السلام عليكم


انا عندي موضوع مسبب لي هم ما يعلم فيه الا ربي


العام الماضي انخطبت من ولد عمي,,,

ولكن قالوا لأبـوي انه قدامه سنه وحده ويتخرج ويبون يحجزوني

واهلي عارضوا فكرة الحجز

بس الوالد الله يطول بعمره قال لهم يخلون الموضوع مفتوح لاتخرج يصير خير بدون حجز والولد ماينعاب ولكن لا جاء نصيبها بتمشي ماعندنا بنات للحجز ... الله يسعده خاف علي


استخرت اكثر من 10 مرات وحسيت براحه عجيبه

رغم ان اول ماقالوا لي..انزعجت جدا وقلت في بالي استحاله اوافق حتى اختي الصغيره قالت انا مو موافقه ابد << ومن شافك اصلا هههههههه

وبعد الاستخاره ماشاءالله ارتحنـا جميع حتى اختي المرتزه قالت خلاص انا موافقه ارتحت زيكم<<


يعني هو ماشاءالله تبارك الله خلوق ومحترم والكل يشهد له بالخير والصلاح .. ماشاءالله تبارك الرحمن..


المهم مضت تخرج وتوظف الحمدلله

فاتحتني عمته اللي هي برضوا تقرب لي..ويمون عليها لأنها بسـنه ومن عمره
قالت فلان خلاص مايصلح .. قلت لها هو قايل لك شي قالت لا ابدا بس احس ماينفع لأنه بارد جدا

ومن بعدها طبعا ضليت اوسوس .. واتسائل..هل هم مغيرين رايهم...والا بس عمته قالت كلام من عندها كسوالف بس

رغم اني حاليا اول ماتوظف الولد
اشوف بنات عمي الاربعه خواته ماشاءالله كل يوم يتصلون علي بدون سبب فقط سوالف عاديه ومتقربين مني كثير .. وانا طبعا اكون رسميه

للعلم هم ولا عمرهم اتصلوا علي وكنت والله مااشوفهم بالشـــهووووور الطويله والله

انا حاليا مكتئبه والله وصلني اكتئاب مو طبيعي من الوضع


بتقولون وش هامك
انا تهمني نفسي...يعني حتى لو تقدم رسمي يمكن مااوافق
اما تغير راي منا والطريق بدون كلمه وسبب..شوي صعبه صراحه

ابي اعرف هم مغيرين رايهم والا باقي على رايهم..بس ابي ارتاح مايهمني شي
والا بس وسواس فيني..

والله حالتي النفسيه كل يوم تسوء,,
وش الطريقه اللي تريحني


الإشراف :

تم تعديل العنوان ليتناسب مع المضمون .

وفقكم الله .