السلام عليكم ورحمة الله وبركاته

اتمنى ان اجد عندكم الردود اللي تريحني
تزوجت منذ اربع سنوات وانا الان ام لطفله ولكن زوجي صار لايتحملني ولا يطيق اسلوبي في الكلام يقول اني اكثر كلام واعيد الكلام ويقول اني ازعل بسرعه واتنرفز بسرعه...
احيانا امزح معاه وياخذها هو على محمل الجد ويشيلها في نفسو وانا ماادري واحيانا اكون طفشانه ما اتكلم يقول لا تبرطمين تكلمي واذا تكلمت وقلت على اللي مضايقني يزعل ويسوي لي مشكله ليش اني زعلت وتكلمت ومالو داعي الزعل اصلا وليش ماتتكلمين عادي وتقولين عاللي مضايقك بدون زعل؟؟؟؟

طيب انا زعلانه الزعل مو بيدي ؟؟؟ مايبغى يفهم هذا الشي (ديكتاتورية) يعني يبغاني ما ازعل من شي ولا ابرطم ولا اتنرفز وانا بشر ماني ملاك...يعني مافي انسان الا ويزعل والزعل نوعين نوع يتخبى في القلب ونوع يطلعه صاحبه ويفضفض... وانا زوجي مايناسبه النوعين من الزعل طيب اذا زعلت فين اودي زعلي ياناس انا محتاره...
احيانا اسولف معاه عادي يقوم يثور في وجهي يقول خلاص طيب قد تكلمنا في الموضوع ذا كم مره ويزعل
تخيلو انو يزعل من كلمة (يوووه) ويزعل من كلمة (ليش كذا) مع اني عشت مع اخواتي وصديقاتي محد قد تنرفز مني ولا احد قد انتقدني ولاعندي مشاكل مع احد بالعكس امي تقول ان انا احسن وحده في خواتي وزوجي خلاني اسوأ حرمه في الدنيا.
انا خايفه لايكون عندو حرمه لافه عليه عشان كذا صار ماعد يعجبه اسلوبي وايش اسوي انا خلقني الله كذا كلامي كثير وصوتي عالي لمن اتكلم عجزت اغير نفسي وهو موراضي يفهم ان الله خلقني كذا وان هذا اسلوبي دعيت الله ان يغيرني لاناسب زوجي هذا كل مابيدي..
في يوم من الايام قلت له انا ربي خلقني كذا وهذا اسلوبي... كبر بيننا الموضوع وكلمه مني وكلمه منه واستقوى واستفحل وبقي شويه ويضربني على شي تافه (اسلوبي مو عاجبو) قلت له الله يلعنك ياحقير تسوي هذا كله عشان كلام تافه واعطاني طلقه :14:
جرحني وصدمني والى الان وانا مجروحه منه مع اننا رجعنا لبعض لكن عندي قلق وخوف ونفسيتي مضغوطه عالاخر يعني ظلم اني اعيش العمر كلو ما ازعل من شي واتكلم بطريقه تناسبه واظلم هويتي انا الانسانه ايش اسوي معاه هل امشي على هواه ام اعيش حياتي بطبيعتي هل انا صعبه ام هو صعب..
اتمنى القى ردودكم ولكم جزيل الشكر

مرحبا
هل أسلوبك ياغربة دائما لوم و زعل
ام انك تتكلمين بمرح احيانا و بشكل هادئ في مرات أخرى
لأن إذا كان اسلوبك دوما زعل و لوم ,سيكون الوضع مضجر و له الحق في عتابه لك
أسلوب زوجك في نصحك للأسف كان خاطئ فلم يستخدم اللين و المناصحة
بل عتاب و رأي صريح و الإنسان لا يتقبل الرأي الصريح بشكل منفر و يعاند فيه
لكن وقع الفأس بالرأس
وعرفتي ان اسلوبك في التنفيس عن حزنك لا يعجبه فما الحل بنظرك
!؟
ان يتقبل اسلوبك حتى لو كان مزعجا(بنظره)و قد رأيتي النتيجة..للأسف ,,تلاسن و طلاق
أم تغيري و تخففي عصيتك و ترتاحي..و تكسبي زوجك
أنك بذلك لن تلغي شخصيتك بل (اسلوب تعبيرك عن هذه الشخصية لتظهريها بشكل احسن) لا يضايق غيرك . فمن غير المعقول ان نطلب من الآخر تقبل اسلوبنا المزعج بنظره لاننا لا نملك غيره
الإنسان يتعلم من الحياة
تصدقي ان اسلوبي كان مزعجا ببداية زواجي فكان الأمر فعلا لا يطاق , اريد ان اعبر
لكن اسلوب يخونني
و أنا الآن لا أفضفض إلا لزوجي بحيث استخدمت كلمات اقل حدة
لا تشعره أنه بموضع الملامة او التشكي
و صرت اتحدث مع اخواتي عن ضغط الأطفال و الحياة فهن يفهمن ذلك اكثر (النساء تفهم النساء)

..
فأسلوبك المتذمر يظهر شخصيتك بشكل سلبي و للأسف الرجل احيانا يفهم تذمرك و زعلك بأنه مشكلة تحتاج حل
و لا يفهما بأنها (فضفضة) فهو يعتر ما تقولينه مشكلة مع مشكلة ==مشاكل معقدة تحتاج حل
فيعتبرك تختلقين جوا منكدا
رغم انك تفضفضين فقط له باعتباره اقرب قريب لك و المرأة تحب ان تبث ما يحزنها لمن تحب

_هدئي من روعك
_خففي من حدة لهجتك عندما تتحدثي معه و حاولي ان تبدأي بالكلام المرح و بسؤاله عن احواله اولا

الحل الثاني ان تفضفضي لصديقة او اخت و تجعلي احاديث الروقان و الزعل الخفيييييف مع زوجك
طبعا لا تفضفضي مع صديقتك عن زوجك بل عن الأطفال و ضغط الحياة و كل ما يزعلك


...
أختك

وعليكم السلام ورحمة الله وبركاته

الله يهديكم ويصلحكم

يا أختي من الأشياء المهمة اللي لازم تعرفينها إنه في اختلافات طبيعية بين الرجل والمرأة

وإنت المفروض تدركين هذا الاختلاف حتى تعرفين كيف تتعاملين معاه بشكل مناسب

ومن هذه الاختلافات (أن الرجل يفهم بعض الكلام بطريقة تختلف عن فهم المرأة)

مثلا التعميم: قالت المرأة (إنت ولا مرة طلعتني أو وديتني نزهة أبدا، أو ولا مرة قعدت معاي وتكلمت) وهو يمكن طلعها ألف مرة
ومثل هذا الكلام الرجل يعتبر انكار للجميل وجحد للعمل اللي سواه معاها فيتضايق وتحدث المشاكل

وكثير من الرجال ما يحب كثرة الكلام أو علو الصوت أو النكد (ابنك سوا كذا وهذه سوت كذا)

والرجل ما يحب أحد يحتقره ويقول: (الله يلعنك ياحقير ) لأن هذا يعتبر اهانة له

ليش أنا أقولك هذا الكلام؟

لأنك إذا ما فهمتيه ولا فهمتي طبيعة زوجك بيتعب وإنت بتتعبين

فانتي لازم تختارين الكلام المناسب والطريقة اللي تتكلمين بها

كلام بهدوء وبعيد عن النكد وكثرة الكلام


والله يا أختي أعطانا أطباع نقدر نغيرها بالتدريب والتدرج

مين قال إنك ما تقدرين تتغيرين؟

الله سبحانه يقول: (إن الله لا يغير ما بقوم حتى يغيروا ما بأنفسهم)

فالتغيير ممكن بس لازم تغيري اللي في نفسك (تصوراتك أفعالك انتبهي لطريقتك فكري قبل لا تتصرفين أي تصرف)

وأكرر فكري واتمهلي قبل لا تتصرفين أي تصرف

قولي: (ايش الطريقة المناسبة اللي أقدر أتكلم فيها واللي تعجب زوجي؟ايش الكلمات اللي ما يحبها؟)

وإنت إذا تغيرتي للأفضل بتحسين بسعادة كبيرة

بس لا تيأسين واصبري وجاهدي نفسك

وادعي الله من كل قلبك إنك تتغيرين للأحسن



الله يسعدكم

__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)

بأخر سجده من كل صلاه ادعي ربك انه يسخر لك زوجك ويغيرك للافضل
وكثري الاستغفار
وصلي قبل ماتنامين كم ركعه ادعي فيها ربك

