نعاني من مشاكل مع أهل زوجي ساعدوني
السلام عليكم ورحمة الله وبركاته
انا والله عايشه بهم ما يعلم به الا الله
زي ما نتو عارفين اني ساكنه مع اهل زوجي بنفس البيت
اللي اعرفه ان الانسان بطبعه يحاول يبعد عن المشاكل قد ما يقدر عشان يعيش مرتاح
لكن وانا في دي الحاله لا يمكن راح اكون مرتاحه
اللي بيحصل انو زوجي متكفل بابوه وامه مع انه اصغر اخوانه لانهم كلهم مو بالسعوديه
ودايما زوجي بمشاويرهم داخل خارج ومشغول فيهم غير انه المصاريف زايده مره مع انهم عندهم دخل
وانا والله حارمه نفسي من حاجات كتير عشان اخفف عن زوجي
لكن اهله ما يحسبو اي حساب للشئ هذا
وغير انه الشغاله تتصرف زي ما تحب وحتى ضربها لاولادي وانا مقهوره وساكته لانه بس مجرد اني ارفع صوتي
تقلب الدنيا وتقعدها وتقومهم عليا لانها من سنين معاهم ومتعودين عليها وما يبغو يغيروها
وحتى لمن اخرج انا وزوجي لازم التحقيق عند الباب فين رايحين ومتى وليش وووو
وغير التعليقات في الدخله والخرجه وحتى زوجي ما رحموه
قد ما يعملهم ويصرف لهم ولمن يمرضو يوديهم مستشفى ادويه بيجيبلهم ما شاء الله
مو مقصر معاهم وبرضو يقولو انتا ما تعمل شئ ابدا
ونفسية زوجي تنقلب وتجي على راسي واحاول اخفف عنه
حياتي ملخبطه عالاخر واللي مانعنا انو نسكن لحالنا الان المصاريف
نفسيتي تعبانه وزوجي اكتر وحتى الاولاد ايش اعمل
انا باحاول ادور على شغل عشان المصاريف الزايده
ادعولي انو ربي يوفقني بعمل حلال
وايش ممكن اعمل انا في دي الحاله مع اهله ومع زوجي
__________________
أللهم إنك عفوا كريم تحب العفو فأعفو عنا
التعديل الأخير تم بواسطة cutiepie ; 25-12-2008 الساعة 12:32 AM
السبب: خطأ نحوي
23-12-2008, 06:46 PM
ضوابط المشاركة
العرض الشجري