السلام عليكم ورحمة الله و بركاته
اسفة لاني بكتر مواضيع الايام هاي
لكن مالي غيركو بعد الله
ابني بدو يعملي تخلف عقلي صدقوني
اول مجبناه لما انولد كان زي الفل ساكت وهادي يرضع ويبقا صاحي ساكت
بعدين بدا يتطور يوم عن يوم قرفه وبكاه بزيد من شو مابعرف
ببكي كتير وبزن كتير شي مقرف العادة بطلت طايقاه بصراحة
يعني اوكي لما يبكي مشان يرضع او يغير مابزعل
او لما يكون ممغوص ببان عليه ببكي عنجد
بس احيانا ببكي بطريقة مقرفة جدا مجرد زن
وشكل الاخ تعود عالحمل من مين مابعرف بس كلو من زوجي لما كنت اقلو ماتحملو كل شي
يقلي حرام خليه ياخد حنان
وهلأ بس تعود عالحمل وصار يزن زوجي صار يتنكد من بكاه
وانا اقلو اتحمل من عمايلك
المهم يعني ماتقولو مغص ولانفخة
شو 24 ساعة نفخة
بطلت اعرف اعمل اشي طول ماهو صاحي بسكت مرات وفجاة بصير يزن ومابسكت الا لما احملو
وانا هاي عقدة حياتي الولد الي بتعود عالحمل
شي مقرف عنجد
صرت عوشك ارتكب جريمة انتحار او مابعرف شو
بس بطلت اسيطر على اعصابي
مش معقول مانرتاح الا وهوة نايم؟على ايش يعني
انا بدي اخلصو من العادة هاي
اليوم تركتو يبكي ويزن في غرفة النوم وسكرت عليه الضو وشغلت القران وسكت ونام
ومرة تانية عملت هيك
لكن هادا صح؟حيتخلص من العادة المقرفة هاي؟؟؟
اضافة انو انا بشوف انو الطفل لازم ينحمل عشان ياخد حنان
طيب ازا انحمل بتعود
ايش اعمل عشان احملو واعطف عليه بس بدون تعويد
لانو لو بقي عالوتيرة هاي اخرتي السجن بلا تردد
انا خلفتو مش هوة الي خلفني
انا الي حربيه مش العكس
قولو الي شو اعمل لاني قربت اطفش بجد
اعطيه لهاية؟مش هاين علية خايفة يتعود عليها وتسببلو اضرار
طيب اللهاية لو عطيتو اياها ممكن يدمن عليها؟وابطل اخليه يتخلص منها
ياريت كل وحدة الها خبرة تقلي
هيني تاركاه ببكي ومطنشاه
مش قادرة اتحمل هادا الي ناقص اخلف ولاد يربوني
ماعندي استعداد اضل طول اليوم واقفة احمل فيه
ايش مابدي انظف واطبخ
مابدي اتحمم؟حتى الحمام بروح برجع بلاقيه منتف حالو بكا
خير إن شاء الله
صحيح خلفتو وبدي اعطيه حب وحنان بس بدي اربيه
ايش يعني ولد مفغوص يتحكم في حياتي
ماتقولو مسكين وصغير احمليه واعطيه حنان
لانو الحالة لما تستفحل ولما يتعود كتير بصير الامر فظيع
بعرف كتيييييييير بنات هيك بصير فيهم
ابنهم عنجد بتحكم فيهم
طول النهار حامليننه وبس
يعني بدون مبالغة حياتهم خربت من ورة الشغلة هاي
وانا مش مستعدة
الحنان والحب شي والتربية شي
ماتقولو صغير لا التربية من هلأ تبدا
ازا من هلأ بطاوعو بكل شي معناته لاحيسمع كلامي ولايحترمني
استغفر الله
اسفة عالازعاج
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت