محتار في زوجتي



السلام عليكم ورحمة الله وبركاته اخواني واخواتي الاعزاء ..
لأول مرة اطرح مشكلتي في منتدى وافكر في ذلك بعد ان احترت واحتار دليلي
ارجو من الله ان يحل جميع مشاكلكم ومشكلتي معكم انه على كل شي قدير واتمنى من اصحاب المشورة والراي السديد ان يصدقوني النصح بامانة ويتذكرون بانها عرضت على السموات والارض فأبين ان يحملنها واشفقن منها وقبلها الانسان انه كان ظلوما جهولا ...

اما بعد فساحاول سرد مشكلتي باختصار حتى لا اطيل عليكم والتي اعتقد انني كنت لي فيها نصيب الاسد من حيث التقصير ، اقولها بداية لاني اعلم جميع مقدمات ارائكم التي ستكون ان قدر ان يكون لكم ردود باني السبب وباني من البداية وباني قصرت وباني واني فلذلك اثرت ان اذكرها من البداية حتى ترأفوا بالنقد والانتقاد لي قليلا

باختصار
انا عمري 34 عام متزوج من 7 سنوات تقريبا متزوج من زوجتي التي تصغرني بثمان سنوات اخذنا بعضنا عن حب وقصة حب تكلم عنها كل من يعرفنا ومن لا يعرفنا حيث واجهت تحديات صعبة وظروف عصيبة حتي تزوجتها تعرفت عليها في العمل وكانت مخطوبة واهلها منفصلون ولم تخبرني بخطبتها الا بعد شهر من ان عرفتها ثم عندما سالت عن لماذا رضيت به اذا قالت ابي غصب علي فسامحت ثم بعد شهر ونصف اختفت وارسلت مع احدى زميلاتها رسالة شفوية مفادها انها ستعقد القران وان انساها وكانت صدمة كبرى لي ثم تقبلت ذلك وبعد كم يوم كلمتني وقالت انها غصب عنها عقدت هذا القران لاصرار ابيها وتعاطفها معه لانه ترجاها وكاد ينفطر قلبه والان هي ستطلق قبل الدخول وانها في المستشفي وحاولت الانتحار من اجلي وبكت وتعاطفت وتم بالفعل فسخ العقد بعد يومين من انعقاده دون دخول ثم رجعت علاقتنا سويا لفترة شهرين تم فيهما لقاءات بيننا تم الغلط فيها سامحنا الله وقررنا سرعة التوبة والزواج وكانت طيبة عمرها وقتها 19 سنة تعاطفت معها كثيرا حيث انها كانت مرهفة الحس عاطفية خفت عليها ربما اكثر مما يخاف عليها اهلها او والدها وكانت حياتنا جميلة السنة الاولى وجاء طفلنا الاول ثم بعدها بسنتين الثاني ثم الثالث وكانت احوالي المادية طيبة والحمد لله وكنت دائما لا ارفض لها طلبا ابدا ولا استطيع ان ارفض ان تذهب لصديقتها او ان تدهب لعزومة عند امها التي لا اطيقها كونها منفصلة عن ابيها وعلمت منها انها ليست كما ينبغي ان تكون من الاحترام حيث تخلت عن ابيها وعن اولادها الخمس وهم صغار بلا سبب معروف المهم لم اكن ارفض من حبي لها اي طلب لدرجة انه طلبت ان تذهب مع صاحبة لها لي ملاحظات عليها ولا اريدها ان تصادقها تقولي ليس لي صديقات وهذه طيبة رغم ان البنت ليست على اخلاق وواضح
المهم لا اطيل المشكلة هي انه من خمسة شهور تقريبا كانت طلبت مني ان تذهب لصديقتها تلك في بيت اخت صديقتها وتجلس اسبوع وتاخذ معها الاولاد الذي اكبرهم عمره 6 سنوات رفضت فزعلت وقالت كما تريد بطريقتها المعهودة انها تقول خلاص دام ما تبغى وارجع انا اوافق ذهبت الاسبوع ثم ثامن يوم ما ترد ثم تاسع يوم رجعت لاهلها مباشرة دون اي مشاكل مباشرة ومع ان الظروف المادية تعتبر ليست كما كانت حيث مررت بأزمة في العمل نتيجة انشغالي بمشكلة لها اصابتني باكتئاب واهمال عملي الخاص ولكن في كل الاحوال هنالك الشغالة والمصاريف الاساسية والامور ماشية والحمد لله
المهم كلمتها فلم ترد ارسلت رسائل انه هكذا يهدم البيت لقيت رد غريب : انت من دمرته وانت محرم عليا .. ذهبت لاهلها قالوا نفسيتها تعبانة شوية بتجلس معانا شوية ثاني يوم كلمت والدها قال بتجلس شهر شهرين عصبت في نفسي وقلت ببرود براحتكم
كلمتها فينك .. قالت صالون شعري قلت نفسيتك تعبانة من جد !!!
قابلتها وكلمتها قالت انت ما تستاهلني قلت لها اختاري الان انا ولا بترجعي اهلك سكتت وبكت قلت لها دحين تختاري قالت اني ما استاهلها ... ملحوظة (ترى مفكرة نفسها احلى بنات العالم .. وانها شي خطير وانها اذكى المخاليق .. وفيها خباثة ولئم غير طيبيعي) عرفت هذه بعد الشهور هذه التي فقت قليلا من تاثيرها عليا وانا كادت ان تحولني الى نص رجل


