السلام عليكم ورحمة الله وبركاته

راح اذكر لكم القصه ودلوني ع الطريق الصحيح

انا مشكلتي زوجي من يوم تزوجته واحنا مشاكل 20 ايميل اصيده كلهم بنات واذا كشفت واحد راح وصلح واحد جديد وسبحان الله افهم حركاته وتصرفاته اذا كان يخوني واذا ناقشته قال اسف وحلف لي ماعاد يتكرر اللي صار ويرجع لخرابيطه وقبل اسبوع كن مسافرين وبالطريق وقف عن بقاله نزل يجيب غرض فتحت درج السياره والله ماكنت شاكه فيه ولدي الصغير ازعجني الا افتح الدرج وقعد يجر الاوراق ولمحت شي ورفعت الاوراق ولقيت جوال مقفل شغلته اشتغل بدون رمز ورحت ع الرسايل المرسله الا اللي مرسل لها شحن واللي يمدح صوتها خبيت الجوال طول الطريق وسكت وكان يكلمني مارديت عليه وشرا عشاء ماقدرت اتعشى مدري وش صار فيني حتى ريقي ماقدرت ابلعه وعيوني تدمع وجاني كتمه والله حسيت اني بموت قالي ليش ماتكلمين مارديت قال تعشي ومارديت عليه اهو حس اني عرفت بالجوال لان يوم جاء صكيت الدرج وطول الطريق يسألني احد زعلك كلمك احد مارديت شي خانقني ما اقدر اتكلم ويو وصلنا ولله الحمد وارتحنا طلعت سألتها قلت ليش تخبي عني الجوال قال اي جوال والله مو لي وقعد يحلف وانا متأكده قهرني قلت شف اعترف ماتخاف من ربك انت تحلف علشان اقتنع وتغضب ربك المهم قال انا اسف والله ماتشوفين مني الا كل خير من بكره تخيلو جيت عنده كان فاتح النت ولمحت ايميل مو ايميله المعتاد ع طول سكر الجهاز ورحت شغلت الجهاز وقلت افتح الايميل اللي قيل شوي قالي يامريضه يامجنونه ياشكاكه اي ايميل والله ماعندي ايميل واخرتها اعترف انه له وفتحته وكله بنات المهم قلتله شف انا ماعاد اتحمل هالحركات انا حامل بالسابع ومعي ضغط وتعبانه بالمره مافيني حيل للمشاكل وماني قادره اشوف واسكت وحلف لي ماعاد يتكرر هالشي ويوم رجعنا حسيت حركاته تغيرت دايم الجوال بيده ورسايل واذا قلت افتح الرساله رفض واصر اني ما اشوفها وانامتأكده انها بنت ويروح لحاله ويقعد يراسل وانا ع نار ع فكره 3 سنوات من زواجنا وجواله برمز مستحيل اشوفه حركاته ترفع الضغط وانا ماعاد اقدر اتحمل وماعندي احد افضفض له بعد ربي سبحانه الا انتم وقررت اني اروح لا اهلي واترك البيت لاني تعبانه يالله يالله بنفسي وولدي والدكتوره نصتنحي اني ما اتنرفز او ازعل علشان مايرتفع الضغط ويسبب لي مشاكل لا سمح الله
وانا ما اقدر خلاااااااااااااااااااااااااااااااص تعبت

تكفون تكفون دلوني

جعل ربي يوفق ويرزق اللي بيرد علي ومايشوف مكروه ويجعل مثواه الجنه

الله يعينك ويعظم اجرك ياااارب شوفي اول خطوه تسوينها مثل ماقلتي انك تروحي لبيت اهلك وارتاحي عندهم وريحي اعصابك واعتبريها فتره نقاهه وقبل ماتطلعين من بيتك اكتبي في ورقه كل الكلام اللي في خاطرك وخليها في مكان قريب بحيث يقراها زوجك وعليك بالدعاء اولا واخيرا ادعي لنفسك وادعي لزوجك ان ربي يحنن قلبه عليك ويعميه عن كل نساء الدنيا غيرك وان ربي يهديه ويصلحه ان شاءالله ويسخره لك .. وغير كذا حاولي انك تدلعين زوجك يمكن هو حاس ان فيه نقص من ناحيه حبك له او اهتمامك به بالمعنى الاصح دلعيه بالكلام الحلو بالاكل الحلو بالليالي الرومانسيه على حسب مايقولون بكل شئ يعني لاتتركين فرصه لبنات مراهقات ناقصهم التربيه انهم ياخذونه منك ( طبعا انا ماادري عن حياتكم بس اقول جااايز ))) وبالتوفيييييق

الله يعينك ويصبرك على مابلاك..

