السلام عليكم .......
بصراحه أنا عندي مشكله وأبيكم تساعدوني
لأني تعبت .......
بقول مشكلتي هي طويله لاكني بقولها
بأختصار أنا أبوي وأمي تزوجوا من غير
رضى أهاليهم لاكن مع أصرارهم على الزواج وافقوا أهلهم
برغم المشاكل اللي بين الأهل لأن أبو أمي متوفي وأخوانها من
أبوها هم اللي رافضين أبوي ويكرهونه وطبعا أبو أبوي <جدي>
يبي أبوي ياخذ بنت عمه لاكنه رفض وأخذ أمي
طبعا أمي وأبوي أستمروا بحياتهم على الرغم
من كثرة المشاكل بين الأهل وماأهتموا وأقطعوا العلاقه
بينهم الا في المناسبات الرسميه وفي أضيق الأحوال
وبدون طبعا أحنا مانتواصل معاهم نهائيا
أصبت باأكتئاب وصرت أكره
صديقاتي اللي يتكلمون عن عوايلهم وأبتعد عنهم لأني أحس بالنقص وماأقدر أجلس معاهم لأن خوالي وعمامي وجودهم مثل عدمهم
لاكن أنا أحب بنات عمي وخوالي ونفسي أتواصل معهم
بس أمي رافضه تقولي هم يكرهونك وما يحبونك
طبعا أنا ماأستسلمت وصرت أكلمهم وأزورهم من دون مايدرون أهلي
طبعا بنات عمي كلهم رفضوا صداقتي اللى
ثنتين هم اللي رحبوا فيني وبنات خوالي علاقتي فيهم سطحيه
لاني على كثر ماتقرب منهم يبتعدون عني لاكني أحبهم ودايم
أحمل أهلي مسؤولية اللي
قاعد يصير لنا أنا وأخواني
لين ماقوت العلاقه بينا لاكن في يوم اكتشفت أن
وحده من بنات عمي تكلم شباب باالصدفه
طبعا أنا أنصدمت منها ويوم درت أني كشفتها هاوشتها وصرت
ماأكلمها
صارت تأذيني وتتكلم عني لدرجة أني لما أنخطبت تكلمت
فيني وأنا بنت عمها وخربت خطوبتي حقدت عليها
بس ماوضحت بعدها أعتذرت مني ورجعت علاقتي فيها طبيعيه
لكن أنا صرت أخذ لها تسجيل
مكالمات وسيديات محادثات من دون ماتدري
لأني خايفه تأذيني مره ثانيه وقتها راح أهددها باللي معي
لاكن أنا شخصيا مو مقتنعه في اللي سويته وتعبت أكثر من
أول أهملت دراستي وتوقفت عنها يمكن راح تقولون
ليش خايفه منها لها الدرجه بس راح أقول أني مو مستعده
أعيد تجربة أمي وأبوي وراح أتزوج ولد عمي اللي هو
أخوها و خايفه تدمر مستقبلي والمصيبه أنها تكلم ولد
عمي الثاني ويوعدها بالزواج ويقابلها ساعدوني أنا خايفه
عليها وعلى نفسي لان مهما كان مابيها تخرب سمعة العايله

شوفي اختي لاتستخدمي اسلوب التهديد
ومهما كان هي بنت عمك
لكن اذا حسيتي انها ممكن تخرب خطوبتك باخوها خوفيها من رب العالمين
وقوليلها ان اي كلام رح تقوليه ضدي رح يكون شاهد عليه الله مايظلم عباده ولو انك اتكلمتي علي بشي مو زين رح تجي الايام وتنحطي بموقفي خوفيها من هذا الموضوع ولو كانت فيها نخوه وخوف من الله مارح تقدر تقول كلمه تشوه سمعتك عند اهلها واخوها ورح تتذكر كلامك
والله معك ويوفقك ان شاءاللهه

اختي اذا انتي نصحيتها وهي تبي تضرك
خليها تسوي الي تبغاه ونهاية طريقها الندامة
انتي سويتي الي عليكي وهي عقلها في راسها وتعرف خلاصها
خليها مالك شغل فيها واهتمي بنفسك
خلي الشباب يلعبون فيها لين ما تعقل هي وبتعرف قيمت نصيحتك بعدين
^_^

