تعبت وافكر بالطلاق - منتدى عالم الأسرة والمجتمع

22-01-2011, 04:46 AM

انا لاأحد

عضو جديد

تاريخ التسجيل: May 2005

المشاركات: 4

تعبت وافكر بالطلاق

السلام عليكم
انا بدخل بالموضوع دغري...
انا لي 10 شهور متزوجه والحين انا حامل وزوجي هو ولد خالتي تزوجني يقول لنه يحبني وطبعا قلت يحبني اكيد مابيرفض لي اي طلب وماطلبت شي بالملكه المهم انا في بيت هلي عندي جناج خاص غرفه وحمامها وكل شي هو في بيتهم اللي عايشه فيه الحين غرفه صغيره وحمام مشترك طبعن مو زعلانه من هالشي زعللانه لنو غرف اخوانه كلهم جنب بعض وكل شي ينسمع يعني مثل مسلسل قماشه الغرف جنب بعض المهم اللي ابي اقوله انو زوجيي مايفهمني ولايبي يفهمني وطبعن من تزوجت وكله مشاكل علي ودايم اسمعهم بالصدف يتكلمون علي انقهر واروح غرفتي ابكي وانظلمت بااول زواجي كان زواجي بينهد بسببهالشي بس مااقول الا حسبي الله ونعم الوكيل
زوجي يحب الجنسسسسسس حيل حيل ويقول لي انا تزوجتك عشان جنس ودايم يهددني وكله مسوي ثقيل علي وعلى اي شي يرفع صوته ويفتح عيونه حيل عشان اخاف منه طبعن نفسيتي حيل تعبانه ولمن ابي اشكي لزوجي مايصدقني ويقول عني كذابه ودايم اكون غلطانه وانا افكر بالطلاق بصراحه لنه من تزوجني وكله يقول ماتسمعين الكلام ولايصدقني يصدق بس امه وخواته لمن يقولون له خلها تروح بيت اهلها يقول اوك بس لمن انا ابي الشي يرفض ومليون سؤال بالله البنت لمن تزور اهلها وش بتسوي دايم لمن بروح يقلي وش بتسوين طبعن انا البنت الوحيده عند ماما ودلوعه وهو كله يفشلني كله يقلي مابي وحده دلوعه بالله اجل ليه تزوجتني ليه تقلي كنت احبك
انا احبه واحب هله واحب خواته وخواته كنا دايم مع بعض قبل ماتزوج اخوهم ويوم تزوجته تغيرت الموجه مليون درجه
مايحبوني حيل كني جدار اذا نزلت تحت واذا ساكته يقولون مكتمه واذا تكلمت محد يعطيني وجه ولاياخذون ويعطون معي بالكلام انا انقهر وطلع فوق وابكي طبعن زوجي لمن يشوفني ابكي يصارخ علي يقولي وش فيك بعد بنفس خايسه يقلي اكره هالدموع يحسبني بقوله يراضيني يقلي انا مااراضي احد اه اه كلام كثيرمتحسفه من جد اني تزوجت الرجال مالهم امان وكلمته ماتروح من راسي يقولي انا تزوجتك عشان جنس بس
والحين انا حامل بالشهر الثاني ونفسيتي تعبانه ولااحد يسئل عني من هله لو اموت مكاني وزوجي بعد مايهمتم فيني طزززز فيني اذا طق براسه جنس جا يضحك لي او يطلعني عشان هالشي
والا المعامله كلها خطا طبعن زوجي بخيل حتى جوالي مايشحنه يقلي مصروفك سوي فيه كل شي كل شهر يعطيني 300 بس فررررق يوم بابا مدلعني يعطيني اكثر
المشكله مايعطيني في يدي يحطهم جنب السرير عشان مااطلبه وزوجي بعد احس انه شكاك
اي شي اسوي يسئلني ليه ومدري وشوحتى يوم يوم سئلته متى نسكن لحالنا يقول مارح يطلع من هله ماتحمل معامله هله خواته دايم يتعمدون يستفزوني قالو عني مغروره وكسوله
هم مثل الاميرات نوم ولاب توب وبلاك بيري وانا والله شاهد علي لو اشفت مكانهم فوضى وقذر انظف ورا اطفالهم والمفروض انا مااسوي شي لني مو جايه خدامه دايم يوصون اخوهم وامهم ويتفقون ويجي يقولي لاتصيرين كله جالسه قومي نظفي مدري وشو قلت له انا مو خدامه انا زوجتك عصب علي حيل والله خواتهم يخافون عليهم وانا يبوني انظف مع انو مافيه شي انظفه البيت نظيف يبون بس يشوهون سمعتي عند هلي انا اكتب واصيح لو الكلام مو مرتب ترا اكتب من قهري اسفه على الاطاله وياليت تساعدوني

