انا منهارة ... زوجي خانني للمرة الثالثة
انا منهارة ... زوجي خانني للمرة الثالثة
--------------------------------------------------------------------------------
السلام عليكم ورحمة الله وبركاته،،،،،
حبيت اعرض مشكلتي التي تؤرقني كثيرا،،،،
انا فتاة تزوجت زوجي عن حب شريف وطاهر بعد ثلاثة اشهر،،، متزوجة منذ خمس سنوات وما عندي عيال للحين بسبب ظروفي الصحية ،،،
زوجي يحبني وايد وايد وعلى طول يداريني ويهتم فيني ويخاف علي ويجيب لي هداي ومفاجاءات ويكون طول اليوم يتصل فيني ويمسجني بس اكتشفت بعد سنة من زواجنا انه يكلم بنت بس بالغلط شفت مسجات بينهم كاتب له كلام كذب ان شغلي كل برة ومااقدر اشوفش ولا اقدر اكلمج ومسج ثاني كاتب لها انه يخاف خلاص ما يبي يكلمها وانتهت العلاقة لما اكتشفت هالشيء وما صارحته في البداية طبعا عشان لا يفكرني افتش في تيلفونه بس سويت حيلة انها مطرشة لي اميل بإميل ثاني وتهددني انها بتخرب بيتي وحاطة رقمها واسمها وخبرته بالسالفة الي هي الحيلة وانصدم وخاف وارتبك وخبرني انها تكذب وتبي تخرب بيننا ولما شفته يصيح وانه نادم خلاص سامحته ومضت سنتين وبعد سنتين اكتشفت انها يعرف وحدة من عمان يعني من دولة غير دولتي وهي متزوجة وبعد بالغلط عن طريق مسج طرشه لي كان من عنده وكان بالغلط والمسج كان جدا عادي كان يشكي انه تعبان من الشغل وان شغله وايد بس وحتى لما فتشت في تيلفونه بعدها شفتها مسجات عادية ما فيها كلام غزل وحب ولما خبرته بالسالفة نفس الشيء انصدم وخبرني هي صديقة من ايام المدرسة بحكم انه كان في مدرسة امريكية مختلطة وان هالبنت متزوجة وعندها اولاد وبس بينه وبينها صداقة واخر شيء اتصل فيها قال ليها ما ابي اكلمج وكان هالشيء جنبي وخبرني كالعادة ماابي شيء يخرب بينا وماابي مشاكل انا سعيد معاج وخلاص والحين صار لنا خمس سنوات مرة نتهاوش ونتصالح ومرة نكون اصدقاء ومرة نكون سمن على عسل واخر مرة كنا جدا متفاهمين ومتحابين لآخر درجة حتى انه واعدني بطلعة حلوة مع شوبينغ وعشاء... لما لما طلع من البيت وانا رحت بيت امي صارت مصيبة
اكتشفت انه طول ما رجعت البيت وانتظرت وتميت اتصل واتصل ليما رجعت الشقة ما حصلته وخفت ليكون صار فيه شيء بس بعدين لما يأست سمعت طقت الباب الا الشرطة ماسكينه وهو معاهم ويفتشون البيت ويبون اللاب توب ماله سالت الشرطة ليش خبروني قضية بيع وشراء
ورحت بنفسي وخبرت عمتي وعمي (ابوه وامه) ورحنا يوم ثاني نسأل عن القضية بالضبط وطلعت قضية علاقة مع بنت في الانترنت والتيلفون وانه البنت مرسلة ليها صور فاضحة خليعة وبعدين صار خلاف بينهم الظاهر وهددها بأن بيعطيها الصور مقابل تدفع ليه !!! وانصدمت من هالسالفة ليش شقاصرني مع انه يحبني واايد وايد
والحين هو مسجون لمدة اسبوع وهالي حاس في خاطري ولما رحت ليه قابلته كان منهار وقال لي كلمتين حطوا علي كلام ما فيني هم يبون يخربون بينا ...
بس بعد ثلاثة ايام كلمته امه وسألته من متى عرفت البنت قال من شهر وكان لما يكلمني صوته يرتعش نوع الي خايف حتى لما خبرته يقول لي بنفسه القصة مارضا يقول وقال للشرطي انت خبرها انا مااقدر اقول ليها
بس شفته مرتين في الشرطة وكان هادي وساكت وحسيته منكسر وكسر خاطري
الي معذبني انه كان يكلم بنت وخبروني الشرطة انه يقول صديقة مجرد صديقة والي معذبني اكثر انهم يقولون انه هي سويت ليه كمين قالت ليه بعزمك على غداء في مطعم وعطني الصور وبعطيك الفلوس وللعلم هي اهلها ما يدرون بالموضوع وراحت سوت الشكوى لحالها
انا محتارة بعد كم يوم بيفرجون عنه بس شلون بستقبله حاز في خاطري انه خاني بس الي مصبرني انه متهاوش معاه والقضية هي سب وشتم وتهديد يعني كان على خلاف وياها وكان خلاص بيتركها والي مصبرني علاقة من شهر او ايام على حسب قول الشرطة
الحين امه وزوجة اخوه تقول واخواته يقولون لي لا تفوتينها يعني كلميه في الموضوع وناقشيه بس مو من البداية بعدين وحسيت ان سالفته انفضحت بين اهله وهالشيء هو نادم عليه حاس في عيونه
سؤال اذا رجع الى البيت شلون ابتدي صفحة معاه هل من يوم ثاني اكلمه في الموضوع مع ان ما بينا سوء تفاهم او اسكت وابتدي صفحة جديدة بما انه اخذ عقابه في السجن لمدة اسبوعين او ان لازم افتح الموضوع معاه بعد اسبوعين
وشنو لازم اقول ليه وشلون اتناقش معاه احسه منهار ومو مستوعب انه انسجن وخصوصا انه كان محافظ على نفسه ويخاف من الخطأ بس ماادري شالي صار
هو يصلي ويزكي ويتصدق بس ماادري هل الغلط مني او منه
انا اعترف اهملته فترة ومن زماااان في المنام ما اغير في ملابسي وما البس ملابس نوم حلوة لأن ارجع من الجامعة تعبانة وساعات يقول لي بالصريح ليش ما تبلبسين لي كلوت وليش ما تبلسين ملابس بناتية ،،، وفترات ما اغير ملابس نومي من التعب .... اعذروني على صراحتي بس لازم اخبركم بكل شيء عشان يكون الشيء واضح
شاسوي شلون ارمم علاقتي وشلون اعالج مشكلتي للعلم مثل ما قلت لكم انه يحبني وايد ويحترمي ويودني ويدلعني .....
للعلم زوجي طباعه عصبي جدا بس حنون وطيب وشهم،،، وما يتناقش وايد بس وقت الي يشوف نفسه يبي يتناقش يعني يكلمني واكثر اعتذاراته بالمسجات،،،
ولين مضايق من شيء ما يقول الشيء دايركت وجها لوجه يعني يطلع برة البيت ويسوي لي مسج فيه فضفضة يكتب كل الي مضايق منه...
لحد الحين مااعرف شلون افتح معاه الموضوع واكيد هالشيء مو من اول يوم ؟؟؟
محتارة هل اخليه لما يفتحه وخصوصا الحين ساعات يكلمني من قسم الشرطة بالتيلفون واحس صوته مو طبيعي متفشل او خجلان ودائما يسألني شخبارج ؟؟؟
ساعدوني احترت وخلصت طاقتي من التفكير...
وفي نفس الوقت ترى زوجي على كثر حرصه وذكاءه طيب لأبعد الحدود عشان جذي طاح الراس في الفاس .......
انا ماابي اخسره خصوصا انه يحبني وتعامله معاي جدا ممتاز ومتافهم معاي
قولوا رايكم في مشكلتي واكون لكم شاكرة