________________

مشكلتي هون أنو ما بقدر فيدكن بأسماء الأدوية كوني ساكنة بسوريا و أسماء الأدوية عندنا مختلفة ، قبل هالمرة كتبت أسماء عدة أدوية لعضوة في المنتدى و لم تجد أي منها في الصيدليات مع انها كانت أسماء عالمية ..
المهم اسألي الصيدلاني عن أي دوا فيه فيتامينات عامة مع حديد خاص بالأطفال ، و الأهم من ذلك العناية بالتغذية ..
كمان أنا بعرف حليب نان مدعم بالحديد ..

بالنسبة لفقر الدم ، رح اشرحلك آلية المرض ، الحديد ضروري لتصنيع خضاب الدم ، الموجود في الكريات الحمر ،
نقص الحديد سيؤدي لنقص تصنيع الخضاب و بالتالي نقص عدد الكريات الحمر و صغر حجمها أيضاً ..
دور الخضاب و الكريات الحمر هو إيصال الأوكسيجن الى كافة الأنسجة في الجسم ، فتخيلي انو رح ينقص الأوكسيجن على كل أنسجة الجسم ..

الأعراض
شحوب في الجلد
نقص الشهية
النزق (يعني ممكن الولد يتنازق يعني هيجان و عصبية)
تسرع ضربات القلب (لحتى يزيد كمية الدم الي عم بضخه لكي يعوض نقص الأوكسيجن للأنسجة)
الشعور بالتعب من أي مجهود بسيط
ممكن يأثر أيضاً على بنية العظام
و على الذكاء و سرعة البديهة و التركيز

لكن كل هالأعراض تزول عند تعويض الحديد للجسم

__________________

اللهم أرنا الحق حقاً و ارزقنا اتباعه و أرنا الباطل باطلاً و ارزقنا اجتنابه

الله يعطيكي العافية دكتورة عم عزبك معي انا من سوريا وبيقدرو اهلي يبعتولي هيي وكنت عم استعمل لبنتي بيديا فير وبيديا فيت صنع كندا واستعملت اي أف مالت بلاس
عنا هون بالسعودية في الفيروجلوبين متعدد الفيتامينات وفيروز لحالات نقص الحديد
شكرا كتير الك

__________________

وينك يا دكتورة

__________________