السلام على الجميع ابنتي الكبرى تبلغ 5سنين ونصف ذكيه وشاطره بالمدرسه وحساسه جدا جدا ودمعتها سريعه بس احيان تكابر تحب تساعدني بالبيت احيان واحيان ماتساعد حتى اسمعها كلام حلو طبعا قبل سنتين قبل اجيب ولدي الثاني كانت هاديه ومسالمه ومؤدبه بس بعد ماخلفت تغيرت قليلا وشوي شوي بدئت الاحظ تغير كبير بشخصيتها لما نكون بالبيت تكون هادئه مساعده وكلام حلو منها بس لما نروح عند ناس سواء صديقاتي او اهل زوجي تعالوا شوفوا الشكل الثاني تصير تلعب بصوت عالي ينادونها الناس تعالي سلمي احيان تروح واحيان لا!!!يسئلونها الناس ماترد تطنيش مو حياء دايم بس اكثرها عباطه احيان تسوي زي حركات المهرجين والله استحي بالمره واحيان اذا صارت تمون على احد تصير تغثه غثاء يرفع الضغط واحيان اذا فيه شئ مضحك تضحك بشكل مبالغ فيه واذا رجعنا البيت تعالوا شوفوا الاسلوب الحلو والمساعده اصير انا اخزها واقول ليش ماتسوين كذا امام الناس ليه تفشليني انا دايم اعلمك الادب ليه ماتقولين لي ابشري ترد علي وتقول استحي من الناس واستحي اقولك ابشري واحيان تقول ماادري ليه انا اسوي كذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟وعل ى فكره عندها اخ اصغر من اللي ذكر وتحبه اكثر وللمعلوميه هي دايم تسالني انتي تحبيني؟؟؟احس انك ماتحبيني!!!!!!طبعا ارد عليها واقول احبكم كلكم............ترد تقول لا لازم تحبين واحد احيان اخاصمها او اضربها ضرب خفيف غير موجع واذا نامت اقعد ابكي بحرقه عليها
وش اسوي ياجماعه طلبت مشورتكم الله يوفق الجميع
لاتهملووون طلبي

__________________
اللهم صلي على نبينا محمد وعلى اله وصحبه اجمعين

اختي يمكن انها حاسه انو حبك او اهتمامك قل لها بعد ماجبتي البيبي الجديد
حست انو في احد يشاركها فيكي
حاولي خصصي وقت بس تقضيه معاها وتدلعيها وتلعبي معاها
واتوقع انها لما تسوي هالحركات عند الناس عشان تلفتلك نظرك
لما تسئلك تحبيني قوليلها اي اكيد احبك واموت فيكي
وطفلك صغير يعني لو قلتيلها احبك اكثر منو بس لاتقوليلو هو مارح يفهم يعني بس حسسيها انو هي الاهم لان اكيد انها تغار لان صار في مين يشاركها
حبيت افيدك بس واله ماعندي خبرة
وربي يخليلك ياها ويسعدك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

مشكوره يالغاليه على النصايح الحلوه موفقه ان شاء الله

__________________
اللهم صلي على نبينا محمد وعلى اله وصحبه اجمعين

مكانه الانسب

__________________

لا أعتقد أن ماتعاني منه طفلتك هو آزدواجية شخصية هي ذكية جدا لأنها تعرف أن في البيت هناك عقاب إن تشاقت، أما عند وجود أشخاص (غرباء) لن تتمكنين من معاقبتها لخجلك أمام الآخرين آقتراح مني أنه في حالة خرقت قاعدة ما في ماربيتها عليه خذيها جانبا حتى ولو كنت في زيارة ولاداعي أن تنحرجي فالكل لديهم أطفال ويعرفون مامعنى التربية عندما تأخذينها جانبا تكلمي معها بحزم أنها أخطأت في حالة تكرر منها فستضطرين للعودة بها إلى البيت ونفذي تهديدك إن أصرت على تكرار الخطأ لترى مدى جديتك كلامك
ولاتنسي أن هناك أمور ينفع معها التجاهل فبنتك طفلة والطفل لانتوقع منه الهدوء والسكون بل قد يكون مؤشر على مرض لهذا آتركيها تلعب ولا تكثري لها الأوامر
أعانك الله أختي على تربية الكتكتين الصغيرين