المهم تركتها ومشيت
وسيبتها ثلاث اسابيع ثم اتصلت ما ردت وسبتها اسبوع ثم اتصلت ما ردت ثم كلمت اخوها يقولي انا مشغول مرة تانية اتحملته وقلت طيب كلمني ثم مشغول ثم قلت مر لي ما مر فتركتهم شهر اخر ثم اتصلت عليها بدافع من اهلي اللي همهم الاولاد وقالوا ما تستاهل بس عشان الاولاد وهذي امرأة ماتستاهل وغير محترمة ما ردت امي جات تتصل بها ما ردت واخرتها اخوها يرد لي لما سألته ابوك اتصلت به مرات عدة ما رد عليا ليش روحت البيت سوا نفسه نايم ايش الحكاية قال لانك ما جبت اهلك معاك قلت ليش اجيبهم قالي هو قال ولازم قلت له ايش المشكلة اساسا الحاصلة عشان اجيبه وليش ما يجلس معايا ونتفاهم اول وليش هذا الاستصغار المرفوض اصلا فقال كذه هو قلت طيب ابويا مو جاي وبلغ اختك اني بطلقها وارسل احد ياخذ اغراضها
وبعدها باسبوع كلمته مرة اخري وقلت ارسل احد ياخذ اغراضها وجوا واخدوها فعلا
المهم اتصلت بي كم ما رديت بعد ما اخذوا اشيائهم بشهرين اي بعد 6 شهور من انقطاعها عن البيت فارسلت رسالة بانها تريد الصك الطلاق قلت مافي مانع ومشغول شوي وبعدين بروح اطلعه
قابلتني في مرة وانا باخذ اولادي بتتكلم فسالتها ليش سويتي كذه قالت انت عارف قلت مااعرف شي ولو فيه شي ليه ما كلمتيني فيه المهم قلت لها ما ابغي اعرف اخبارك ايش احنا بينا الاولاد والطلاق محتوم قالت انا ماغلطت بشي ووووووو المهم قالت اساسا انا لسه ما اطلقت واتقدم لي فلان جاب لي هدية وقال بيتقدم لي وقلت له انا لسه على ذمة زوجي وجاء يمكن عشر عرسان على البيت ومن هالكلام حبيت اسرده عشان اسمع رأيكم ممكن تحللوا شي من وراه
المهم بكت ونحنحت شوية وعشان البيت والاولاد مرة تانية اتنازلت في نفسي وجيت على نفسي وقلت لها انتي ايش تبغي قالت ياريتكم انت واهلك جيتو من اول قلت انا بتكلم دحين قالت ما ادري قلت لها انتي بتحبيني قالت ما انكر قلت طيب تبي نرجع سكتت قلت فكري وردي لي ايش انتهيت بس اذا رجعنا نرجع من جديد وبنظام حياة جديد قالت افكر اليوم وبكره نتقابل نتكلم قلت لها طيب بكرة اذن راحت دقيت عليها في الموعد على اساس نتقابل ونتكلم ما رديت قلت ماشي اديها يوم اثنين ثلاثة تفكر فات اسبوع ولا اتكلمت في الموضوع مرة تانية مرة واحدة اتكلمنا بخصوص الاولاد بس كنت باخدهم وما جابت سيرة الموضوع التاني
افيدوني وساسرد بعض التفاصيل التي من الممكن ان تفيد لاحقا
هل اطلقها .. هل اترك المسائل كما هي كذلك مع العلم اني لا اعلم شي عنها وتخرج وتدخل دون ان ادري
رأيكم وفقكم الله مع العلم اني قصرت كثيرا في تدليلها واعلم ذلك وبالاصح خربتها لكن هل هذا ينفي انها كان من الواجب عليها تقدير الثقة وتقدير العطاء
مادا افعل اطلقها لارد اعتباري وكرامتي التي اشعر انها انتهكت انتهاكا شديدا جدا جدا
ماذا افعل

لا أنصحك بالحياة مع هذه المرأة أتركها وسوف يعوضك الله خيرا منها وواضح أنك تعلم أمورآخري لاتريد ذكرها إشتر كرامتك ففي الناس أبدال وفي الترك راحة

__________________
سبحان الله وبحمده سبحان الله العظيم

هي ليش تبي الطلاق???

