هل يستدعي وضع ميزانية ديكور لشقة الايجار
لو إن شخص ساكن في شقة ما شاء الله وسيعة وزينة
لكن مشكلتها يبغالها تعديلات يعني هي قديمة شوي مثلا ما بين السيراميك مكسور
وسيراميك جدران المطبخ محفر من المطبخ اللي كانو مركبينه المستأجرين السابقين
والصبغ لونه مو مره ومرشوش بالطريقة القديمة
يعني حتى لو صبغناه وهذا ما سويناه في إحدى الغرف ما بياغير الشكل بس اللون
وإحنا نفضل الجدار الأملس
وأول الزواج تم تأثيثها بمبالغ ليست طائلة
ولم يتم وضع كماليات
حتى الستائر لأن الزجاج من النوع الذي لا يكشف لا ليلا ولا نهارا
لو النافذة مغلقة نهارا ما يبين شيء بره فقط ينفذ ضوء الشمس
ولو الأضواء مفتوحة في الداخل ليلا ما بين شيء ولا حتى ظل
هل يستدعي انه الواحد يغير لون الجدران ويحط ذيك الستائر وهي بتكون للديكور فقط
ويغير الأثاث بأثاث أحسن
ويحط أبجورات ويضبط الديكور ؟؟؟
مرات أقول حلو الواحد يقعد في مكان مرتب ويفتح النفس
وبعض اللي نزورهم لو في شقق إيجار مو مقصرين على نفسهم
ومرات أقول ما يحتاج الواحد يكلف على ميزانية الزوج وهو يفكر يغير ومرات يهون
وهذا الأغلب ويقول كلها شقة إيجار ولأننا ساكنين في مدينة ثانية محد يزورنا كثير من أهلنا ومعارفنا
وأنا ما ألح ولا أضغط ولا شيء
لكن مرات الواحد يستحي يستقبل ناس وخصوصا اللي نتعرف عليهم هنا
وجيراننا وزملاء زوجي في العمل مع إن زياراتهم قليلة جدا لكن يحدث أن يزورونا
صحيح المجلس والصالة مرتبين لكنهم مو مره ولا فيهم ذيك الكماليات
على إننا ما نحب الكماليات الزائدة من تحف وأشياء كثيرة
حتى الأثاث نفضل الأشكال البسيطة الجديدة وهذه أحسها تصير أغلى من الكلاسيكية
لأن غالبا الواحد يلقاها في شركات متخصصة
مو محلات الأثاث العادية اللي نادرا نلقى الأشياء البسيطة فيها
فبنتكلف لو حطينا شيء على ذوقنا
هذا غير اللي زارونا من الأهل وعلقوا وقالوا .. لو لقيتوا مكان أحسن أكثر ما تطلعون من هذه
مع إن مثل ما قلت لكم عن الشقة الحمد لله موقعها زين و وسيعة وشرحة
يعني لو الواحد يستغلها بالشكل المناسب تطلع ما شاء الله
بمعني آخر صحيح إننا اللي مأثيثينها لكنها ما تعبر عننا بشكل كامل
اخترنا أقرب شيء لذوقنا وأفضل الموجود بالنسبة لنا
وعاة الشخص اللي يزور يربط البيت وطريقة تأثيثه وتنظيمة بشخصية أصحاب البيت وفكرهم
07-06-2009, 01:06 PM
ضوابط المشاركة
العرض الشجري