بسم الله الرحمن الرحيم

مشكلة لصحبتي ، و هي بتتابع هنا معنا :

زوجها يحبها و تحبه ، كريم بالحب و الكلام الحلو و حنون ، لكن عديم المسؤولية و كأنه يعيش مراهقته
اللي أهله حرموه منها لإنهم عائلة متشددة جدا و كل شئ عندهم ممنوع و زوجها كسول و كثير
الديون ، و هي متحملة دراستها و الكل يشهد بأخلاقها

هم يدرسوا بالخارج و أنا أعرفها ، و زوجها يجلس في المعهد يدرس و من المعهد يروح يلعب في الصالة
تبع البولينج من الساعة 3 - 9 يوميا ،، هي ملت من الشئ هذا و تناقشه و يجلس يقول لها هوايتي

قالت له ، هوايتك و أشجعك عليها ، لكن لازم تنظم وقتك و تعطينا من وقتك ..
سكتت له في البداية و قالت مصيره يشبع و يحس بالمسؤولية و يعرف ينظم وقته ،،
لكن لا حياة أبدا لمن تنادي ..

حتى في وسط الأسبوع يروح يلعب هناك ، و لا يخفى على الكل بإنه الصالات هذه فيها خمور و بارات
لكن هو تبريره ، أنا جالس ألعب و مالي دخل فيهم ..


هو يوعدها إنه بيتحسن ، لكن بيتحسن يوم و يرجع لطبعه و هي غسلت يدها منه و ريحت راسها
و أصلا المعزة اللي كانت فيه قلبها له ، ما صارت مثل زمان و خاصة إنه هو كل شوي يتغير للأسوأ
و أغلاطه كثيرة و كل شوي تسامح و تنسى ،، و كل شوي يوعد و يطلب منها تفتح صفحة جديدة

طبعا اليوم زوجها ارسل لها رسالة ، أنا خرجت من المعهد و رايح ألعب تبغي شئ ؟؟؟؟؟
قالت له ، أبغى بس إنه ربي يحفظك لنا ..

الأخ طووووووول كمان ، من الساعة 3 - 7 ..
قامت اتصلت عليه، و قالت له .. ما تكفيك ساعتين تلعبها ؟؟؟؟؟ قالتها بطريقة هادية و مؤدبة ..
رد عليها ، و قال لأ ما تكفي ، تبغي شئ دحين ؟؟؟؟؟؟؟؟؟؟ <- حتى أسلوبه صاير ماعرف كيف ؟؟؟؟
قالت له ، لا بس بأسأل ..

قال لها ، بأرجع الساعة 8 و نص ..

طبعا هي تعرفه ، يقول 8 و نص و يرجع 9 و نص ..

طيب بالعقل و المنطق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا أخوان و أخوات ..

3 - 9 ساعات يوميا في الصالة و قبلها يكون في المعهد ، هذا إذا ما كان نايم ،،
و في الويك إند من الساعة 4 أو 5 في الصالة و في الصبح نايم ؟؟؟؟؟ و في الليل تلفزيون و نت ؟؟؟؟

أي حياة تطاق هذه ؟؟؟؟؟؟

يقولها كمان ، مو كفاية الويك إند هذا ما خرجته عشانك ؟؟؟؟؟؟

قالت له ، مافيها شئ الويك إند تفضيها عشاني و عشان طفلنا اللي ما يشوفني و يشوفك ؟؟؟؟؟؟

المهم ، الحوار معه ما منه فايدة و دايما يحط الغلط عليها ..
هي تاركة له الحرية في اللعب و شايلة مسؤولية البيت و تتحمل اللي ما تتحمله الجبال ..

و كل مرة يحط فيها أي غلط و حجته بس ، أنا أحبك ؟؟؟؟؟؟؟؟؟؟؟؟؟؟

أي حب هذا بالله ؟؟؟؟؟؟؟؟؟؟؟؟؟؟؟؟؟

لا كلام في البيت و لا شئ ؟؟؟؟؟؟ و عايش كل حياته ديون ، و يشتري بالتقسيط و من جدددددد
طفشت هي ، وو ما تحكي هي لأحد و تشتكي بس لربنا ..



المطلوب:

نصايح من الأخوان خاصة ، يمكن الأخ يسمع لهم و يرجع لصواببه قبل فوات الأوان ..
لإنها غسلت يدها منه ، و ما راح تبكي و تترجاه ، و اللي يبيعها راح تبيعه هي كمان ..


