السلام عليكم ورحمة الله وبركاته ،

عضوة جديدة عليكم بس حبيت اشارككم مشكلتي واتمنى اسمع آراء منكم وحلول اتساعدني ،،

انا متزوجة من 21 سنة ،، ابلغ من العمر الآن 39 تزوجت صغيرة بالسن والفرق بيني وبين زوجي 5 سنوات ،عندي اولاد .. تزوجنا عن معرفة فقد كان التعارف بالجامعة وكانت أول سنة لي ،

مشكلتي هو جفاف زوجي العاطفي وبخلة العاطفي طبعا ً .. يمكن الاغلبية راح اتقول 21 سنة والآن تشتكين ،، اقول لكم شكواي من زمان بس للحين ما حصلت الحل ،، احاول اتعايش بس في اوقات اتعب نفسيا وابي حياتي تتغير . شكلي ولله الحمد بشهادة الجميع اني اتمتع بشكل واخلاق طيبة ، وهم بشهادته هو عند اهله حسب كلامهم انه يمدحني ، طبعا وهذا المدح ما يكون امامي ،، لان ما عمري سمعت كلمة حلوة منه واقصد بكلمة حلوة الكلمات المتعارف عليها بين الزوجين يا حبيبتي او يا عمري او اي شي من هذا القبيل ،، يمكن تقولون ابالغ بس يشهد رب الكون علي ان هاذي الحقبقة ،، احتاج لوجوود رجل بالفعل بحياتي ،، خاطري والله العظيم خاطري اتكلم وامزح وافضفض له ، معاي بنفس المكان بس بعيد وايد احسه عني .. الكلام بينا شبه معدم ... انا ما اطلب المستحيل اطلب بس انسولف مع بعض حتى لو ساعة بالاسبوع والله قابلة ، ابي لو مرة بالشهر او الشهرين وحتى لو ثلاثة اشهر نطلع مع بعض ، لو حد سألني متى آخر مرة كنتي معاه بالسيارة والله ماأذكر ،

بعض صفاته وحاولت اني أأقلم نفسي عليها العصبية الزايدة وكونه دووم خارج البيت سواء مع اصدقاءة او عند اهله ،، يعني بيتنا احنا للنوم فقط لاغير .. لان حتى وجبته الاساسية الغدا تكون عند والدته والعشا طبعا يكون خارج البيت وقتها فمانشوفه ..

سامحوني طولت عليكم بس مثل ما قلت لكم يمكن القى حل او اقتراح من صوبكم يفيدني لاني جربت كل شي يخطر ببالكم لاني مو راغبة للانفصال لان يعلم الله اني اعزه ،، صحيح اني اتضايق منه واشيل بقلبي بس ربي يشهد اني اعزه.

دمتم بخير