22-01-2011, 05:03 AM

بنت اهلي وناسي

عضو نشيط

تاريخ التسجيل: May 2010

المشاركات: 137

هل عليك مسؤليات محدده من شغل البيت
وهل انتم قبلين
ماوضعه المادي
وهل فرح بحملك ولاعادي

22-01-2011, 05:12 AM

ذكريات لاتغيب

كبار شخصيات المنتدى

تاريخ التسجيل: Jun 2006

المشاركات: 3,830

حبيبتي
-كم عمرك؟
-مشكلتك زوجك والا أهل زوجك؟
-ليش ما طلبتي بيت مستقل قبل الزواج؟

-بداية الحمل فترة نفسية مربكه للأم..واضح من كلامك انك متوتره
ليش ما تروحين عند ماما ترتاحين كم يوم..
وانتي مره حساسه
كويس انه زوجك محدد لك مصروف
يعطيك إياه بيدك يحطه فوق الباب مو مشكله
المهم انه يعطيك

تعوذي من إبليس ووسعي صدرك

22-01-2011, 08:55 AM

في رجا الله

قلم وفي

تاريخ التسجيل: Dec 2005

المشاركات: 301

أنت تسألينه متى نطلع ببيت لحالنا ؟ المفروض أنك شرطتي من البداية سكن مستقل.

المشكلة الكبيرة في حياتك , أنك تقارنين بين حياتك قبل الزواج وبعد الزواج , فجأة تحولتي من بنت مدللة إلى زوجة مسؤولة ,
وأنصدمتي بتغيير نمط المعيشة .
لازم تكيفين حيااتك على وضعك الحالي وأنسي أنك كنت مدللة ومرفهه ولاتقارنين بين أبوك وزوجك وحاولي أنك تتقبلين زوجك ولاتنكدين عليه ولاتشكين له كل شوي عن أهله ولاتبكين خلك واثقة من نفسك , أكسبي زوجك ولاعليك من رأي البقية, أثبتي دائما أن كلامهم غلط بحسن التعاامل ,أما تغير معاملتهم لك, طبيعي لماعاشرتيهم عن قرب عرفتيهم أكثر,وأنت توك متزوجة والحيااة ياحبيبتي ياما حتعلمك.

تعاالي بقولك شي , أنت ماعرفتي نقطة ضعف زوجك ؟؟قالها لك أكثر من مرة خلاص أبدعي له في هالمجاال أقرأي عنها تفنني فيها وسوي له مفاجأت وأبحثي عن كل ماهو جديد ,والله لو أسعدتيه في هالنقطة رااح يطلعك في بيت مستقل ورااح تتغير معاملته.
وفترةالوحم (الله يعينك ) حاولي تريحين عند أمك شوي عشاان يشتاق لك ولما ترجعين أبسطي زوجك بليلة ماينساها ,بس أهم شي ماتكوني توحمتي عليه.

التعديل الأخير تم بواسطة في رجا الله ; 22-01-2011 الساعة 08:57 AM

22-01-2011, 09:24 AM

سماري برازيلي

عضو مميز

تاريخ التسجيل: Aug 2010

المشاركات: 640

ياعمري الله يهدي سركم يارب بالنسبه لموضوع السكن كان من البدايه حبيبتي لازم تشترطي يكون لكي شقه لوحدك ولا هذا الوضع ماترضي فيه بنت بذا الزمن الصراحه حاولوا تتفاهموا تتقربوا من بعض سايريه يمكن يلين وانتي عارفه انه يحب الجنس مثل ماقالت اختي حاولي تجددي تبتكري حركات يعني سويله حفله بسيطه في غرفتكم كيكه وشموع اعملي اجواء ساعتها اتناقشي معاه سبحان الله يمكن الله يهديه ووالرجال في الجنس بالذات لو اعطيتيه وامتعتيه صديقيني بيحطك فوق راسه دام هوه يحب الشئ هذا00تحياااتي

