السلام عليكم أخواني وخواتي الغاليين..
بخبركم عن طريقة اللحم المشوي فوق القدر..أكله لذيييييذه ..
المقادير:
لحم (الكميه حسب الرغبه)
بزار عربي
ملح
ماي ورد
زعفران أصلي
الطريقه:
أولا جهزي قدر كبير على حسب كمية اللحم الموجود ويكون فيه ماينص القدر وبهارات حب وقرفه وليمون يابس وغطيه بالقصدير ثلاث أو أربع لفات وثبتيه زين بالجوانب عشان ما يطلع البخار من القدر.. بعدين هاتي سكين وافتحي فتحات صغيره بالقصدير عشان يطلع البخار من القدر للحم..

يغسل اللحم جيدا ,أخلطي الماي ورد بالزعفران وأدهني اللحم فيه كااامل ,هاتي الملح وملحيه والبزار وبزريه بس ما تكثري منه وتأكدي أن اللحم كامل خذ نصيبه من الملح والبزار والماي ورد ..
وبعدين حطي اللحم فوق القدر المغطاي بالقصدير وحطيه بالتساوي وبعدين غطي اللحم بقصدير مره ثانيه وتأكدي أن ما شي فتحات تطلع البخار بالجوانب..
وحطيه على نار عاليه لين ما تحسيه يثور وبعدين خليها هاديه ..
يباله تقريبا ساعتين ويتاكل ويا العيش الأبيض والسمن العربي ..
وبالهنا وبالعافيه عليكم
انشالله تعجبكم ..

__________________
سبحان الله وبحمده ..سبحان الله العظيم..