__________________
لا اله الا انت سبحانك اني كنت من الظالمين

شكرا لردك اخي غالب
حقا في الناس ابدال وفي الترك راحة
لكن الحمد لله اني استطعت اتخلص من هذه اللعنة التي تدعي الحب المجنون ولكن كيف اتخلص من هم اولاد صغار سيدفعون الثمن !!! لله الامر من قبل ومن بعد

والله يا أخت موهبة ماني عارف الى الان
ولاني لا اعلم ولا اجد سببا قويا او حقيقيا لهذا الطلب شككت في امرها خاصة وانا اختي ابلغتني انها اتصلت عليها مرة ثم مرة بعد فترة لقيت جوالها انتظار في المرتين فالحقيقة انه دب الشك في داخلي من ناحيتها لربما انها تكلم رجل او شخص اخر وتركاني انا احتياط اذا لم يفلح هذاك او لم يكن صادق .. لهذي الدرجة صار تفكيري فيها بعد ان كنت احبها اكتر من نفسي ولا عمري رفضت لها طلب

أستهدي بالله,,, الزوج إلى الآن مايعرف سبب خروجها,,,
وجاي تنصحه بالطلاق.. التفريق بين الزوجين من أحب الأعمال إلى الشيطان ومن المحرمات العظيمة..

هي كيف تروح لصاحبتها بعيالها وتجلس اسبوع هذي ماعمرنا سمعنابها هل هذا الشي عندكم طبيعي ولا بس وافقت عشان لاتزعل

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى

لا اخوي ما هو بطبيعي عندنا ولا عند غيرنا لكن زي ما ذكرت كان عندها مشكلة تعتبر كبيرة شوية وكان نفسيتها تعبانة ووافقت على مضض عشان لا تزعل وعشان تطلع من جو الكأبة الي هي فيها وقلت عمرها ما يتكرر تاني لكن كان موافقة وقرار خاطي وتهاونت فيه ووافقت وانا رافض من جوه وكنت بحسب انها لم اوافق ما هاتروح لانها عارفة اني رافض من جوايا بس شكلها ما بتحس وبعد ما راحت ارسلت رسائل تبين كذه وعشان تحس على دمها وترجع بعد يوم ولا يومين لكن ما ادري كيف بتفكر

احب ان اضيف بعض النقاط من الممكن ان توضح لكم اخواني واخوتي الكرام بعض مما قد لا اراه انا حيث اني صاحب الموضوع :
لاحظت عليها في السنة الاخيرة انها لا تحب الجلسة بالبيت لاما ابوها لاما امها لاما صاحبتها لاما بشتغل .. المهم لازم تخرج لو مر يومين ما خرجت تحس وجهها كان واحدة مسجونة وعليها الكابة حقة الدنيا كلها ولو استحت يوم ولا يومين تقول صحبات بعد ما تكون معاهم يوميا لمدة ثلاث اربع ايام بالاسبوع تقولي نروح لاهلك احس ما تبغى تجلس بالبيت ما تحب اسألها يا بنتي عيال عندك وما يصير مع الشغالة تسيبهم تقولي مالي خوات واطفش وخلاص خلاص هاجلس عشان لا تزعل وبعدين تاني يوم نفس الموال تبي صاحبتها او بتجيها وهلوما جرا .....
النقطة التانية تحب تروح مع سواق يابنت الحلال انا اوديكي وانا اجيبك .. ردها ما ابغى اتعبك وما ابغي ولما صصمت زعلت وحجتها انها ما بتاخد راحتها لما اوديها او استناها
تقول انها تحبني موووت وتحبني لدرجة الجنون ولما اجلس اليومين الاجازة تجلس 5 ساعات مثلا وبعدين ممكن في الليل عادي تبغى تخرج او تزور صاحبتها او لاهلها عادي مو زي خواتي واللي نعرفهم اجازة ازواجهم ما يخرجوا ولا يروحوا لاهاليهم حتي
كل هذا قبل الزعلة والطلعة طبعا السنة الاخيرة في زواجنا
نقاط يمكن توضح لكم الامور وتقدروا تقولوا رأيكم بشكل اشمل
هذه بعض النقاط يمكن توضح شي

وهذا الاخ الي حضرته جايبلها هديه يعني مايدري انها متزوجه؟؟وكيف اعطاها الهديه من الاساس اهلها ماقلوله انها متزوجه وعندها 3 اطفال..
.وهي كيف تقلك هالكلام الي ماينقال.انا شخصيا.مااحب ابدا الوحده متزوجه وعندها اولاد ومسؤليات وفي نفس الوقت عندها صاحبات وجيات وروحات على كيفهم يوميا..بعض الصاحبات الله يهديهم مايجي من وراهم غير البلاوي والمشاكل

والغريب انها ماراحت لبيت اهلها...وجلست اسبوع بدال ماتروح لبيت صاحبتها المفروض بيت اهلها صحيح؟؟والاغرب ان اهلها واقفين في صفها لاينصحوها ولا يوجهونها...سبحان الله

بس ايش صار في هذاك الاسبوع الي جلست فيه عند صاحبتها وخلاها تنقلب فجاه ؟؟؟الله وحده اعلم؟؟

وياليت توضح ايش المشكله الكبيره وسبب الكابه الي صارت لها قبل لاتروح عند صاحبتها تجلس اسبوع كامل؟؟وهي دايما تجلس عند صاحبتها ايام ولا اول مره تسويها..

وهل انت غلطت مره وخنتها ؟؟ جاوب بنعم او لاعلى هاالسؤال عشان توضح الصوره اكثر..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها