السلام عليكم

مساء .. صباح

الخير
موضوعي ان شاء الله جميل وشيق وهو موجه للجميع

هل تعرضت او تعرضتي لموقف محرج او طريف في الملكه يعني اثناء الملكه او قبل الملكه عند النظره الشرعيه او في حفلت الملكه للجميع المملكين والمتزوجيين ولي باقي ما املك مواقف طريف حصلت لكم في هذا الوقت بالتحديد وشكرا للجميع...

وعليكم السلام

أذكر بعد الفحص الطبي أرسل خطيبي نتيجة الفحص على جدة لأنه يعمل في منطقة اخرى وأرسل نتيجة فحصه من هناك فاستلمها أخي وقالي خليها عندك ليوم الملكة ومن حرصي نسيت وين حطيتها يوم الملكة ,فقعدت اقلب غرفتي فوق تحت وأنا بفستان الملكة وكل شوي يجي واحد من أخواني يقولي وين شهادة الفحص ؟! , الشيخ ماراح يعقد بدونها , والرجال بالمجلس مع الشيخ ينتظرون وأنا خلاص قلت في نفسي شكل مافيه لا ملكة ولا زواج والحمدلله وبس قعدت أستغفر وأدور الين لقيتها وبعدها جاب أخوي الدفتر يقول وقعي بالموافقة على الزواج وقعت وانا دايخة وميته تعب

__________________

إذا كثُر الاستغفار في الأمة وصدَر عن قلوبٍ بربّها مطمئنة دفع الله عنها ضروباً من النقم، وصرَف عنها صنوفًا من البلايا والمحن، {وَمَا كَانَ اللَّهُ لِيُعَذّبَهُمْ وَأَنتَ فِيهِمْ وَمَا كَانَ اللَّهُ مُعَذّبَهُمْ وَهُمْ يَسْتَغْفِرُونَ}

اني اتذكر بلخطوبه جنت استحي من خطيبي كلش و هو هم يستحي من واحد ديشرب الثاني العصير انجب العصير على بدلتي و اني وكعت الكيك على القاط مالته ولله كلش انحرجت و هو همين

ههههههههههههههههههههههههههههه

اما انا مهو موقف طريف طااااااااااااااامه بغت تيسر فضيحه لما رحت اشوف البنت نظره شرعيه جيت من الدمام سيده رحت لجدي عاد هو بدوي عود عنده ابل وعصبي وراعي البل ما يرحم الوكاد رحتله وقلت لعمتي تزينه ولبس ذا البس الزين والبشت السنع هذا بعد فضل الله ثم عمتي الله يسعدها وبعد ما يدري اني جاي ليمه لين جيته وعلمته ورفض لانه مشغول مع شيبان وبعد الحاح وافق وخذيته واشترط نشتري كرتون هيل قلت له معي يبي يهديه على حسابي ذا الشايب ودزه عاد اهل البنت بالمدينه وهم بدو متحضرين وانا لابس ثوب لكنه انحاس من السفر وكنت معلق ثوب نظيف مكوي وشماغ سنع وعقال قبل ما اوصل لهم وقفت في مخطط قريب منهم ابي ابدل ملابسي وهو يزعل ويسطرني ليه ما تلبس وتسنع خخخخخ وانا اهرب منه بعيد شوي ومنحاس والبس على عجل وارجعله احب راسه واعتذرله وسامحني ورحنا لاهل البنت وسلمنا عليهم وعلم الشايب ولما خلص قلتله ابي اشوف البنت قال لي هاه ما يحتاج وكلمت ابوها وما نفع وكلمت اخوها وتفهم الوضع وادخلت عليها ومها معاها يالبا قلبها وخجلها بغت تموت من خجلها وانا كذلك والله حتى السوالف ما قدرت اسولف معها ولا سئلت شي عنها بس شفت جسمها وشعرها مغطي وجهها بغيت انجن انقهرت ما شفت شي لكن تيسرت الامور بفضل الله ثم بفضل الاستخاره والحمدلله ارتحت لها معني ما شفت وجهها زين ولما طلعت واصفق بعتبت الباب واطيح ذيك الطيحه الله لايوريكم ومرت بسلام قمت وصرفت الوضع وانا ساكت والوجع فيني وتحملت وافقت لعيونها والحمدلله حبيتها وعشقتها (عشق بدوي) والله

عـشـق بـدوي لا حب ما هــو بكــذاب **يوفـي ولـو جرحــه تـجــدّد صـوابــه

اما ليليه المللللكه فهي غير اقولها لكم بعدين...................

وشكرا للجمبع لتفاعلهم ..والهدف من الموضوع للتسليه وسعت الصدر

هههههه والله موقفك طريف من جد ،،، لكن وشوله تاخذ جدك؟ انت اللي بتشوفها والاهو ؟ عموما الله يوفقكم ويجمع بينكم على خير

بالنسبة لي في النظرة الشرعية ابوها ماقصر كسر الجو وخفف الموقف، طبعا انا كنت مجمع كلام كثير لكنه بقدرة قادر طااااار من دخلت علي، وقعدت اسولف بسوالف غير مترابطة ههههههههههه خصوصا ان السواليف من طرف واحد اللي هو انا لانها كانت مستحية جدا ... ثم خش ابوها في السواليف وقعد يتكلم وانا مانيب لمه وقاعد اسلكله وبين كل جمله وجمله له اقول له صحيح ... صادق ... وانا مادري وش يقول الين جات الطامة يوم قلت له "صادق" ,,, قال وشلون صادق؟ قلت صادق في اللي تقوله ، قال اقولك متى حاط في بالك وقت الزواج؟ هههههههههه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههه سطحت ضحك
حلوه سالفت التسليكه (صادق )شكلك جبت العيد احمد ربك ما كرشك لكن عمك كفو صرفها

الله يسسسسسسسسسسسسسسسعدك دنيا واخره

يوم تلبيس الدبل .. نسيت شيئا ما .. هدية او ما شابه لا اذكر .. و جعلت اهلي ينتظرون امام بيت العروسة و ذهبت للبيت و احضرتها و رجعت ..