22-01-2011, 08:58 PM

انا لاأحد

عضو جديد

تاريخ التسجيل: May 2005

المشاركات: 4

عمري 24 ومشكلتي زوجي واهل زوجي لنه اي شي يدخل هله بالموضوع في اي شي
وبصراحه مابيرضا اروح حق ماما لو رضا اخته الكبيره ملسونه تمنعه قدامي تسوي نفسها ماتسوي شي من وراي تتكلم
وكله تسوي نفسها صريحه كله تقول انا صريحه صريحه وياليت تطالع نفسها طبعن اخته مطلقه
وانا مالي الا السكوت والبكا تدرون هذه اخته كنت انا وياها الروح بالروووح
والحين تشوفني ولاشي ودايم تتكلم من وراي واسمعها بالصدفه وحتى يصير وجهها احمر الحين شوشت خواتها علي حتى ولايتلفتون لي وانا هالايام صايره ضعيفه شخصيه بقوه وان تكلمت غلطوني لو انا صح ويكذبوني ودايم يحرجوني قدام زوجي
بالله هذه مو معامله
انا حاولت بقد مااقدر انو نفهم بعض هو مايبي كله يصارخ من اول شي مدري هل هو خايف اني اكبه على كلام هله دايم يقولون جنبه اولادهم لاتخلي الحرمه تركبك وتمشيك بكيفها ويوم حملت فرح بس اسبوع وبعدين المعامله تغيرت حيل
وبعدين موقصه اقارن بين اول والحين زوجي مايحن علي ولايهتم فيني بس احن لكل شي يخصني اول مع هلي فهمتوني
ولمن اكتب شعوري بدفتر مذكراتي يلومني ذاك اليوم سوا مشكله عشاني بس كتبت الي بخاطري
والله والله ورب الكعبه احاول اسعده ويسعدني بس هو كنه نخله ثابته مايتحرك اقولكم مايهتم فيني الا وقت جنس يعني مسوي ثقيل ولاكني زوجته اه بسسسسسس ماقدر اتكلم اكثر فيني تعب بقلبي عشان كذا حبيت تساعدوني لنو محد قريب مني هم حتى ماما مايبوني اقولها شي تخيلو حتى حملي مايبوني اقول حق ماما بس انا قلت لها والدكتوره قالت احتمال فيك توام قالت لي ام زوجي لاتقولين حق امك مع انو اختها عشان كذا مابي اذكر اسباب اكثر ابي اتطلق وبس

22-01-2011, 09:32 PM

أبو حكـيم

عضو المنتدى الفخري

تاريخ التسجيل: Aug 2008

المشاركات: 4,384

أختي الفاضله
الطلاق ليس حل
وليس حلوى تأكلينها وتتهنين بها
الطلاق مأساة وضعي هذه الجمله نصب عينيكي .

الحل أما أن تتقبلي العيش مع أهله كما هم وتسايسينهم
أو تستقلي عنهم بالسكن .

زوجك يريد مرأة لتكون زوجة له وأما لأبنائه
ومربية مثاليه وربة بيت
وليس مرأه كانت " دلوعة ماما وبابا "
زمن " بابا وماما " انتهى
والآن جاء دور الزوج وزمن الزواج
وتحمل مسؤوليات حياتك الخاصه .

22-01-2011, 09:46 PM

ألوآن النقآء

عضو نشيط

تاريخ التسجيل: Dec 2010

المشاركات: 141

أختي والدك ماحاول يتدخل أو والدتك .؟
إذا حاولوا ولم يجدي معهم و إن كان كما قلتي
وأنك لم تكوني مبادرهـ بالمشكله
وحاولتي مرراراً مع زوجك ولا فائدهـ ..

فنصيحتي إذهبي لبيت أهلك ..
ولا تعودي إلا ببيت مستقل ..
أنا لاأدري كيف قبلتي بالوضع
حتى لو كنت مخدوعهـ فيهم
::
فإن لم يقبل فالطلاق حل لمشكلتك ..
أما تهيني نفسك أكثر فلا ...

__________________

أَرْقَى ثِيَابُنَا ”لُعَابُ,, دُودَةْ .. وَأَشْهَى طَعَامُنَاْ ”رَجِيِعُ,, نَحْلَةْ فَلِمَاذَا الْغُرُورْ...؟؟

22-01-2011, 10:34 PM

مس ماربل

عضو مثالي

تاريخ التسجيل: Oct 2006

المشاركات: 242

انتي بس محتاجة تخلعي ثوب البنوتة الصغيرة المدلعة
وتلبسي ثوب مكر وكيد النساء خاصة انك ساكنة عند اهله و عند اخواته
وخليكي مسايسة زوجك وزي ما تفضلوا الاعضاء من ناحية نقطة ضعفه نقطة

22-01-2011, 10:44 PM

#10

رومانسية الوحده

عضو مميز

تاريخ التسجيل: Apr 2006

المشاركات: 461

اتقو الله ياللي تقولون روحي بيت اهلك وطالبي وببيت ولا ترجعين

الرجال مو سوا لو رجالتكم كذا فعاليكم لا تلعبوا بزواج البنت

اعطوها حل عقلاني مو شراني حسبي الله عليكم ما تخافون الله

لي عودة لموضوعك اختي بس خليني اتفرغ

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه