الســلام عليكم

اخواتي اخواني

ماكتبت لكم الا لأني محتاااااااااااااره وحاسه بأنواع الطفش

ابغا رأيكم شاركوني حيرتي

طبعا رأح اقولكم القصه كامله

اتقدم لي شخص اول زياره اهلوا شافوني بعدها بيومين اتصلوا قالوا الولد يبغا يشوفها

قالت مامتي طيب هذا من ابسط حقوقه

جاء شافني جلست شويات حق خمس دقائق او عشره وطلعت

قامت اخته اتصلت جوال عليه مدري اش قالت له اش قال لها واعطتني هديه قالت هذه من العريس

السؤال هنا

يقولوا في عرسان يشوفوا البنت ويلبسوها سوا عجبته او ماعجبته؟؟


بعد فتره اتصلوا وحددوا متى يجوا الاهل يخطبوا خطبه رسميه وصارت وبعدها بكم يوم التحاليل

طلعت التحاليل وقالوا أهل العريس بعد الاختبارات يتفقوا على كل شئ

الي قاهرني هنا ان في ناس حوليه بس يقولوا لي هما باردين اهله

حسيت اني ممكن اكون ماعجبته بدأ الفأر يلعب فيه

زهقت من الحيره اعطوني رأيكم

يا إلهي وش فيك مستعجلة
طيب اصبري شوي و خليك ثقيلة قالوا بعد الإختبارات إنتظري و بعدها يصير خير
‘إذا كان لك صدقيني ما راح يطير منك و إذا كان مو من نصيبك لو إيش ما راح تتزوجينه
إستغلي هذه الفترة و إدعي و إستخيري و إستشيري بدال ما تخلي الشيطان يوسوس لك

نصيحة لا تسمعين كلام كل الناس بس الثقة منهم

الله يوفقك و يكتب لك اللي فيه الخير سواء معه أو غيره

__________________
ليتني طفلة أكبر همي لعبتي

وعليكم السلام

اقتباس:

الي قاهرني هنا ان في ناس حوليه بس يقولوا لي هما باردين اهله

خلي كلام الناس يظهر من كلامهم عليهم يبغون يخربون الخطبة ويحاولون يربكونك بهذا الكلام ....

أما ترتيبات الخاطب وأهله طبيعية وما فيها تباطؤ

لذلك بعد الإختبارات بيصلك الرد بإذن الله لذلك ريحي بالك


واستخيري الله عز وجل فيما أنت مقدمه عليه وما يكتبه الله هو خير لك ....


الله يرزقك الزوج الصالح


عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

ماهو استعجاااااااااال

بس يقولوا ممكن وممكن

وصاحبتي اليوم اتصلت عليه تقول نبغا رقم الوالده

ماعرفت اش اقول

احس كياني كله اتلخبط

حسيت اني في لحظه برفض الكل

حيره عجيبه

وانا بالعكس ماابغا اموري تصير بسرعه

يسلمو على ردك

اقتباس:

المشاركة الأصلية كتبت بواسطة حائره ومعذبه ماهو استعجاااااااااال بس يقولوا ممكن وممكن وصاحبتي اليوم اتصلت عليه تقول نبغا رقم الوالده ماعرفت اش اقول احس كياني كله اتلخبط حسيت اني في لحظه برفض الكل حيره عجيبه وانا بالعكس ماابغا اموري تصير بسرعه يسلمو على ردك

سؤال هل هذه أول مرة تنخطبين .....!!!

لأن أشوف الوضع عادي جداً

المشكلة في ارتباكك وحيرتك وكثرة التفكير المبالغ

المهم استخيري الله وادعيه أن يرزقك النصيب الطيب

بدل الوسوسة والحيرة


ثم ممكن من جهة أهلك أنهم جالسين يسألون عنه فتأخذ وقت
والأن فترة امتحانات والناس مشغولة بعدها يصير خير






عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

لا والله مو اول مره

هذه هي المشكله

قبلها بشهرين او شهر

انخطبت وسوينا التحاليل وقبل لا تتطلع التحاليل كنت كل يوم اصلي الاستخاره احس اني محتاره

قبل لا تتطلع نتيجة التحاليل بيوم قلت لا خلاص ماابغاه

لهذا السبب احس بحيره

الحمدلله صليت في هذا ثلاث مرات وحسيت براحه

وسألوا عنه

انتي مكبره الموضوع وهو اصلا مايستاهل
اختي اذا الحين بتسمعين كلام ناس ماراح تعيشين طنشيهم وخليهم بحالهم احسن
وبعدين من صالح كل ماتااخروا كل تااخيره وفيها حيره
ومافيه ولد بياخذوحده ماعجبته ولاحتى ارتاح لها حتى اهل الولد انتي بتعيشين معاهم نهاية عمرك
هذي مافيه احد يتساهل فيها ابد
والله يوفقك يارب ويبعد عنك عيون خلقه

هدي اعصابك وانتظري وبعدين بعد كل دا وشوفه وتحاليل وتقولى خطبه رسميه اجل الاولى ايش كانت ؟؟؟؟؟؟

الله يكتبلك كل خييير

__________________
ياررب ارح قلبي وعوضني خير

انا مدري اش عادتهم عشان كذا هما مستغربين

انه جاء الاب واولاده الكبار خطبوا

وبيرجعوا يجوا

يسلموووو على ردودكم