وابدي بنفسك من بكره
اول ماتصحين من النوم خليكي مبتسمه لاتكثري كلام خلي صوتك هادي تعودي انه يكون هادي وسوالفك خليها حلوه وممتعه
بيدك تغيري نفسك خلي عندك اراده
لاتقولي امي وصديقاتي تعودوا علي وانا احسن وحده
لان الرجل يختلف عن المرأه تماما
الرجل ياحياتي يبي وحده كتكوته نعومه

خليك دايم هاديه صوتك واطي واذا زعلتي ازعلي بدلع
بدون كلمة زعل.... قولي عتبااااااااااااانه

حتى صديقاتك وامك وخواتك اذا تكلمتي معهم خلي صوتك هادي عشان تتعودين

وشوفي وش الاشياء اللي يحبها زوجك وتكلمي فيها وخليه هو يتكلم واسمعيه حتى لو سوالفه تافهه
واياك اياك اذا زوجك جالس معك ولا سهرانيين ولا جالسن سوا تخلين كل سوالفكم عن الزعل وهالسوالف
ابعدي عن هالموضوع مازحيه ونكتي عليه
وسوي مقالب معه

لازم تعرفين شي واحد ان الزعل زي ماقسمتيه قسمين برضه له قسمين اخرين
زعل كبير لازم يبين وزعل تافه لازم ماينقال
يعني مو كل مره تزعلين ياقلبي تروحين وتقولين انا زعلانه او تسكتين او تبرطمين على قولته ههههههه

ومو كل شي تافه تزعلين منه...عدي وفوتي

خلي زعلك كبير وله قيمه لاتزعلين الا على شي كبير ...عشان اذا زعلتي يعرف انك مازعلتي الا على شي كايد

اي موضوع تافه لاتزعلي منه واذا كنتي متضايقه
وسألك لاتقولي زعلانه قولي لي عتب عليك
كلمة زعل شيليها من قاموسك....الا بشي كبير

صدقني اذا شلتي من بالك هالكلمه وعديتي الامور التافه اللي ماهي كبيره ودعيتي رب العالمين بيصير هو اللي يركض وراك يبي رضاك

واشغلي نفسك بأي شي بالحياه كملي دراستك او توظفي او تعملي شي ثاني يفيدك ادرسي بمعهد او اي شي
لان الزوجه اذا كانت فاضيه تصير شغلتها الشاغله تصرفات زوجها وتصير حساسه اي شي يقوله او يعمله حتى لو كان تافه يكدر عليها حياتها


الله يسهل امورك ويوفقك

تم النقل إلى قسم المتزوجين ..

مرة كلامك قوي .. الله يهديكي ..
ويسخر لك زوجك والعكس ..

__________________
[ ]

من قال إنك ما تقدرين تغيرين من طبيعتك ؟

هذي قناعة سلبيه مقنعه نفسك فيها

(( إنما العلم بالتعلم وإنما الحلم بالتحلم ))

ترفعين صوتك على زوجك وتحتقريه وتلعنيه وتبغينه ما يتنرفز !!

كوني أنتي المبادره بالتغيير للأفضل

وكوني له أمة يكن لك عبداً

الله يهديكم ويألف بين قلوبكم

__________________
إن بعض القول فن ، فاجعل الاصغاء فناً ..
>> المعرف لرجل <<

حبيبتي غربه ترى التغييييير سهل جدا بس اذااقتنعتي ان اسلوبك خطأ

لأن زوجك مو صديقتك اقصد(انثى) لأ ...الرجال يبغالهم اساليب مختلفه

انصحك تقرأي كتاب الرجال من المريخ والنساء من الزهره

[[rainbow]SIZE="7"][/SIZE]الحمد لله لقيت من افضفض لهم همي ويفهموني وأفهم منهم ابغاكم تدعون لي بالتوفيق بيني وبين زوجي لاني خايفه على حياتي لاتنهدم بسبب هذا الشي ابغى دعمكم وانا بأذن الله بأبدأ من اليوم بس ادعوا لي اني اتغير لما يناسب زوجي وانا بدعي بعد كل صلاة... مشكورين الله لايحرمني منكم يارب[/rainbow]

أهم شيء الاحترام بين الزوجين وهي خطوط حمرا اذا تجاوزتيها راح يتجاوزها بزياده شوي يعني انتي نزلتي من قدره فتجرأيضربك الزوج مهما غلط في أسلوبه أناقشه بأسلوب محترم لأنه بكذا راح تفرضين احترامك وأختي عليك بالدعاء ثم الدعاء وكذلك حاولي اذا تضايقتي ابعدي عنه وكلميه اذا هديتي