السلام عليكم
راح ادخل يالموضوع على طول وهي مشكلة صديقة مقربة لي
تعرفت على شخص من النت وكانت اطراف الحديث بسيطة جدا وكان الاحترام بينهم
عقب فترة قال لها انه معجب فيها ويبغيها طبعا هي انصدمت
لان وقتها اعترف لها انه متزوج من 3 سنين
لكنه مو مرتاح مع زوجته لانها تعاني من مشاكل نفسية ولا تزور اهله ولا تحبهم مثل مايحبونها حتى هو قلت زيارته لاهله منها حتى امه المريضة ماتفكر انها تزورها.
وكان اكثر من مرة يفكر بالانفصال ويتراجع يقول يمكن تتغير ولكم دون فائدة عايشين كأنهم اغراب في مثل البيت .وقال لصديقتي انه معزم ينفصل عنها من زمان ويبغي يتقدم الى صديقتي هي عمرها 19 وهو عمره 27 . وهو وده لو يكون معه طفل يحمل اسمه حتى بيتهم كل مرة يقولون له تزوج.
صديقتي جدا خايفة ومترددة لانها بالبداية رفضت حتى قال لها الحين صح محد يبغي شخص منفصل وانتي مو مجبورة توافقين بس يمكن اذا اخذتيني ترتاحين اكثر من واحد لم يسبق له الزواج .
حتى قال لها مانبغي عواطف في هالموضوع ومجاملات وهو جاد . لكن صديقتي ماصار لها زمان تعرفه ارجوكم ساعدوها لان ماادري شاسوي معاها خصوصا انها اكبر وحده بالبيت واهلها تقول ماتعتقد يوافقون .