فوبيا الدم ..! - منتدى عالم الأسرة والمجتمع

15-12-2010, 01:21 AM

آنثى ـآ

عضو دائم

تاريخ التسجيل: Dec 2010

المشاركات: 54

فوبيا الدم ..!

السلام عليكم جميعا
.

بقولكم مشكلتي دوغري بدون مقدمات :$ < وربي خجلانه منكم مدري وش السوات بس ان شاءالله بلاقي حل ..

انا شخصه اخاف من شي اسمه ( دم )
ادوخ اذا شفت الدم وخااصه لاصار فيني والدوخه مصحوبه باستفراغ اكرمكم الله
هالشي فيني من صغري تقريبا اكتشفتها وانا بسن ثالث ابتدائي ..
هالشي هذا وراثه !!!
خواتي واخواني وانتقلت بعد لعيالهم .. بس مو كلهم يعني الحين مو كل خواتي فيهم هالشي ولا كل اخواني حتى مو كل عيالهم فيهم هالحاله
المهم انا عارفه ان هالشي وراثي بس ودي يروح عني .. انا احسه زاد علي لدرجه اني مجرد اسمع سالفه فيها دم ادوخ . . يارب سااعدني
اوكي لو على سالفه اني ادوخ اذا شفت دم او صار فيني دم اوكي عادي بس مشكلتي صارت اني اذا سمعت شي فيه دم على طول احس قلبي يرجف واحس باشياء تخوف واحس اطرافي باااارده وكأن بيغمى علي .. والله اتفشل من الناس اللي اجلس معهم مرات أسكتهم اقول خلاص اسكتوا لاتتكلمون ماودي يصير كذا ودي عادي يسولفون وياخذون راحتهم .. صرت اتفشل من خالتي ام زوجي اذا تكلموا البنات او اي احد بسالفه فيها دم تقول اسكتوا ترا فلانه ماتبي الدم !!!
صرت اخاف ادوخ عند الناس مع اني والله احاول ألّهي نفسي كثير والحمدلله بس ودي اصير شجااااعه ! < هالكلمه بينجن مني زوجي عليها
والله ارحم زوجي كثير يتحمس بيخليني اصير شجاعه زي مااقلت بس اخااف خلااص اروح فيها احس بدوووخ
ودي ودي ودي خلاااااص .. ياربي مدري شاسوي بعدين شكلي بموت
على فكره حتى بنت اختي من سالفه تدوخ .. واكيد صار معي موقف قبل دخت من سالفه
ياربي شلون اصير شجاعه < عطوها كف بالله
انا احس بعض الاحيان انه شي نفسي اكثر من انه وراثي .. والله ودي احط ببالي ان هالشي مايخوف واشوف وعاادي بس ماقدرت .. عطوني حلول يمكن ان شاءالله يروح مني هالشي يااارب

.

اختكم انثى الشجاعه

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 12:40 AM.

روابط سريعه