اقتباس:

المشاركة الأصلية كتبت بواسطة عريس بكراتينه ههههههههههههههههههههههههههههه اما انا مهو موقف طريف طااااااااااااااامه بغت تيسر فضيحه لما رحت اشوف البنت نظره شرعيه جيت من الدمام سيده رحت لجدي عاد هو بدوي عود عنده ابل وعصبي وراعي البل ما يرحم الوكاد رحتله وقلت لعمتي تزينه ولبس ذا البس الزين والبشت السنع هذا بعد فضل الله ثم عمتي الله يسعدها وبعد ما يدري اني جاي ليمه لين جيته وعلمته ورفض لانه مشغول مع شيبان وبعد الحاح وافق وخذيته واشترط نشتري كرتون هيل قلت له معي يبي يهديه على حسابي ذا الشايب ودزه عاد اهل البنت بالمدينه وهم بدو متحضرين وانا لابس ثوب لكنه انحاس من السفر وكنت معلق ثوب نظيف مكوي وشماغ سنع وعقال قبل ما اوصل لهم وقفت في مخطط قريب منهم ابي ابدل ملابسي وهو يزعل ويسطرني ليه ما تلبس وتسنع خخخخخ وانا اهرب منه بعيد شوي ومنحاس والبس على عجل وارجعله احب راسه واعتذرله وسامحني ورحنا لاهل البنت وسلمنا عليهم وعلم الشايب ولما خلص قلتله ابي اشوف البنت قال لي هاه ما يحتاج وكلمت ابوها وما نفع وكلمت اخوها وتفهم الوضع وادخلت عليها ومها معاها يالبا قلبها وخجلها بغت تموت من خجلها وانا كذلك والله حتى السوالف ما قدرت اسولف معها ولا سئلت شي عنها بس شفت جسمها وشعرها مغطي وجهها بغيت انجن انقهرت ما شفت شي لكن تيسرت الامور بفضل الله ثم بفضل الاستخاره والحمدلله ارتحت لها معني ما شفت وجهها زين ولما طلعت واصفق بعتبت الباب واطيح ذيك الطيحه الله لايوريكم ومرت بسلام قمت وصرفت الوضع وانا ساكت والوجع فيني وتحملت وافقت لعيونها والحمدلله حبيتها وعشقتها (عشق بدوي) والله عـشـق بـدوي لا حب ما هــو بكــذاب **يوفـي ولـو جرحــه تـجــدّد صـوابــه اما ليليه المللللكه فهي غير اقولها لكم بعدين................... وشكرا للجمبع لتفاعلهم ..والهدف من الموضوع للتسليه وسعت الصدر

ههههه .. الله يجمعكم على خير يامتحمس للعرس ..


وبانتظار ليلة الملكه على احر من الجمر ...

يلا شجعوووووووه شجعووووووووه <_ حماس خخخ

اقتباس:

المشاركة الأصلية كتبت بواسطة مقبل 1 هههههه والله موقفك طريف من جد ،،، لكن وشوله تاخذ جدك؟ انت اللي بتشوفها والاهو ؟ عموما الله يوفقكم ويجمع بينكم على خير بالنسبة لي في النظرة الشرعية ابوها ماقصر كسر الجو وخفف الموقف، طبعا انا كنت مجمع كلام كثير لكنه بقدرة قادر طااااار من دخلت علي، وقعدت اسولف بسوالف غير مترابطة ههههههههههه خصوصا ان السواليف من طرف واحد اللي هو انا لانها كانت مستحية جدا ... ثم خش ابوها في السواليف وقعد يتكلم وانا مانيب لمه وقاعد اسلكله وبين كل جمله وجمله له اقول له صحيح ... صادق ... وانا مادري وش يقول الين جات الطامة يوم قلت له "صادق" ,,, قال وشلون صادق؟ قلت صادق في اللي تقوله ، قال اقولك متى حاط في بالك وقت الزواج؟ هههههههههه

ايه ليه ؟ يمكن وولي امره هو !!

اهم شئ صحيح وصادق انته مثلي لاصرت غير مباليه ارد بكلمة صحيح وصار ليا موقف هالاسبوع

عشان كلمة صحيح ..



يلا ياامقبلين احكوووو مغامراتكم

__________________

شكرا على مرورك اللطيف

وعليكم السلام ورحمة الله وبركاته
موضوع حلو
حصلت مواقف كثيره بس مافيه في بالي الا موقف واحد حصل هذا الموقف بعد العقد باسبوع...
انا امووووووووووت واخاف من القطط وفي بيتنا برى قطط
واحنا طالعين الولد وصل السياره وانا ولا حركه لان القطط عند الباب واهو يتصل ووووو
وبالاخير نزل الايقولي ليه واقفه مكانك قلت له انا اخاف من القطط الا يقول لي كان قلتي انك تخافي...
وانا في السياره انتظرك من نصف ساعه

اذا تذكرت راح ارجع واكتب...
الله يسعدك

__________________
سلامات يا قلبي...
اتمنى اعرف اخبارك...