السلام عليكم

أخواتي أنا حابة أفصل مفرش لسرير غرفة نومي مع كل لوازمه( من غطاء مخدات و تكايات ) و ستارة للشباك خلف السرير ... بحيث تبدو غرفة النوم متناسقةو فخمة

ياريت يلي عندها أفكار أو معلومات تعطيني .....
هل أفصل أم أجد جاهز.. إذا في جاهز من أين

المقاسات ....القطع اللازمة

ياريت أفكار و صور

و شكرا جزيلا لكن

__________________
أصبحت إمرأة حرة .. فقط لأنني قررت أن أكف عن الحلم..الحرية أن لا تنتظر شيئاً ..والترقب حالة عبودية..

أنصحك فصلي ستاره مع مفارش للطاولات نفس القماش

لكن مفرش السرير أشتري جاهز مو حلو اذا كان كل شيء طقة وحدة

__________________

كلامها صحيح ... وعشان ماتتقيدين خللي الستارة ساااده

أختي سيريا هارت
انتي شو التصميم اللي بتحبيه أكتر
الغربي و لا الشرقي
الشرقي عادة متكلف أكثر و شكل الستائر فيه مختلف طبقات و أناطر و و و
الغربي غير متكلف مرتب و بسيط
سأحاول البحث لك عن أمثلة في الانترنت

__________________
.
.

استودعتك أهلي في سوريا يا من لا تضيع ودائعه

التصميم الشرقي يشبه هذا الشكل :





بينما الغربي يشبه هذا




لاحظي وصلات البرادي من فوق في الغربي تكون بهذا الشكل :

__________________
.
.

استودعتك أهلي في سوريا يا من لا تضيع ودائعه

حرم المعلم و apple green شكرا لرايكم... كلامكم في وجهة نظر .... بس أنا قصدي مايكون المفرش من نفس القماش كله ... يعني ممكن الملاية ة الستارة من قماش و اللحاف ( سادة ) من قماش تاني ( معرق) شو رأيكم

ماريا: شكرا كتير الك ... أنا بحب الستايل الغربي .. الصورة الأولى بالستايل الغربي اللون الخضيري كتير حلو بس انا ما بفضل الشراشف البيضا بحس ما عادوا طقم ....و فكرة الستارة من فوق فعلا كتير مهم اني انتبهلها ناعمة و عملية

بس سؤالي اللحاف ممكن يتفصل تفصيل؟؟

__________________
أصبحت إمرأة حرة .. فقط لأنني قررت أن أكف عن الحلم..الحرية أن لا تنتظر شيئاً ..والترقب حالة عبودية..

حسب البلد اللي انتي فيها
و حسب شكل اللحاف اللي بدك ياه
في ناس بستخدموا لحاف عادي أبيض و بلبسوا اللحاف لبس أو الغطاء و اسمه بالانكليزي duvet اذا بحثتي بصور جوجل رح تشوفي شو المقصود
عادة لما بتشتري غطاء اللحاف هذا بكون معه وسادتين من نفس الموديل و الألوان
و الستايل الغربي بالذات بكون على الشكل التالي

غطاء اللحاف و معه غطاء وسادتين بكونوا ملونين و لهم موديل معين
و بتطبقي عليهن شرشف سادة على قد الفرشة بسموه fitted sheet كمان شوفي صوره بجوجل
و مع الشرشف بتاخدي غطاء وسادتين من نفس اللون
و عادة بكون الشرشف و الوسادتين هدول لون سادة و اللي هو أحد ألوان غطاء اللحاف

هي صورة فيها مثال (لاحظي الستائر من قماش غطاء اللحاف ) :


و الشرشف و الوسادتين التانيات (اللي تحت الملون) أعتقد لونهن كريم ... ( مو كتير واضحين بالصورة)


المجموع 5 وسادات (مخدات )
2 سادة من لون الشرشف
2 مزركش متل غطاء اللحاف
و وحدة صغيرة من الأمام تكملة للستايل


و الستائر معظم الماركات بتكون عاملتها على نفس قماش غطاء اللحاف تماماً

و من أحد ألوان اللحاف و الستائر بتطبقي انتي لون السجاد و باقي اكسسوارات الغرفة من محلات الفرش التانية
(لاحظي ألوان السجاد في الصور كلها )



و الستايل التاني لغطاء اللحاف في ناس بتستخدم شي اسمو bed spread
و هو شرقي أكتر و متكلف لكن مو عملي لأنه تنظيفه صعب يستخدم فقط كمنظر لكن لا أعتقد انه ممكن يوضع بشكل مباشر على الجسم
صورة :




هذا فيه الغطاء هو نفسه مخيط مع اللحاف محشي يعني
لا يمكن فصلهم
ان شاء الله تكوني فهمتي قصدي

و انا برأيي و نصيحتي انك تحاولي تبحثي عن شي جاهز بدل ما تفصلي
الا اذا كنتي بسورية التفصيل فيها دارج أكتر
كونهم البائعين هم المصنعين للبضاعة
بالتوفيق

__________________
.
.

استودعتك أهلي في سوريا يا من لا تضيع ودائعه

شكرا كتير كتير إلك يا ماريا العزيزة
قصدك واضح تمام
كتير عجبتني غرفة النوم بأول صورة تماما هاد هو يلي عم دور عليه...
بس ياريت اقدر لاقي جاهز هيك لحاف مع الستارة ....

قولك بالشام بفصلوا هيك ؟؟ انا بصراحة بالرياض وكنت عم فكر فصل هون و آخده معي عالشام (لغرفة الشام)
علما انه انا بدي اللحاف على النظام الامريكي يعني مو ثقيلة مثل اللحف في سوريه

مرة تانية شكرا لك

__________________
أصبحت إمرأة حرة .. فقط لأنني قررت أن أكف عن الحلم..الحرية أن لا تنتظر شيئاً ..والترقب حالة عبودية..

بظن انك بتلاقي شي بالشام بس بصعوبة بدك تدوري كتير
أختي بحلب كان بدهن شي على الستايل الغربي متل منتجات ikea بعد البحث الطويل شافوا كم محل بضاعتهم تركية كتير شبيهة بالغربي و فصلوا تفصيل برادي بيتهم كلها
و أخدو نفس القماشة للبرادي و مخدات غرفة الضيوف
غرفة النوم ما عملوا البرادي متل مفرش السرير
نصيحة تعملي مفرشين للسرير واحد احتياط لأنه استعماله اكتر من البرادي

اذا عندك حدا هنيك بالشام يسألك أفضل و مضمون أكتر
و اذا ما لقولك شي أمريكي متل ما بدك خدي من الرياض و امني عليهن
بس حاولي تشوفي الجاهز و لا تنسي تاخدي القياسات كلها
يمكن تحتاجي تفصيل إذا كان الجاهز مو مرفرلك كل القياسات اللي بدك ياها
بس معروفين قياسات اللحاف (مفرد - مزدوج - و ملكي ) و أكبر قياس بكون عادة مترين * 180 سم
بس قياس البرادي لازم تقيسي غرفتك مشان تحددي الأبعاد منيح
بدون ما تقيسي صعب تشتري شي
بالتوفيق يا رب

__________________
.
.

استودعتك أهلي في سوريا يا من لا تضيع ودائعه

بالنسبة للمقاسات كلهم عندي
غالبا راح فصل بالرياض و آخدهم معي ......

شكرا يا ماريا تعبتك معي

__________________
أصبحت إمرأة حرة .. فقط لأنني قررت أن أكف عن الحلم..الحرية أن لا تنتظر شيئاً ..والترقب حالة عبودية..