اهليييينوووو


ياناااس انا اعاني من مشكله مااقدر افضفضها لأحد غير في المنتدى لانه في المنتدى احسها اسهل واقدر اخذ كامل الحريه في الكتابة في الشي الي دايما يستوحي تفكيري انا انسانه غريبة اضايق وكلامي ان شاء الله مايطول عليكم بس انا بفضفض على الي في قلبي والي بيقرأ يقرأ


اول شي انا انسانه مو واثقه بنفسي بالمرره رغم اني ادعي هادي الثقه والسبب البنات الي في المدرسه بعض الاحيان في بنات يستخفو فيني ولمن حاولت ارد اتحمسو وهما يطلعولي كل عيوب الدنيا فيني ومن بعدها كل مااحاول اواجهم ثاني عشان اخد حقي منهم بس اتردد واخاف اتضايق ثاني من كلامهم بس كل ما اقول رح اتحداهم ويجي الوقت المناسب اتردد ..هاذا عشاني اغلب بنات المدرسه يشبهوني بـ............ وفي بعض البنات بيعارضو ولمن يعارضو ينقهرو مني ويآزوني وقريب في بنت تقولي انتي مين قال انك تشبهي............. وسارت تجيب صحباتها وتوشوشو عليا عشان يضايقوني دي مشكله..
والمشكله التانيه انا طالبه جديده في المدرسه كونت صحبات في البدايه بس اعتقد بسبب اني وحده غبيه مااعرف اتكلم بسبب خوفي منهم وعدم ثقتي في نفسي سرت اقول كلام هما يضحكو عليه وكل شويه ازعل منهم يصالحوني بس في النهايه سارو يحترموني شويه من بعد ماعتبتهم وعلى فكره حسنت من ثقتي شويه في نفسي سرت اجرؤ على الكلام مع اي احد ولا كانت صعبه عليا..وانا حساسه من كل شي اشيل مدي مع اني بتكلم معاهم كنت عادي معرف ايش الي يضحكهم عليا من جد سرت اشك في نفسي ضاعت عليا الثقه ...
وبعدين انا اخر سنه اخدت نسبتي 80 ماقلت ولا لاحد عليها لانها تفشلني صراحه ولا امي ولا لاابويا كل مايسألوني اقلهم خليها مفاجأه هي علامه حلوه بس خليها بعدين دا ان شاالله اشد حيلي ولا انا متضايقه من شهادتي مع انو ف البدايه كنت شاطره بس بعدين كسلت...
وحاجه تانيه احيانا اعمل اشياء سخيفه تقلل من مستوايا وبعدين لمن اتهزء عليها اضايق واقول ياريتني ماسويتها ونفس الشي اقول اشياء سخيفه وبعدين ارجع اضايق واقول ياريتني ماقولتها ايش حيقولو عليا وانا على دي الحالات موضايقه..والناس الي واقفين ضدي مرره كتير ...وذا السبب اني طيبه سارو يضحكو عليا عشاني طيبه ......ابى نصايحكم الله يخليكم كل الي في قلبي وشايلتو قولتو ابى ارتاح شويه من الهموم...وانا كل حلمي انو الناس تحبني وتقدرني

الاشراف:تم تعديل العنوان بما يتناسب مع الموضوع.
كما يرجى الابتعاد عن اللهجات المحلية قدر المستطاع

لا تقلقي مازلت في أول الطريق وما يحصل معك عادي ، سنة الحياة كدر وفرح ، ومرحلة الدراسة وسنينها رغم شقاوتها إلا أنها لذيذة فيها تبني شخصيتك وذكراها تظل معك العمر كله .. وأكيد حا نصادف .. ناس نفهمهم صح وناس يفهمونا صح .. ناس نفهمهم صح ولا يفهمونا .. ناس لا نفهمهم ولا يفهمونا .. وهكذا .. ندور وندور إلا أن نجد ما يوافق ميولنا .. والحياة تجارب ومواقف كل يوم نتعلم فيها الجديد .. والفطن من يفهم بسرعة ولا يتكرر الخطأ معه مرتين.

خلك عادية مع نفسك وأهلك وصحابك ولا تتملقي القول والفعل .. ووكرسي جهودك وانتبهي أكثر لدروسك فهي الزاد والأمل والرجاء ولا ترمي بالا لما قيل ويقال ..

الله يوفقك في دراستك
شكلك ذكيه ومتميزة عن اللى حولك وفيه اشياء مهمه ولها الاولويات في حياتنا دراستك لا تخلين احد يشغلك عنها انتي تروحين للمدرسه علشان تتعلمين خلي نيتك صادقه , والشيء الثاني ثقتك في نفسك خليها قويه وكوني صداقات طيبه ولا تهتمين من اللى يزعجونك ويضايقونك انتي احقريهم ولا تهتمين فيهم
وبالتوفيق

حبيبتي هل يوجد بشكلك اي غلط مثلا تسريحة شعرك جميلة ام متل الاطفال هل مظهرك الخارجي نظيف ومرتب من لبس المريول والشنطة والجزمة حبيبتي اعذريني على هذه الاسئلة الحرجة لكن البنات بهمهم المنظر الخارجي قبل الداخلي الله يهديهم اولا حاولي تصلحي من نفسك اذا في شي معيب ثانيا فكري الف مرة بالكلام قبل الرد ثالثا شوفي ايش الي يميز اقوى بنت عندكم في المدرسه وسوي زيها امشي من امامهم وانتي ساندة ظهرك وواثقة من نفسك حبيبتي حاولي تفضفضي لامك لانها الانسانة الوحيدة الي عارفة ايش مشكلتك وحتفهمك وتساعدك صدقيني ياعمري الام هي الوحيدة الي تريد بنتها تكون احسن منها لازم تنتبهي لدراستك واكيد انتي جميلة جدا حتى البنات مضايقن منك ربي يحفظك من كل شر وطمنيني عنك ويارب اكون افدتك

__________________

عمري 18 سنه

و اهلي يعاملوني احسن معامله

و ثالثه ثانوي

و شكرا

ايوه صح كلاميك وتسلميلي على الرد ياعسوله ^_^

شكرا على الرد

و انا اقوليك انا اواجه دي المواقف و واجهت بعضها والبعض من الي ما واجهتو هوا الي مضايقني ومخليني مو واثقه من نفسي وانا مصممه اني اتحداهم و اواجهم هما شلتين شله سهله عليا مواجهتها والشله التانيه صعبه وكل ما ابي اواجها اتردد انا عندي مشكله التردد كمان ياريت لو تحلولي هادي المشكله ..وشكرا

لا ابدن شكلي بيمدحونه عادي..ومرتب..بس هما بيحشو على اسلوب كلامي لا مااقدر اخاف تزعل عليا وتنقهر عليا انا احبها تسعد بيا و مرره تسلميلي على رديك الطيب ومن جد افدتييني وائلتيك مهي محرجه خدي راحتيك ^_^

تسلموووووووووووولي يا جمييع المنتدى والصراحه انا حبيت ها المنتدى مرره كثيير ^_^