__________________
::: لا تقنط من الواقع فإصلاح الموجود خير من انتظار المفقود :::

أول شي لاتعيدين غلطة أمك وأبوك في الزواج لان امك ماخذه ابوك بالقوة والعكس وثانيا تعالي لبنت عمك ولاتفضحينها لان من ستر على مسلم سترالله عليه في الدنيا والاخرة انا عارف أنك تحبينهم ماودك تفارقينهم لكن انصحيهم وأستمري في النصح معهم حتى ولو استهزوا فيكي أصبري وإذا مالقيتي نتيجة وتغير أقطعي العلاقة فيهم وكان النبي نوح عليه السلام يدعو قومه 900سنة وبعضهم استجابوا له وبعضهم لم يستجيبوا له حتى أن أبنه مات على الكفر وقال الله تعالي أنك لاتهدي من أحببت ولكن الله يهدي من يشاء وعليكي بالنصح والصبر لان كل شخص في هذه الحياة سيموت ويدفن في قبر لحاله لايبقى معه الا العمل الصالح وبالله التوفيق

المفروض تسمعي كلام اهلك من البداية ولا تزوريهم

والمفروض تكوني قريبة من امك وتصارحيها لأن هي أكبر وأدرى

وأنصحك تقطعي علاقتك ببيت عمك

اسمعي حبيبتي انتي ماسويتي شي غلط وربي ..
هي اللي اخربت لك حيـآتك .! وش تحس به بنت عمك ذي اسمحي لي .!
يعني زي مايقولون فوق شينه قوـآآإت عينه !؟
انتي انتبهي التسسجيل اللي معك يصيير به شيء طبعا لا تستخدمينه لكن هدديها به !
والا بتخرب عليك من جديد حيـآإتك وتقولين اعتذرت ورجع كل شي طبيعي ليه !؟
انتي خربت خطوبتك مو شيء بسيط والكلآم يخرب ويهدم مستقبلك ..!
انتي ربي انشـآلله راح ينصرك عليها .. وراح يرد لك حقك باللي سوته ذي ..
وامك وابوك يا قلبي مـآسوو شيء غلط .. بالعكسس انتي المفروض ماتلومينهم !
حبيبتي / آلآهــل يحبون احيـآن يعاندون يمكن امك وابوك حسوا انهم منـآسبين لـ بعض عشـآن
كذـآآ تزوجـوـآ غصب عن الكــل .!!
انتي حـآفظي ع التسجيل بس عشان تحافظين ع مسستقبلك ..
ولك مني ودـآدي ..

حنـآن العمــر ...

شوفي اختي لاتستخدمي اسلوب التهديد
ومهما كان هي بنت عمك
لكن اذا حسيتي انها ممكن تخرب خطوبتك باخوها خوفيها من رب العالمين
وقوليلها ان اي كلام رح تقوليه ضدي رح يكون شاهد عليه الله مايظلم عباده ولو انك اتكلمتي علي بشي مو زين رح تجي الايام وتنحطي بموقفي خوفيها من هذا الموضوع ولو كانت فيها نخوه وخوف من الله مارح تقدر تقول كلمه تشوه سمعتك عند اهلها واخوها ورح تتذكر كلامك
والله معك ويوفقك ان شاءاللهه

اختي الفاضلة الله يعينك ع مصيبتك لكن يااختي تذكري ان كل انسان في الدنيا يعاني،، ولكن من رأى مصيبة غيره هانت عليه مصيبته،،، اختي خذي نصيحة ببلاش لاتتجسسي عليهم وتأخذي أشرطة عنهم وعن مكالماتهم حتى أنتي تترتاحي نفسيا، أختي الفاضلة أنتي قدوة لهم بالخير انصحيهم واهدي لهم الهدايا لكي تجذبي قلوبهم،، أشكرك على سؤالك واهتمامك في بنات عمك،، وهذا يدل على أنك عملة نادرة في الخير المجتمع يحتاج الى الكثير من أمثالك الاخوات الفاضلات الاتي هن قدوة لغيرهن في الخير، وأنا من المعجبين فيك وفي موقفك البطولي وكوني قوية لاتضعفي ولاتهتزي امام احد من الناس، ولاتجعلي مشاعرك وعواطفك تسيطر على عقلك،، اتمنى لك التوفيق وتقبلي تحياتي،،،،،، عزوز