الهدية التي لها بالغ الآثر في النفس

واوصى بها النبي صلى الله عليه وسلم

تهادوا تحابوا

وكان لايرد الهدية


- هل تذكر اوتذكرين هدية شريك حياتك التي كانت مؤثره في نفسك ؟
أو مفرحه جداً !
ولاتنسى حتى الآن !
وهل لازلت تحتفظ بها ؟
أم ذهبت أدراج الرياح !
وماهي هذه الهدية ؟
ومامناسبتها؟

__________________
وقل ربي اغفر وارحم

اهدتني ساعة وفرحة بوقتها والبسها اذا زرتها..لكن يضيق صدري بعدها لاني ماني متاكد من حبها ويمكن تجاملني..!!
تحياتـي..

أحتفظ بجميع هداياها ,, الغالية منها والرّخيص ,, فهي تعني لي ,, الشّئ الكثير ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

بفترة الملكة كنا ماشيين أنا و زوجي قدام محل

و شاف طقم أسود و اشتراه لي .. يعني قميص و بنطلون
شايلتها لحد دحين

و فستان كمان يوم سافر وقت الملكة لجدة ، جابه لي
شايلته برضو لحد دحين

الصراحة اول من تزوجت ما عطاني اي هدية

حتى يكون الملجة

بس الحمدلله من يينا لندن هداياه وايد

ومن ضمن الهدايا - اللي انا اعتبرها هدية - الورد


جعله الله قرة عيني لي وجعلني قرة عين له

__________________
لا اله الا انت سبحانك اني كنت من الظالمين

عن نفسي لااتذكر هدية جميلة اثناء زواجي

__________________
وقل ربي اغفر وارحم

موضوع جميل وشيق
بس فاتني لاني باقي ما
بس ان شاء لله قريب
احس اني إذا ما تزوج

دعواتكمبليز

__________________

كل هداياه ما أنساها.. ولها أثر بنفسي.. وخاصة لو كانت الهدية شغلة انا محتاجتها..

أو تحاكي فيها نفسي.. >>>>>>> ههههههه (ماصديقنا إلانا)

مثل الاي فون كان خاااااااااااااطري فيه بقوة .. وكنت أفكر أني أشتريه..
بس كنت توي راجعة من السفر.. وصرفنا لميييييين قلنا يالله العافية..

فيعني قلت اصبر شهر شهرين وبعدين اشتريه

وقبل ما أتم الشهرين.. كنت ببيت أهلي.. ومر علي زوجي راجعين للبيت..
وكان مسسسسسسرع
قلت له شفيك ؟
قال مافيني شي..

وأول ما دخلت البيت
ولا الشموع مولعة.. وكاتب لي إذا أكلتي عشاك كله.. في شي حلو ينظرك بدورة المياه

وأنا طول ما أكل أفكر وش ممكن يكون هذا الشي!!!
لا وبالحمام بعد!!

خلصت أكل ورحت بسررررعة لدورة المياه..
ولا ألقى ورقة كاتب فيها >>>>> هههههههه نكبتك مو هنا تلاقيني بغرفة النوم

دخلت غرفة النوم وألقى الاي فون على التسريحة وااااااااااااو أيفون طرت من الفرح ..
قلت له عاد تصدق كنت ناوية أشتريه خلال الشهرين هذي
قال أدري وكنت سامعك وانتي تتكلمين مع أخوك عنه وعرفت انه خاطرك فيهوعشان كذا استعجلت فيه قبل لا تاخذينه انتي..

فديته وفديت عيونه الله لايحرمني منه..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

ماشاء الله على زوجك

استخدم اسلوب حلو وطريقه حلوه وكمان تلمس حاجتك في الهدية

الله يسعدكم دوووم

__________________
وقل ربي اغفر وارحم

بصراحه كل هديه لها معنى غير في حياتي

الله يخليه ليا و لا يحرمني من حنانه

َ

__________________