السلام عليكم ورحمة الله

حبيت استشيركم بموضوعي

تقدم لي شاب من عائله كويسه الحمدلله بس مشكلته انو وحيد اهله بين 5 بنات ووظيفته الاساسيه لسا ماجات وهو موظف وظيفه مؤقته ويقولوا وظيفته حتجي بعد كم شهر
انا كمان البنت الوحيده عند اهلي وتقدم لي ناس مره كويسين بس ارفض بحجة تكملة الدراسه وماما وبابا هم اللي معترضين ارتبط قبل اخلص دراستي بس الحين صاروا عادي متقبلين الوضع لان مابقي لي الا سنه واتخرج ان شاء الله
ماما رفضت هالشاب في البدايه لانو الوحيد وكمان عشان الوظيفه وبعدين لما كلمتها مامته ارتاحت شوي وصار عادي بعدين رفضت مره ثانيه انا ماوافقت ولا رفضت كنت استخير والموضوع يتيسر وربي من نفسه بعدها ماما مره ضغطت علي ورفضته وردينا عليهم بـ لا امه رجعت اتصلت ومره متمسكه فينا وزعلانه ليه ارفض وتقول استخيروا طبعا رفضته قبل موعد الشوفه بكم يوم بعدها وافقت ع الشوفه جاء وشوفته ارتحت مررره وكان كلامه حلو ومريح جدا وهما يقولوا الرد للبنت احنا ماعندنا كلام قصدهم موافقين~
انا للحين متردده ومحتاره وخايفه وابغى انهي هالسالفه وارتاح
متردده من ناحية وظيفته ولانه الوحيد رغم انو مستقل بحياته وعايش بمدينه غير عن اهله
احس حيتقدم لي احسن منه لانو الحمدلله مو ناقصني شيء
وماما وبابا احسهم مو مره مرتاحين؟؟

بعدين مين المفروض يدق احنا ولا هم بعد الشوفه لانهم للحين ماردوا بس قالوا يوم الشوفه القرار لكم احنا ماعندنا كلام؟؟

الله يتمم لك الي فيه الخير يارب

بما انه لسى ماله وظيفه اساسيه يعني المستقبل مو مضمون وصعب ممكن ماتجي وايش بيسوي..!

ولاتلومي اهلك دامهم مو مرتاحين

واستخيري ياختي ماخاب من استخار

وهم الي يردو

والله يوفقك يارب

وعلى فكره دامهم قالو بعد الشوفه انتو تردو يعني هم موافقين عليك ومن ناحيتهم موافقين والشوفه مجرد للشاب عشان يشوفك وبالاساس هم موافقين يعني بها الحاله انتو بعد ماتفكرو بالموضوع تردولهم

بس عاد فكري فيها وظيفه مؤقته تراها شوي صعبه لاتتعلقين معاه ويجيك الاحسن وتندمي

انا اشترطت الوظيفه وتكلم فيها وقال ان شاء الله جايه بعد شهر واكيد ماحيصير حتى ملكه الا بعد الوظيفه بس احس محتاره واحس اني برفض
مشكور اخوي الله يسعدك دنيا وآخره وينولك ماتتمنى~

احترامي

هلا بك اختي

اولا الله يوفقك ويكتب لك الخير وين ماكان

بالنسبة للوظيفة يعتمد على مؤهله يعني ثانوي ولاجامعي؟ ويعتمد على تخصصه لان فيه تخصصات وظايفها باذن الله مضمونة

ووالدك ممكن يقولهم اذا استقر بوظيفه ماعندنا مانع... لان من حق والدك يطمن على بنته وعلى زوجها من ناحية الاستقرار المادي

لكن هل انت ارتحتي له بالنظرة وعجبك بغض النظر عن الوظيفة لان التوافق والارتياح مهم في الخطبة

وما اوصيك ع الاستخارة ووكلي امرك لله علام الغيوب... والله يوفقك

__________________

يامن ضاقت به الدنيا بما رحبت
هل دعوت الله وتوكلت عليه سبحانه وتعالى واخذت بالاسباب؟

هو جامعي وتخصصه مره حلو ومعاملة وظيفته جاريه بإذن الله بس الشيطان اوقات يوسوس لي وأحس انو حيتقدم احسن منه رغم مررررررررره مرتـــــــــاحه له~

الله يكتب الخير((لاتنسوني من دعواتكـــــــــم))

عذب الكلام شكراً لك ولكلامك العذب اللي يشرح الصدر الله يوفقك دنيا وآخره وينولك ماتتمنى~

الوظيفة تروح و تجي ، أهم شئ إنه بيسعى لها

إذا ارتحتي له في الشوفة الشرعية فانصحك بقبول الشاب

الله يقدم اللي فيه خير

مشكور روح الطير الله يوفقك دنيا وآخره~

الله يوفقك حبيبتي أنا أقول مادمتي مرتااااحه خلاص كملي مشوااااارك وبما انه جااامعي الحمدلله

الوظيفته مضمونه باذن الله بأي قطاع ....لكن وقفت عند كلامك تخااافين يتقدم لك الافضل ليش التفكيييير هذا يعني برأيك

انك ترفضين الرجال علشان احتمال يجيك أفضل منه ليش كذا !!!!الحياة فرص وأيضا حطي في بالك انه ممكن مايتقدم لك

أفضل منه.............................واستخيري أنتي وأهلك والله يوفقك يابيبي عقبال ماتكون البيبي مدااام هههههههههههه

ههههههههههههههه لاتقولي كذا مابدي اصير مدام خخخخخخخخخخخخخخخ

الله يسعدك يالغلا ويريح بالك بس ماما هي اللي تقول بيتقدم لك احسن رغم انو الولد فرصه وصحيح الدنيا فرص
الله يكتب الخير غلاتي ويسعدك بالدارين~

ودي

والله يااختي سيبك من موضوع الوظيفة ......

هو الشاب اخلاقه حسنة ويخاف الله ورتحتيله والا لا ......

واهله هل هم ناس طيبين وبترتاحي معاهم والا لا ....

هذه هي الاسئلة الي لازم تسأليها لنفسك عشان تقدري اتقرري .....