والله مشكوره يالغاليه هو فعلا غالبا مااؤجل العقاب في البيت بس مرات اعصب واعاقبها عند الناس واخرها اليوم وعدتني تجلس مؤدبه ومطيعه ولما سيرنا سوت عباطتها المعتاده والله طفشت
وين الردود تمنيت القى اكثر من باقي الاخوات والاخوان

__________________
اللهم صلي على نبينا محمد وعلى اله وصحبه اجمعين

بهذا العمر طبيعي ما تفعله بنتك

يلزمك حزم امام الناس وعقاب مره واحده وبعدها ما تعيدها

يمكن تعرف انو اذا عاقبتيها رح تلاقي مين يدافع عنها لذلك لا تهتم وتزداد شقاوتها


الله يحميها يا رب ويخليها لك


يمكن حد مدلعها من العائله لذلك وقت تزوروهم تاخذ وج زياده

__________________
http://live.gph.gov.sa/
اللهم اني استودعك اولادي

الله يعطيكم العافيه ومشكوررييييين اسال الله العظيم يهديها الى احسن الاخلاق فانه لايهدي الى احسنها الا الله

__________________
اللهم صلي على نبينا محمد وعلى اله وصحبه اجمعين

اذا قالت تحبيني؟ قولي ايه احبك

ليه تعمممين وتدخلين اخوانها بالموضوع ؟ هي مسكينه سألتك سؤال يخصها جاوبيها على قد السؤال

وحركاتها طبيعيه جدا لا تلومينها كثير وحسسيها انها مسؤوله عن اخوانها

__________________
سبحان الله وبحمده..سبحان الله العظيم..

لا حرام عليك اختي هي لسا صغيره
انتي عشان عندك طفل ثاني تحسين انها كبرت..
لا تكبتينها..شقاوتها عسل وطهر..وبراءه..خليها تعيش طفولتها دام مافيه شي مضر او مخل بالأب
اذا سوت شقاوه بيت الناس..شي طبيعي .. اجل تجلس بدون حركه
لا بالعكس حبيبتي لا توقفين بوجه طفولتها
هذا حنا كنا اطفال مااحد عكر علينا طفولتنا..نلعب ونمرح على راحتنا بكل برائه وعفويه
دام انها ماتتلفظ بألفاظ بذيئه عند الناس...او كلام قليل حياء..هنا نقول لازم تصؤرف ثاني

اما تلعب وتسوي حركات وتهرج..لا والله بكيفها طفله متى بتعيش طفولتها
خليها تستانس قدامها العمر كله ان شاءالله بكره تعرس وتعيل وتشيخ..خليها تنبسط دام مافي سوء اخلاق

ويوم سألتك تحبيني انتي تقولين احبكم كلكم
لالا اكبر خطأ
علميها الحوار ..
قولي لها انا احبك لأنك بنتي الكبيره والعروسـه وانا اموت فيك ومااقدر اعيش بدونك
واخوك الصغير احبه لكن انتي غير لأنك كبيره وتساعديني على اخوك..
هي تغار حتى لو مابينت


مثال/
ولد خالتي عمره 3 سنوات ونص
وطبعا انا يعتبرني امه واعتبره ولدي..ويناديني ماما مثل امه..ماشاءالله تبارك الله
مره رحت بيتهم وكان فيه بنت خالتي الثانيه .. واخوه الصغير
دخلت وشافني وانبسط...ويستعرض
بس يوم مسكت بنت خالتي وبستها وحضنتها وجلستها جنبي على الكنب

طول ماهو يلعب يطالعني...ويسوي تصرفات تجيب الهم..تهريج واستهبال الله يحفظه
ويرفع يده يعنني بضربك..ويقول لي مااحبك موحلوه يا أدب(يعني قليلة ادب)خخخخخخ
وانا اقوله ليس انا احبك وااااااااااجد وااااجد امووت فيك..
انبسط وتشقق وصار هادي ويسمع الكلام..


الأطفال يحتاجون كلام حب وحضن واهتمام زايد
مااقول دلعي
بس اغدقي بالحنان
ضميها دايم
قولي لها يااغلى البنات تعالي ياحبيبتي سوي كذا وكذا
اذا سألتك ماما تحبيني
بوووسيها على طول واحضنيها وقولي لها انا امووت فيك احبك كثييير وفرحانه انك بنتي