بس انا ماانصحك تروحين لبيت اهلك..عشان فقط ترتاحين وبعد الولاده ترجعين له.كذا تخلينه يتمادى اكثر وياخذ راحته وماتدرين يمكن تتطور في غيابك


خليك وراه ورجلك على رجله الين مايحس ويفوق...لاتخلينه لوحده ابد وفهميه انك عارفه حركاته وعارفه وش يسوي مهما خبى عنك وصار حريص ربي بيكشفه لك ..يمكن يحس ويستحي على وجهه..واذا قالك شكاكه قوليله انت الي خليتني مااثق فيك..
ولاتعبين نفسك ويرتفع ضغطك المفروض تكونين خلاص تعودتي على الحال..وغلطك انك سكتي من البدايه..المفروض تدخلي احد من اهله دامه انه يحلف بالله ويرجع لخرابيطه...سبحان الله مو خايف تجيه مصيبه بسبب حلف الكذب..
واذا مصره تروحين لبيت اهلك روحي على اساس انك زعلانه وماراح ترجعين الا اذا تعدل وهدديه انك راح تدخلين احد في الموضوع..بس المشكله انه يحلف مايعيدها ويعيدها.ولاتتهاونين ترى ماورا الخيانه غير الامراض والمصايب

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

شوفي حبيبتي موضروري تكوني مقصرة وياه لا في رجال وللاسف طبعهم كسيف مايمل من النسوان مع ان يدري انهم كلهم يلعبون عليه مثل مالعبوا على غيره وان ستره مع زوجته بس اسمحي لي زوجك هذا مايبي الستر

في راي لازم تكونين جادة وياه مو بس كلام وزعل لا وخصوصا ان بينكم اولاد
لازم تكونين جادة وتروحين بيت اهلك وتخبرينه ان اذا ماصلح نفسه يخسرك ويخسر اولاده
والله عيب رجال مزوج وعنده اطفال وللحين عايش بايام المراهقة!!

ولاتعبين نفسك ويرتفع ضغطك المفروض تكونين خلاص تعودتي على الحال..

تتعود على الخيانة مو حل!!!

اختي انا ماقصدت انها تتعود على الخيانه انه حل اويعني خلاص تسكت..اقصد ان المفروض تكون اكثر سيطره على اعصابها..يعني صدمتها يوم تكتشف الخيانه اول مره مو مثل عاشر مره.

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

سبحان الله أغلب مواضيع المنتديات والمتزوجات هذه هي

الرجاااااال كللللهم الا من رحم ربي صارو يكلمو بنات

صارو يستخدمو التقنيات ووالات والنت في المعاكسات

واذا واجهتيهم انكرو او بررو افعالهم بأعذار قبيحة

طبعا ما تسكتي ولا ترضي وضللي وراه خوفيه من ربه انصحيه سانديه مرة وشدي عليه مرة

وربي ينصرك وينولك مرادك

جزاكم الله الف خير جميعا"

والله يشهد علي اني مو مقصره عليه بشي

وسألته قلتله اذا شايف مني قصور قلي بس موتخوني هاذا مو حل

قال والله انك ماليه عيني ولا افكر بغيرك واحبك بس الشيطان قلت انت اللي تفتح لشيطان مجال كل مره اصيدك تقول الشيطان صار عذر يعني

والله يسخره لي ان شاء الله

وادعولي اقوم بالسلامه ان شاء الله تعبانه بالمره ونصحوني من عدم الحركه تعبت كرهت نفسي