متضايقه ياجمااااعه بالحيل من اخت زوجي

على طول داخله غرفتي وماتحب تطلع منها والمشكله اني قلت لها لاتدخلي غرفتي وراحت شكت ابوها وقالت له جنبي البيت بيتنا وانا ابي ادخل اي غرفه تعجبني عمي سكت ومارد عليها كنه موافق ع الكلام اللي قالته

واي حركه اسويها لزوجي على طول تقولها كنها اخبار العربيه او الجزيره مايظل احد الا وقالت له وش اللي سويت في الغرفه بالتفصيل الممل والله بصراحه احرااااج تااااااااااااام وغير انها تدخل غرفتي من وراي اذا كنت بالدوام

والافضع من كذا انها تدخل غرفتي وتاخذ من اغراضي بدون اسئذان والله ياجماعه صرت اقفل غرفتي وانا طالعه للمعهد واذا رجعت ودخلت غرفتي اقفل على روحي واذا كنت نايمه سببت ازعاااااج

وتستغل اي فرصه مثلا طالعه اسوي لي شاهي ما ارجع الا وهي في غرفتي وتفتش في اغراضي والمشكله ام زوجي قالت لها مايصلح اللي تسويه وماكو فايده

والشي اللي قهرني بالحيل اني كنت شاريه بدله نوم ورجعنا من السوق انا على طول دخلت اخذ لي شور وماطلعت الا انها مطلعه البدله وموريتها لاخوانها والله العظيم انصدمت صرت اصرخ بوجهها بس ماكو فايده وش اسوي

على فكره ما اقدر اطلع بشقه لحالي لاني ادرس على حساب زوجي والسمستر ب 20000 ريال ومايقدر على ايجار شقه
بس والله قاهرتني

البنت بخيله ماتشتري من فلوسها اللي تحتاجه تجي وتاخذ من عندي بدون حتى ماتعطيني خبر افتقد الشي على طول وزوجي كلمها بس ماكو فايده ؟؟؟

بالله عطوني حل صارم معها

يعنى حبيبتى الكل تكلم معها وانتى اغلقتى باب الغرفه وقت غيابك وكل هذا لم يفلح معها؟؟؟؟؟؟
والله هذه البنت غريبه !!!!!!!!!!!
مافى حل الا انك تتكلمى معها باسلوب حازم جدا وان تقومى باغلاق غرفتك بمجرد خروجك منها

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}

وهذا اللي اسويه بس حتى اذا دخلت تكرموا الحمام اطلع الا وهي بغرفتي

وكلمتها بحزم وبصراخ ومافي فايده تبي تمشي كلمتها علي وانا ما احب اي شخص يمشي كلمته علي غير زوجي

يالله .. والله شي غريب ..

كم عمر البنت .. لو كنت مكانك ما ادري وش بسوي يمكن اضربها ..

لازم يكون في البيت شخص كلمته ماشيه عليها وشخصيته قويه يوقفها عند حدها ..

يعني البيوت لها حرمه .. اليوم طلعت ملابس النوم .. بكره يمكن تطلع الملابس الداخليه ..

لازم توقفينها عند حدها .. وزوجك لازم يكون حازم معها .. حتى لو زعلت .. شوي وترضى ..

البنت عمرها 12 سنه واخر العنقود والبنت الوحيده في العيله ومحد يضربها واصلا هذا قانون ممنوع ضربها

المشكله انا كلمتها وصرخت عليها بس مافي فايده والله اني جالسه بغرفتي ومقفله على روحي الباب

الله يعينك اختي ويصبرك .. انا مع اهل زوجي بس بمجمع .. وكانوا اذا بغوا اي شي من المطبخ او الصاله .. يدخلون وياخذونه اذا كنت طالعه .. بعدين يقولون ترى دخلنا واخذنا هالشي .. بس قلت لهم ترى ما احب احد يدخل بدون استئذان .. لازم تسالوني قبل ما تدخلون .. وبعدين تفهموا الوضع وصاروا يستئذنون ..

لان هذي طبيعتهم .. وكل زوجات عيالهم عادي الكل يدخل بيتهم بدون اذن .. بس انا احب الخصوصيه ..

مازالت صغيره وتحب العناد


برايي تحتويها وتكسبيها لصفك وناديها انتي لغرفتك

واطلبي منها تساعدك بترتيبها


لحد ماتشوف ان دخولها لغرفتك امر عادي

وحاولي توصيها اذا طلعتي قولي انتبهي احد يدخل غرفتي غيرك حبيبتي

لاني ماحب احد يشوف خصوصياتي

وبالتدريج بتترك هالعاده

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

انا موافقه انها تاخذ اذني بس انها تدخل وبس كذا

من المواقف اللي صارت بعد ماخلصت انا زوجي دخلت انا الحمام اغسل وزوجي نام وكنت مسكره الغرفه بس مو مقفلتها عشان ادخل بعد ما اطلع الاخت دخلت واخذت عطر وزوجي نايم وطلعت وبعدين قالت لام زوجي وش اللي شافت جت ام زوجي وقلت لها بصراحه البنت تعبت معها الى متى راح تبقى بهالعناد

انا كنت معها بالحلوه والمره وعلى طول واقفه معها وكسبتها لدرجة انها قالت لاخوانها ابيكم تتزوجون مثلها طبعا تقصدني انا فجأه انقلبت وتاخذ اغراضي بدون استئذان

البنت صغيرة وعنيدة كمان .. الله يعينك

اول شي اسألي الله ان يستر عليك فوق الارض وتحت الارض ويوم العرض عليه

حاولتي تكسبين ودها ؟ تشترين لها هدية مثلا ..

وانتي جاية من الدوام تجيب لها شوكولاة ؟

وخليها اتصير مثل صديقتك .. لين ماتخليها اتحبك وتعتمد عليك

وبعدين حاولي اتغيرين من طبعها .. بحيث اتخبرينها بعد فترة طويلة ان هالشي عيب ومايجوز وحرام في

الاسلام .. وتفتحين القرآن وتقرينها آية ((ولا تجسسوا ولا يغتب بعضكم بعضا ايحب احدكم ان ياكل لحم اخيه ميتا)).

البنت تتبع قاعدة " كل ممنوع مرغوب "

اكيد فيه حاجة تخليها تدخل الغرفة .. يعني كونها مميزه عن غيرها .. فيها اشياء جديدة مثل لبس او غيره.

وفي كثير من الناس يمرون في مثل هالحالات .. لو تميتي تقفلين الغرفة كل وقت خلاص البنية بيجيها شغف انها تدخل الغرفة.

طيب ليش بعد ما تجيبي لك كاسة الشاي .. تدخلينها بنفسك غرفتك وتسولفين معاها وكذا .. وخليها اتشوف الي تشوفه .. في النهاية هي طفلة وراح تطفش من الغرفة ولا عاد تفكر تدخلها ..

تحياتي

__________________

متى زرت والدك آخر مرة ؟