السلام عليكم والرحمه ،،

مساءكم رضا ورحمه من رب العباد ،،

اليوم مطيت بالنوم صار له طعم غير يمكن عشان وراي طبخ ونفخ 3 الا ربع بنت اختي مركبه المنبه وفزيت عليه

دخلت المطبخ وسميت بالله وبديت اجهز،،

اول شي بديت بفطائر الشوايه ،،

المقادير
نص بيالة زيت
فنجال سكر
ملعقة خميرة
كاس لبن
ذرة ملح
دقيق تقريباً 3 اكواب ،،

تعجن و تخمر ساعه وتكور ،،



ثم نجيب الشوايه ،،




وندهنها زيت ونحط فيها الكور ونضغط عليها وتطلع بهالشكل ،،




عقب نفتحها من النص ونحشيها ،،

سلقت دجاجه ونتفتها وحشيتها جواته ،،

النتيجه النهائيه ،،




عقب رحت اجهز كرات البطاطس سلقت 3 بطاطسات على النار وبشرتهم وحطيت معهم ملح وفلفل ،،

وكورتهم ودخلت جوى كل كوره جبن كرافت ،،



نجيب طحين وبيض وشابوره ،،

نغمس كل وحده بالطحين اول عقب البيض واخيرا الشابوره ،،



اخيراً نقليه ،،




سويت كم حبه من الكلوب لماي براذر ،،

نقطع خبز توست صغر ونجيب جبن شرائح ودجاج مسلوق منتف نحط فيه بهارات ونجيب الطبقه الاولى من الخبز نحط فيها جبن والطبقه اللي فوقها نحط طماط مقطع صغار مع فلفل رومي والطبقه الاخيره دجاج ونحطهم بصينيه وعلى الفرن يحمرون من فوق مجرد تأخذ لون ،،




اخر شي سويت الحلى من امس الليل سويته لانه ياخذ فتره لحد مايجمد ،،

المقادير :
1 خليط كيك بيتي كروكر شوكلاتة او العلالي انا صلحت العلالي ،،
1 قشطة
1 ظرف دريم ويب
1/2 كوب حليب سايل
3 م.ك كاكاو باودر
1 م.ك نسكافية





الطريقة :

نجيب صينية تيفال اللي تنفك ،،



نحط فيها الكيك ،،



ندخله الفرن حوالي الساعه ويكون الفرن حار قبل كذا ،،

نطلعه من الفرن ونشربه شوية كريمه ،،

نخليه تبرد ونفرغ الطبقه اللي بالوسط بملعقه ونحطها بالخلاط مع باقي المقادير ونخلطهم ونحطهم عليها ،،




نحط فوقها الاوريو ،،



ندخلها اللاجه ونقطعها بعد ماتجمد ،،



اخيراً




سفرتنا بس ترى مالحقت عليها كامله لاني انشغلت ،،




finish،،

" حاولت احط اسم الموقع على الصور وماعرفت يطلع لي ستات عربي +^+"

دمتم بخير .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..