السلام عليكم

لن اطيل عليكم فلقد إنتهى صبري وحلمي عليها ،،

زوجتي نكديه بكل معنى الكلمه ،، وما يزيد الموضوع غرابه انها تقول (أنا احبك) !!


انا متزوج منذ 4 سنوات ولكن يكفي لهنا ... 4 سنوات وانا عايش هالاعتراضات على كل اعتراض ، كل شي مو عاجبها ، كل شي هي اللي تفهم فيه ، كل شي ما يمشي على هواها انا السبب فيه ، ويش قصتها ، والله صبرت وإنتهى صبري وان ما لقيت حل معاها خلال هالشهر مطلق مطلق لو ويش الخساير بتكون

يا اخوان مللتني ، تخيلوا طالعه لي بشغله جديده هالايام ، هذا القميص ما ينلبس مع هالجينز هذا التيشيرت ينلبس بالليل مو بالنهار ، لا والاعجب كلمة صايره على لسانها اكثر من التسبيح وهي (عدل غترتك)!!!!!!!!

ويش فيها غترتي، كل ما لعب فيها الهوى شوي قالت عدلها ، اطلع السياره عدل غترتك ، ألبس هالساعه، ألبس هالطقم ، وانا اطنش واطنش ، وهي تزيد وصبري نفذ.

وعندها الحين موضه جديدة، اكون لابس ملابسي وبمر عليها بيت اهلها ونطلع مشوار بنص الطريق تقول ارجع بدلهم ما يصلحون تطلع فيهم هالمكان ، والعذر احبك كاشخ ، او الزوجه تختار ملابس زوجها عادي ، كأن ما أخترعوا اللبس غير في عصرها ، واللي يفقع مرارتي اكثر ان الكل يمدح ملابسي من قبل لا تطلع لنا هالصرعة الجديدة منها وقصتها مع الملابس

والله ما اتوقع في يوم راح يعجبها شي، لا والغريب اللي لاحظته ان امها وابوها واخوانها يدرون ان هالطبع فيها ويتعاملون على هالشي معاها ...

يا جماعة القصص كثير لكن كلها تصب في شي واحد، تعترض بإستمرار تشوف نفسها هي الصح تبي تمشي كلمتها او راح تدخل بدوامه ما تنتهي جربت معاها كل الاساليب ولا فادت بشي وقلت اجيكم او اني اخاف ارتكب فيها يوم جريمه

انتظر مشوراتكم وهداية الله

تصدق عاد والله ماعندك سالفة

مطلق عشان ايش

عشان انها تقول البس كذا وعدّل بكذا

انا يوم شفت العنوان انتهى صبرك ونكدية قلت بس

هالمسيكين عنده بلوى كبيييرة ماتتحمل

وآخرتها عشان كذا


ياخوي الله يهديك بس واقسم بالله مكبرها وهي صغيرة طيب واذا قالت هالكلام ياخوي قلها كلمتين جزاك الله خير يالغاليه

مارضيت يكلامها ناقشها مارضت بكلامك طنّشها مايبي لها ألف ومية


الكلمة الطيبة تغلب الحق البيّن


شفيكم اتفه الأمور تحطونها كبائر!!!!!!!


كبّرها تكبر هونّها تهون


والله انه فيني ضحك صراحه أتمنى لو مشكلتي مثل مشكلتك هههههههههههههههه


اقول اركد وانا اختك خل الشيطان اللي راكب راسك ومعظّم لك الأمر ينزل وادحر بليس وانا اختك

__________________
حسبي الله ونعم الوكيل

حبيبي الحل جدا بسيط

بس لازم تطبقه ولا تتوانا فيه

اختي ماعدت انا الرجال متحمل هالأسلوب من سنوات يعني الرجال جاي هنا وهو مثل قدر الضغط اللي بأي لحظة ممكن ينفجر

اخوي الحل ناد زوجتك وادخلوا غرفة وسكر الباب وقولها وش سالفتك انتي ؟؟؟

هي بتستغرب وش فيني مافيني شئ

قولها ابي اعرف وش سالفتك مع الملابس انا رجال مانيب اصغر عيالك تعلميني وش ألبس بالنهار ووش البس بالليل

وقولها ما طلبت رأيك بلبسي لو طلبت رأيك وش رايك بهاللبس او وش رايك بهالتشخيصه قولي رأيك

غير كذا مافيه انا ماعاد اتحمل هالشئ خلاص انتقادات انتقادات على امور تافهه لكنها مع الوقت صارت مثل الدريل يحفر راسي خلاص

اذا ما سكتت واستمرت اضرب بنفس عصاها

كل ما تلبس شي علق عليه

وكل ما تطلعون قولها عدلي نقابك ليه مايل عدلي طرحتك عدلي مشيتك

قبل تطلعون وش هالألوان ما تركب على بعض

خلها تحس شوي

لا تحمل الضغط والله اخاف تنفجر وتطلقها من جد والسبب انتقاداتها بلبسي وانتقاداتها بأشياء تافهه



والله ياخوي فضفض لها وقولها على اللي غاثك بكره تكبر الفجوة بينكم بأمور صغيره بس تتوسع الفجوة وانا اخوك

^^
صدقت

__________________

وقت ينفذ صبرك وانتو في الطريق

قل لها : انزع هدومي وامشي من غيرهم


والله انت محظوظ زوجتك حابه ترتبك ويلاقيك الناس


انا مش قصدي انك غير مرتب


ولكن هي كل همها انت وتموت فيك انت القمر بنظرها والنجوم اللي بالسما


وانت ايضا اغمرها بحنانك بدل ما تتزوج عليها قل لها نبدل مع بعض الثياب


حملها خفيف وابتسم انت رجل محظوظ

__________________
http://live.gph.gov.sa/
اللهم اني استودعك اولادي

اختي ما عدت انا

شكرا على مداخلتك بس اذا انتي تقيسين المشكله على هاللي مكتوب عندك احب اقولك ان هذا اخر صرعاتها وقلت لك لو بكتبلك ويش تسوي خلال 4 سنوات كان عرفتي حجم المعاناه، لا تظني اني بالتفاهه اللي تتكلمي وتقولين فيك ضحكه وما ضحكه ، اضحكي اختي مو مشكله بس جربي حنه على موضوع يوم من اي شخص وشوفي النتيجه، ان كانت هذي اللي تقولين عليها تفاهات بتسبب طلاق فأحب اقولك اختي ان هذي القشه اللي كسرت كل شي بيننا

شكرا لك



أخوي عاشق الجواهر

تسلم يالغالي والله اني قلت لها كلامك بالحرف الواحد ، وتحمق وتقول ما بتدخل وثاني يوم كأنه ما صار شي ، تخيل اليوم صاير موقف والله مسكت اعصابي لابعد الحدود، مكلمها امس ان لا تتدخلين في ملابسي وقالت مالي شغل واليوم اطلع من الخزانه ملابس ادخل اخذ شور اخرج إلا مدخلتهم الخزانه ومطلعه غيرهم وتقول، ما يصلحون مع بعض !!!


القضية مو قضية ملابس فقط يا اخوان ، الملابس صرعتها الجديدة لا اكثر

يسلموا اختي زهره الافندر


اختي جرين

بس هالاهتمام حتى لو كان من حب انا مليته وصار مزعج ولا هو منطقي

مو معقوله اللي يصير

وبالاخير كلها تصب بنقطه وحده هالوضع لمتى كل ما طلعنا من نفق دخلنا نفق وصرعه جديده من الحنه

يقولك شوف فوق تتعب وانظر لتحت تعرف النعمة اللي انت فيها

ياخوي المسألة ماهي مسألة وحده تلعن وتشتم فيك ولا هي مسألة وحده ماتقدر تحمل وتجيب لك ظنى

والا حتى وحده تخونك او او


المسألة بسيطة لكن انت معقد الأمور


زي ماقلت الكلمة الطيبة تغلب الحق البيّن

بصراحة مالوم نفسي يوم اضحك لأنك ماجربت المصايب اللي بجد تقسم ظهرك

اذكر الله وخل عنك وساوس الشيطان

له الحمد والشكر في السراء والضراء

له الحمد على ان جنبنا الأمراض والأسقام ومصائب الدنيا

__________________
حسبي الله ونعم الوكيل

اخوي انتهى صبري والله اني مقدر لوضعك لاني اعرف انها امور تفاقمت على بعض وسببت لك حالة اختناق وضيقة

اخوي خلاص عودها على رد جاف منك اذا سوت هالشئ

مثلاً انا تعبت مع زوجتي وانا اقولها ما احب الزبيب مع الرز <<< شف المثال بس ههههههههه

وتحط زبيب وتقول زين طيب انا ما يعجبني

سوتها مره وقمت القط وابعده عني

مرة ثانيه ما اكلت

مره ثالثه قمت من السفره ما اكلت

مره رابعه قالت تعال حطيت الزبيب على جنب لي ولك رز بدون زبيب وخلاص صارت على هالنظام


عودها على كذا اول ما تقولك البس كذا شيلها وارمها بالغسيل


بتتعود بس انت عودها بتقول بعد فترة وش الفايده اطلع له ملابس احلى ولا يلبسها ولا يعطيني وجه

تحية طيبة

اخوي
احس انه مربط الفرس
انه زوجتك ما تحسبلك حساب ولا خايفه من زعلك
دور السبب

__________________