[align=center]السلام عليكم ورحمة الله وبركاته
أخواني وأخواتي
جزاكم الله خير على ماتقومون به في نصح الاعضاء وكتب الله لكم أجركم
موضوعي يا أخوان والله العضيم مو سهل وأنا أتيت إليكم بعد ما راسي أمتلئ بالهواجيس والتفكير والهموم بعد. لي بنت أخ حفظها الله في سن المراهقه وكلكم عارفين وضع هذا السن وبالذات البنات. بنت اخي عندها ايميل عاد انا أول المضيفين عندها. علاقتي معها زينه وحلووه بعد. يعني تقدرون تقولون مافي حواجز معها الا في حدود المعقول يعني أمووون عليها وهي بعد تمون علي.يعني أقدر أقول يمكن أفضل واحد لها من أقاربها. وأنا حاط في بالي أنها في سن المراهقه ولازم يكون واحد عندها يسمع لها وينصحها ويعطف عليها عاااد تعرفوون أنتم أساليب التعامل مع المراهقين. من زود أني معطيها وجه صارت تقوول
عمي والله صرت متعلقه فيك والله أني أضحك بيني وبين نفسي. لاتفكرون أني زعلت لا والله بالعكس هذا الشي اللي أبي أوصل له بحكم أنها بسن مراهقه وأذا مالقت أحد يعطف عليها ويسمع لها. دورت أحد ثاني. اللي أبي أوصله أخواني انا لاحظت عليها أشياء غريبه توبيكاتها حب وخرابيط ويافلانه وحشتيني[/align] وياعلانه اموووت فيك. عاد أنتم عارفين بنات المدارس والبلاوي اللي عندهم من حب وبلا الا مارحم ربي. وانا والله من باب أني خايف عليها قلت أبي أنصحها من أصدقاء السوء. طرت على بالي فكره قلت أسوي أن واحد من زملائي مرت عليه مشكله مع أخته وكلمني فيها وأنا قلت أخذ رايك شنو يسوي.المشكله هي (أنه حصل محادثه أخته على المسن مع ولد وهو مايدري شنو يسوي الحين وأنها طاحت من عين أخوها وكرها وماتوقع الشي هذا يحصل وللأسف أنها خانت ثقة أهلها فيها ومن الكلام هذا......والتهديدات عاد ماعليكم أن أزود الكلام وأخوفها) أنا ماسويت كذا الا من خوفي عليها لان يمكن مالقت أحد يعلمها الشي هذا. وأخاف أني بطريقتي هذه أفتح على عيونها أشياء ماكانت على بالها وتروح تسويها.. وأنتم شنو راايكم يا عمالقة المنتدى ولكم مني جززيل الشكر والعرفان.