السلام عليكم
انا عضوه جديده معكم والمعذره اذا كانت اول مشاركه لي معكم مشكله
حبيت اطرح مشكلتي هنا اعلم ان الشكوى لغير الله مذله لكن اعتبروها فضفضه وعل وعسى اجد منكم ردود تصبرني اكثر
مشكلتي مع زوجي الله يسامحه
انا حاليا مقيمه عند اهلي جيتهم اجازه وبعد مجيئي باسبوع توفي قريب لنا ولاهل زوجي ,,,
وجاء لنفس المدينه اللي احنا فيها زوجي مع ابوه علشان العزا وطبعا جلس زوجي عندي انا واهلي وابوه راح عند بنته هي بس يومين فقط اليوم الثالث اتصل ابوه وكانه زعلان وقال زوجي نبي نمشي ماعاد بنجلس عزينا وخلاص مع انه يوم خميس وبكره اجازه وزوجي كان له رغبه في الجلوس لكن انحرج من ابوه وطلع من عندنا وودعنا وراح لابوه المهم تغير الوضع وصار في نفس اليوم عشا لهم في استراحه اتصلت على زوجي وكنت مبينه له اني فرحانه انه بيجلس وبيزيد يوم عندنا وحتى هو وقلت خلاص تجي تودينا الاستراحه قصدي اننا نبقىمع بعض اكثر قال مايمديني ما اققدر اجيكم الا المغرب قلت مو مشكله انتظرك للمغرب
المهم اهلي راحو للاستراحه ومابقى الا انا وعيالي
واخوي الكبير لما اشافني قال ليه مارحتي مع اهلي قلت انتظر ابو فلان قال وشو له يمرك كان رحتي مع اهلي
قلت ماخلصت ؟؟
وطلع عنده دوام
طبعا قبل مايطلعون اهلي كنت اتصل على زوجي وماكان يرد علي وبعد ماطلعوا اهلي ارسل ساتصل بك لاحقا
المهم اتصل زوجي وقلت له متى بتمرني قال ما اقدر امرك روحي مع اهلك قلت اهلي راحوا
قال مو ذنبي انا قايلك من البدايه روحي معهم انا بعيد ابوي من اليوم يمشور بي حتى قلت له ابمر اخذ عيالي وحلف علي ما امر قال خلهم يجون مع اهلهم ؟؟؟ قلت ليش ماقلت لي ؟؟ قال ماقدرت اكلمك كنا عند رجال
قلت اهلي راحو وش الحل؟؟
قال دبري نفسك لو ماتجين الاستراحه
صراحه قهرني رده
ورحت اتصل على اخواتي اللي مابعد طلعوا وكلهم لقيتهم قريب من الاستراحه حتى اخواتي ماعلمتهم
المهم اتصل اخوي الكبير وبدون مقدمات قعد يصرخ علي وانتي ليش مارحتي مع اهلي ؟؟؟؟؟
استغربت عرفت ان زوجي مكلمه
المهم رجع لي اخوي الصغير ورحت
وكان من المفترض بعد الاستراحه زوجي وابوه يجون ينامون عندنا
انا بعد الاستراحه ركبت مع اهلي اول ما مشوا ورجعت معهم وزوجي كان لسا بالاستراحه
وبعدين سمعت انهم مشوا بعد الاستراحه وسافروا
وقالت لي اختي الكبيره ان اخوي الكبير اتصل على زوجي وحصل بينهم مشادة بالكلام على روحتي
طبعا زوجي بيفسر اني انا على طول قومت مشكله لما قال ماراح اجيك مع اني ماكلمت احد واخوي كان متصل صدفه عليه
طبعا ما اعرف ابدا تفاصيل المكالمه وعلشان كذا مشوا بعد العشا وماجو عندنا
جلست يوم ماني عارفه زوجي سافر موجود اتصل عليه مايرد ورد علي من بكره بالليل وهو نايم شكله ما انتبه انه انا اللي كنت اتصل
وجلس بعدها 3 ايام ماكلم
بعدين كلم مره بس يسال عن اوراق له وكل ماكلم يسال عن شغله او يكلم عياله وله الان اربع ايام ماكلمنا
كلمته انا مره وفهمته اني ماكلمت اخوي وان حتى انا اخوي هاوشني فما كان مهتم
مع ان السالفه لها اسبوعين
المهم الان له اربع ايام ما اتصل ماسأل حتى عن عياله
حتى ما اهتم متى بنرجع خلاص باكمل شهر عند اهلي
اول زوجي لما اكون عند اهلي يكلمني يوميا واحيانا اكثر من مره ويكلم عياله واحيانا على الماسنجر المره هذه ماعاد فكر فينا وصار يقدر يبقى ايام عنا من غير مايعرف اخبارنا
انا اخاف من التغير اللي ممكن يحصل وخصوصا اني بعيده
بس افكر الايام المقبله كيف بتكون ؟؟
وودي ارجع لكن مابي ارجع وانا عارفه انه في نفسه شيء علي ولا ابي اكثر كلام عن الموضوع او اكثر اعتذار وادين نفسي اكثر
كل مافكرت اتصل عليه اغير رائي ليه هو مافكر يتصل
حياتي مع زوجي قبل فيها مشاكل وياكثر ماكان يغلط علي وكنت اسامحه باعترافه هو ويعترف انه مقصر معي
حتى قال لي مره ماراح اتعوضك حتى لو تركتك ماراح القى احسن منك يكفي انك متحملتني
زوجي الله يسامحه فيه تقصير معي يبي لها موضوع بلحال لو باتكلم فيها
انا الآن بعيده عن زوجي وماعاد يكلمني ماعاد ادري وش اللي بخاطره اخاف حتى من الوضع اللي هو فيه بديت حتى اشك انه ممكن يتعرف على بنات
لاني من سنه تقريبا اكتشفت انه يكلم وحده واكتشفته في بداية مكالماتهم وحلف لي انه غلطه وماتتكرر وحسيت انه بالفعل ندمان وبالفعل طول السنه كنت اراقبه بدون مايحس وكانت كل مكالمته طبيعيه
الان في الظروف هذه اخاف انه يفكر يرجع للمكالمات
دعواتكم لي ان الله يصلح مابيني وبين زوجي
ويفرج همي
12-05-2009, 10:58 PM
ضوابط المشاركة
العرض العادي