لإنها قالت له ، راح يجي يوم .. و تندم على إنك خربت و هدمت بيتك بيدك ..
و هو يشهد إنه زوجته ماهي مقصرة و الكل يشهد لها بعدم التقصير ..


---------------------------

على فكرة ، هي ما تبغى تجبره على شئ ..
هي تؤمن بإنه الشخص لو ما عمل الشئ عن قناعة فمافيش أي فائدة ..؟؟؟

هل الأمر هذا طبيعي أم لأ ؟؟؟؟؟؟؟؟؟؟


لإنهم اتفقوا ينزلوا سؤالهم هنا ، و إنتم الحكم ..

مكرر

على فكرة ، هي تؤمن ببإنه الوحدة تشجع زوجها على هواياته ،، و هي تاركته براحته يمكن يحس من
حاله لكن سكوتها ، يخليه يستمر و لو بيده ينام هناك كمان

هي طفشت الصراحة ، و زهقت .. و تبغى تريحه منها
حجته ، أنا كذا من قبل لا أتزوج ..
طيب هو كذا من قبل الزواج ، لمتى يعني ؟؟؟؟؟؟؟؟؟؟؟؟؟؟؟

هي ققبل لا تتزوج كل المسؤوليات على أهلها ، ليه هي اللي تهتم و تفكر في البيت ؟؟؟؟؟
ليه ما تعمل زي زميلاتها و تروح الأسواق و تتسكع و تعيش حياتها ؟؟؟؟؟؟؟؟؟؟

و الله لو إنها عملت كذا ، ما همه ..
أهم شئ نفسه إنه يبسط حاله و خلاص


هي مقررة تخلص و ترجع لبلدها بعد ما تنتهي البعثة ، و تنفصل عنه ..
و خلي الصالة تنفعه و اللي فيه <- هذا الكلام بس وقت الزعل

-------------------------------


ملاحظة /
اللي راح يقول لا تلاحقيه ، فهي معطيته راحته .. بس ألحين طفح الكيل على قولتها ..
و نفسها عافته خلاص ، أي حياة هذه ؟

و هو شايف نفسه طبيعي جدا

كل هذه المميزات الحلوة والمحروم منها كثير من الفتيات وتطلب اكثر؟

اما عن الديون فكثير من الشباب واقعين فيها خاصة مع بداية حياتهم الزوجية

ومع مرور الوقت بيتعلم التدبير والاقتصاد

نحن بنناقش شئ و إنت تتكلم عن شئ تاني و ردودك معروفة عند الأعضاء

لا تخرج عن الموضوع ، و هي كمان أكرم منه في الحب و العاطفة و كل شئ

يعني هو أكيييييييد ما صار كذا ، إلا علشانها تستاهل ياخوي
و لإنه يدري ، ما راح يلقى مثلها

مو لازم أجلس أوصف لك هي و أمدح لك فيها
لإننا بنتكلم عن الزبدة و ما نبغى نطلع برة الموضوع



لا نخرج عن الموضوع رجاااااااااااااااااااااااااااااااااء ..

3 - 9 ساعات يوميا ،
تقصد فيه من الساعة 3 إلى الساعة 9 كل يوم

و زمان كان لحد الساعة 12 و جلس كذا أكثر من سنة ، لحد ما طلعت ريحة دخان ..
و صارت مشكلة كبيرة بينهم ،، فتناقشت معه آخر مرة ، و اتفقوا ما يجلس بعد الساعة 9


المهم ، هي ما تبغى شئ منه .. و ما نطقت بكلمة لإنها ما تبغى وجع الراس .. و كفاية المشكلة الكبيرة اللي صارت
و حلف لها بالقرآن إنه بيتغير وووووووووو إلخ ،، و يرجع ينسى ..

هي بس بتبري ذمتها ، و قالت له بأكتب الموضوع و نشوف مين الطبيعي ؟ أنا و لا إنت ؟؟؟؟؟؟
مع إنها عارفة إنه لا حياة لمن تنادي .. بس خلاص بتبري ذمتها و ترتاح

أظن أنه طبيعي

لإن الناس يختلفون في طباعهم

أهم شيء مو صاحب هوى مو صاحب مسكر مو صاحب معاكسات

__________________

أخوي مخاوي العز

هم عايشين في الخارج أول شئ ، و هي راحت مرة معاه هناك من شهر ، و كاسات الخمور كل مكان
عالعموم ، هي توثق بزوجها مع إنها متضايقة من المكان أولا ، بس كل انسان ربي يحاسبه لوحده
و هي تؤمن بإنه لكل انسان وجهة نظر و مبدأ ،، لكن الشئ لا يزيد عن حده

