السلام عليكم

اكتب الموضوع وانا احس بغصه ابي ابكي
انا متزوجه صار لي سنه وشهر كنت في بداية زواجي مأجله سالفة الحمل
بحكم الظروف وبرضا الطرفين
بعد تسعه شهور من زواجي الله رزقني بالحمل وخشيت الخبر لين كملت شهر واسبوع
وقلت حق امي وخالتي ام زوجي

في شهر واسبوعين اجهضت ولله الحمد....... وانا لما حملت كان الدكتور معطيني محفزات عشان الحمل

ولما اجهضت قالي مايأثر لو انك حملتي على طول لكن زوجي خاف علي
قال خل تجي اول دوره وبعدها نحاول على طول
وبعد ماجت الدوره بعد طول انتظار
بعد ماوقفت بثلاثه ايام رجع ينزل علي دم
انا في البدايه كابرت عشان ماودي اخذ ادويه عشان الحمل
لين انه زودها النزيف بزياده اضطريت اروح المستشفى والحمدلله وقف النزيف
يعني الدوره مع النزيف كانت 16 يوم؟؟

وانا بصراحه كنت اصبر حالي واقول يمكن يصير تبويض بعد النزيف؟؟؟؟؟؟

ولما قريت في المنتدى عن التبويض... انه لازم افرازات؟؟
واوجاع التبويض؟؟ وانه بس تنزل البويضه 24 ساعه؟؟؟
انا بصراحه ماصار عندي ولا شي من هالاعراض؟؟

ياترا شرط التبويض يكون في 14 يوم الدوره؟؟

طيب النزيف ينحسب دوره؟؟؟ تكفو افيدوني ياصاحبات الخبره

والله قلبي يتقطع ابي نونو اضمه بحضني
اشمه والاعبه واهتم فيه؟؟ ابي احمل
شسوي؟

__________________
رب ارحمهما كما ربياني صغيرا

عسى ربي يرزقك بالذريه الصالحه

اللهم آمين

امين
ويارب يزقك اللي تتمنيه

((ضوى الليل)) شاكره لكي مرورك ويارب يستجيب دعواتك .

__________________
رب ارحمهما كما ربياني صغيرا

أسال الله العضيم رب العرش العظيم إن يرزقكي بالذريه الصالحة ويرزقني بالولد الصالح واصبري لدوره الاخرى واحسبي لتبويض وإن شاءالله تبشرينا بالحمل

سواة الله ربك كريم بس انت ابذلي الاسباب والباقي على الله يعني روحي لدكتورة شاطرة واعملي كل التحاليل المطلوبه ولاتنسي هرمون الحليب وادعي ربك دايم انت وزوجك (ربنا هب لنا من لدنك ذرية طيبه انك سميع الدعاء) بالدعاء وبذل الاسباب مافي شي مستحيل ولاتحزني ولاتقنطي من رحمة الله ترى سنه وشهر مرة قليل وانت تقولي قد حملت وبالول اجلت يعني مو متأخرة ابد احمدي الله انا اعرف وحده قعدت اكثر من عشر سنين ربي مارزقها وبعد العلاج ربي رزقها بنت زي القمر عاشت ايام قليله بعدين توفت وبعدها قعدت متحطمه وبدون علاج ربي عوضها بولد زي القمر ماشاء الله وينك انت من صبرها اصبري واحتسبي ومتى ما اراد الله قال كن فيكون ولا تنسي انت وزوجك ترى كثرة الاستغفار ترزقك بالذريه الصالحه ان شاء الله

فضه قلبها حنون يارب يرزقك بالولد الصالح..
واشكرك على دعائك لي ويارب يستجيب لكي دعواتكي كلها..

__________________
رب ارحمهما كما ربياني صغيرا

صمت الحنان

كلامك جيل جدا فعلا من يرا مصيبة غيره تهون عليه مصيبته..

اشكرك على كليماتكي الرائعه ..


بس لا تلوميني اذا حزنت فهذه زينة الحياة الدنيا......

__________________
رب ارحمهما كما ربياني صغيرا

اللهم ياكريم يارحمن يارحيم ارزق اختي فيك زوجة عاطف الذريه الصالحه ولا تجعلها من المحرومين يارب

يارب يا وهاب هب لها ولنا الذريه الصالحة

__________________
أكتب ما اشعر به .. وأقول ما أنا مؤمن به .. ليس بالضرورة ما أكتبه يعكس حياتي ..الشخصية هي في النهاية مجرد رؤيه لأفكاري...!!

[ صمت الحنان+ahf8090100

اشكر لكم دعواتكم الصادقه ومواساتكم لي بالدعاء
اللهم فرج عنهم همومهم يارب وارزقهم بما ترضاه...
حقيقتا اخجلتموني بطيبت قلوبكم..

__________________
رب ارحمهما كما ربياني صغيرا