السلام عليكم ورحمة الله وبركاته
مساكم ورد
انا بصراحه سجلت ابي ارائكم بمشكلتي اللي مدري كيف جايه السهله الممتنعه

انا متزوجه من سنه واحب زوجي كثير وهو نفس الشئ يموت علي ومايستغني عني
مشكلتي معاه انه يبغى حريه زياده عن اللزوم في مقابل غيرته الجنونيه علي وده يغلفني بكرتونه ولا احد يشوفني واذا جيت اغير عليه قلب الدنيا
غير كذا انه يزعلني كل يوم لاتفه الاسباب ويضايقني واوقات يجرحني باشياء ماهي فيني
ويحملني كل ضغوطه انا تعبت من هالحال والله يوميا مشاكل من غير مبالغه لين مامرضت وصار معي انسداد بالصمام وعدم انتظام بنبض القلب ومع هذا يزعلني
صح هو على طول يراضيني بس وش الفايده اذ قضينا اليوم كله مشاكل وتعب غير انه يرجع زي ماكان بعد ماارضى ..
كذا مره تركت البيت ويسوي المستحيل عشان ارحع وحدي ارجع ويتطمن باله يرجع زي ماكااان ..

ابي حل لعادته السيئه اللي بتدمرني وبتدمر صحتي لانه بكل مشكله مايسكت عني الا لما افقد وعيي
وعلى فكره انا تغاضيت عن بلاوي سواها بحقي وماتاب

بلييييز ابي ارائكم وسوري على كلامي اللي مو مرتب لانشغالي

بانتظاركم

حبيبتي شنو المشكلة بالضبط

علشان الاعضاء يعطونك حلول

__________________
الفيلم الوثائقي : أحداث الاربعاء 16 - 11 على اليوتيوب

( سافر معي )
كل يوم يهديني مشكله شكل ويراضيني قبل النوم
ومن يصحى مشكله وهكذا
مشاكل تحرق القلب والله كل وحده العن من اللي قبلها

وينكم وهذا انا مسجله عشان تساعدووني

اختي العزيزه

كثرة المشاكل بين الزوجين تزيد الحياه الزوجيه

كآبه ومرض وهذي مشكله كبيره يجب تجنب

الاختلاااافات ومحاولة التنازل بين الطرفين

فتخيلي معي كيف الحياه بتفاهم وبدون مشاكل

عندها ستقولي عسى ان تزول مشاكلنا

تحياتي الجزيل لك

من اسهل الحلول للمشاكل الزوجيه

هو عدم المكابره بين الزوجين ويجب

التنازل من قبل احد الاطراف ان لم يكن كلاهما

ودعواتي الخالصه بالتوفيق للجميع

اختي الغاليه إذا بغيتي تكسبين زوجك وترضينه ,إذا سوى مشكله ابتسمي وقولي جزاك الله خير صدقيني راح يستحي
ولاعاد يكرر المشكله حاولي تضبطين اعصابك لكن انتي بزعلك تبعدين المسافه بينكم الله يشافيك ويكتب لكم الي فيه خير وصالح ويسخر لك زوجك توك بداية زواجك لازم هالمد والجزر

الله يرضى عليك قولي ااامين

بما اني زوج والله لو تبتسم زوجتي في وجهي عند اي مشكلة على طول انسى المشكلة وبالعكس تزيد بعيني غلا ومحبة
الله الله بالابتسامه تراها بسيطه لكن لها معاني كبيره

افضل حل اعكس الموقف وتخيلي انك رجل وماذا تريدين من زوجتك وطبقي..... وبعدين انتي ليه الغيره الزايده مشي الامور قدر المستطاع يكفي انك انتي افضل من غيرك حاطك زوجته ام عياله فليه انتي تخربين الحياة ....على فكره الحياة الزوجيه الي ينظر فيها لابد ان يقفل عينه الاخرى حتى تكون سعاده هنئيه

الله يسخره لك

__________________

تسلمو ع الردود والتجاوب
لكن انتو يمكن فهمتوا اني انتاقش واتجادل معه كثير .. لا ع العكس
اطنش كثير غير اني سويت لعيونه اشياء ماحبها بس لانه يحبها
اذ جا يتخاصم دوم احاول اغير الموضوع بكذا طريقه لكن مانفع معه
وان سكت قال ماتحترميني مطنشه وان ضحكت ولعبت معه قال تهسترين بعقلي وان بكيت قال نكديه ..
والله دايم ربي مسخرني احل مشاكل غيري من صديقاتي واخواتي
الا مشكلتي عجزت .. ويأست ..

وبالنسبه للغيره هذا موضوع ثاني يبيله جلسه ثانيه << مشكله متأزمه حييل
ومره ثانيه شاكره لكم