السلام عليكم ورحمة الله وبركاته

من امس نفسي قافله من زوجي

والسبب جاني اتصال من زوجي عبارة عن مكاملة فيديو والشيء اللي قهرني منه انه كان بيكلمني

في مقهى واصحابة جالسين حوليه ،، يعني اللي مايشتري يتفرج

انقهرت وقفلت الخط بوجهه وسكرت جوالي ,,

رجع بعدين يستفهم ليش قفلت الخط بوجهه قلتله انه حركته جداً ماصخة وقليلة حياء كيف تسمح

لنفسك تكشفني قدام الرجال

عصب وقالي انا غبي اخليهم يشوفونك ..!! اذا انا لمحت صورهم وهو يكلمني يعني وهم جنبه

ماراح يشوفوني ؟؟

وبعدين يقولي اصلا هم مندمجين مع بعضهم ..!! مو دارين عنك ..!!


ايش الحل مع واحد بهذه العقلية .. تجيله يمين يروحلك شمال؟؟

معاكي حق أكيد بس يمكن لو تحاوريه بأسلوب ثاني أفضل و بيني له انك سويتي كذا حرصا عليه ماهو بس عليكي و الله يعينك

قولي له موظفين الاتصالات كمان يتفرجو ...

..

ثانيا : ليش بالاساس يتصل فيديو !!!

..

ثالثا : تقدري تقفلي باصباعك على الكام ... ولا تحطيها على جهة الجدار ...

..

بس مو هنا السوال ..

السوال : باين انه طريق التحاور بينكم صعب ..

لازم تبحثي وبتفكير عميق عن ماهي الطريقة الافضل لاقناع مثل هذه الشخصيات في الحوار ..

واتوقع انه هذا سوالك اكثر من سوالك عن اتصال الفيديو ..

__________________

الله يهديه و يصلحه يا رب
حاولي تتفاهمي معاه بهدوء قولي انا شفتهم كيف ما تبغاهم يشوفوني

أكيد هو مايقصد وجلا من لايسهو ,, ويجب عليك أن تكونين أكثر رقي وسلاسة في توضيح هذا الأمر له وبأسلوب مرن ,,,

حصل خير والمسألة بسيطة وهو زوجك في النهاية أكثر شخص سوف يخاف عليك ,,

طيب كيف تكون طريقة الحوار الجيدة ؟؟ ممكن توضوحها لي اذا تكرمتوا ؟؟

لاني احس اني مشحونة منه من اشياء كثيرة وصرت مااتحكم في اعصابي منه ؟؟ وهالشيء زاد الطين بله على قولتهم

على فكرة تصرفاته كانه مراهق او شاب غير متزوج

كل هذا لانه قعد في المقهى مع اصحابه ؟

يعني لازم يجلس في البيت 24 ساعة حتى يتم تسجيله في سجل المتزوجين !

اذا كلمك مرة ثانية بنفس الطريقة حطي خمار على راسك وكلميه .. يمكن يحس ويفهم

لا حول ولا قوة إلا بالله

بعد إذنك إذا تحبي تجيبي زوجك كم عمره؟ عندكم اطفال؟