و الواحد يراعي الأخر علشان الأخر يراعيه أيضا



و بنظرك طبيعي انسان من الصبح نايم أو في المعهد ، و من هناك على الصالة لحد الساعة 9 ..
و حتى في الويك إند ؟؟؟؟؟؟؟؟؟؟؟؟؟؟؟

و بالنسبة للكلام اللي قلته إنت إنه ماهو صاحب هوى و يسكر لا سمح الله وووووووو إلخ
فيوم كان يجلس طول اليوم هناك ، كانوا الناس يتكلموا و دقوا عليها إنهم شافوه يسكر وو كلام كثير ما
نبغى نخرج فيه عن موضوعنا ،، بس لإنها عاقلة و حكيمة ، فعرفت كيف تتصرف و تحافظ على بيتها ،
و مازلت تنكر الكلام اللي سمعته و عرفت تخليهم يقفلوا حلقهم ،.


يعني كبرت عقلها زمان و تركته براحته لحد ما الريحة بدأت تطلع و الناس تطلع إشاعات عنه
الله العالم صح و لا غلط ؟
و لا تنسى إنهم في بلد كفار و كل شئ مفتوح ، و هو عايش كان في بيئة كل شئ ممنوع


المهم ، ما نبغى نطلع عن الموضوع ، لوو بيعمل شئ فراح يدخل القبر لوحده
هي ما راح تدخل معاه ، بس الشئ اللي يعمله راح يسبب جفاء عاطفي بينهم

صح و لا غلط ؟


-----------------------------------

و يا أخي نصيحة لك معليه ،،
الإلتزام مو بس أقرا القرآن و ما يسكر و ما يعمل الكباير لا سمح الله

الحياة فيها مشاركة وجدانية و روحانية ، ليت نعرف الشئ هذا

صعب اني اقتنع ان هذا الزوج يبقى لمدة ست ساعات كل يوم لمجرد لعب البولينج ؟!

لو بقى لمدة اسبوع راح يطفش على طول من المكان

اكيد في حلقة مفقودة في الموضوع وهناك مايجذبه لذلك المكان غير كرة الحديد التي يرميها على الخشبات

ياخوي

هذه هوايته و يطمح للبطولة على قولته ، حتى يوم يكون في السعودية ..
يروح يلعب ، سامحني ( بيلعب بلياردو ) مو بولينج ..

و قبل لا تتزوجه ، قالولها كل أوقات فراغه في المسجد و على هذا الأساس هي قبلت فيه
بس طلع العكس ، خليها على ربك


و هذا طبعه ، ما يطفش من الشئ أبدااااااااااااااااااااااااااااااااا
سواء بلياردوا و لا أي شئ ، يعني مثلا يلعب ترافيان من سنتين و ما يطفش يوميااااااااااااااا
و هي تشاركه في ترافيان ، لإنها تشاركه هواياته ، بس الواحد يوصل لمرحلة و يقول بداخله خلاص ؟؟؟


طبيعة تربيته في بيت أهله ، كل شئ ممنوع و حرام .. خلته يبغى يشبع من أي شئ
و ما عنده كنترول بداخله ، و هي احتوته و حسنت فيه أشياء كثيرة و ساعدته كثير في حياته ،،
و أخد منها مجهود جبار ،، لإنها كانها تربي شخص من جديد و هو يقولها :
( لولا الله ثم إنت ما كنت تحسنت ووووووو إلخ ، و يعرف إنها تحملت كثير )

و هي خلاص لحد هنا و طفشت الصراحة ، و خلاص ملللللللت ،،
إذا كانت هذه هي مكافأته لها ؟؟؟؟؟؟؟؟؟؟


بذرته طيبة ، و أهله ناس صالحين بإذن الله و ماحد خالي من العيوب،، يعني إن شاء الله هو يخاف الله ..
بس هي محتاجة أحد يوقف معها ،، و خاصة إنهم في غربة ،، مو كل شئ عليها و هو بس يلعب ؟؟؟

تبغاه يحس بها ، تبغى تحس بوجوده معها ،،
مو معقولة بلياردوا بالشكل هذا ؟؟؟؟؟؟؟؟

إيش موقعها هي من الإعراب في حياته ؟؟؟؟؟؟؟؟؟