السلام عليكم

اول شي مبارك عليكم الشهر جميعا


بصراحه ما اعرف من وين ابدا احساسي بالغضب والتوتر النفسي لخبط كل شي في راسي انا يا احبابي

شاب عمري 25 سنه موظف وراتبي ممتاز كونت نفسي بنفسي بدون مساعده من احد حتى من والدي

اصبح لدي رأس مال من الصعب ان يصل اليه شاب بمثل عمري في هذا الوقت وهذا بعد توفيق الله

بالعربي استطيع ان اتزوج واشتري بيت ملك ومن هنا تبدا المشكله

بعد ما كونت نفسي فكرت منذ السنه بالزواج ولكن بسبب دخول كل رأس المال في مشروع اصبحت الفكره

تكبر يوم بعد يوم لحين انتهيت من المشروع وبعته ولله الحمد قبل ثلاثه اشهر رحت لمي وقلت انا ابي اتزوج

خلاص بصراحه ماعاد اقدر اصبر اكثر من كذا

وخاصه اني انسان محافظ مالي بالسفر ولا الخرابيط ولا اي شي ماهو زين كله لاجل ان اظفر بالزوجه ا

الصالحه الي تغنيني عن كل شي ونتو عارفين وقتنا هذا وكنت احلم واحلم لدرجه من كثر ما كنت احلم ونا

صاحي صرت اعيش الجو

وبدأت معاناتي من ثلاثه اشهر
قلت لها خلاص انا ابي اتزوج قالت بكيفك ندور لك قلت يلا انا جاهز

وكل يوم اقول لها ليش ما دورتو تقول طيب بندور ولها ثلاث شهور وهم يسحبون فيني هي وخواتي قلت مو معقول ثلاث شهور ونا اقول دورو

قالت ما نعرف احد وبندور قلت متى طيب ابي احد يتحرك ولا كاني اكلم احد راح الشهر الاول والثاني والثالث

ولا احد معطيني وجه لين حسيت ان اهلي ما راح يزوجوني ولا يدورون بديت اتعب نفسيا ولله حرام ليش كذا

الا اليوم ما احد سوى شي وكل ما جيت اقول وش صار قالو بندور والمشكله ما احد يدور

اليوم انا تنرفزت عليهم وقلت ولله اذا ما خلصتوني ترا بجيب وحده من برا قالو تهددنا بكيفك

ونا كنت ابيهم يتحمسون وتحطمت زياده عارفين ما اقدر اسويها

انا تعبت قسم بالله عايش في نار تعبت من الوحده حتى الكلام ما لقى احد اتكلم عنه اذا بغيت اشاور محد يعطيني وجه واصبر نفسي اقول بتجي الي بتهتم فيني وتهتم في كل شي يخصني


هذا كوم والشي الي مخوفني كوم ثاني

اخاف افقد السيطره على نفسي واطيح في الحرام ولله الحمد ما زلت متماسك اتمنى تفهموني

طيب ليه ما تسأل أصدقائك المقربين عن أخواتهم

أو تبحث عن بنت في العائله

__________________

اذا تعرف رجل محافظ وله بنت كلمه ..........

تحياتي لك اخي برادو
شئ غريب انه تكون الوالده مقصره في تزويجك وحين كنت اقرا رسالتك توقعت انك عند زوجة ابيك !!
لكن نصيحتي لك بان تسال كبار السن في عائلتك من اعمام او خوال او خالات وعمات واكيد في الي بيساعدك هذا اذا لم يكن هناك شئ لا تعرفه والله اعلم واياك والتصرف منفردا ....

عليكم السلام ورحمة الله وبركاته

ابدأ واعتمد على نفسك بالبحث عن طريق السؤال بين اصحابك

وبعد ماتحصل مواصفاتك بأي بنت كلّم أمك عنها تكمل المشوار

لا تيأس وتحبط انت في أول الطريق ، ثق بالله وادعي إنه يوفقك وييسر كل صعب

ويسخّر لك اهلك ويتمم لك ربي كل شي على خير ..

مثل ما قالوا اخواني الاعضاء...
دور بنفسك, اسأل زملائك اذا عندهم اخوات
و فاجئ اهلك بانك اخترت العروسه و تبغاهم يخطبوها لك. الله يوفقك

حاول أن تعرف سبب ( مماطلة ) أهلك في البحث لك عن عروس ؟
اسأل إحدى أخواتك.. قد تعرف هي السبب
أدعو لك أن تتزوج عاجلا غير آجل
سلام

__________________

اسأل الله لك التوفيق والسداد وان تلقى الزوجه اللي تقر عينك بالدنيا والاخرة


يا اخي لا تتظايق وانا اخوك

والله إن الحال من بعضه مثل ما يقولون .. شي غريب اللي يسونه بعض الامهات

آنا عمري الحين 24 سنة وداخل في 25 ووظيفتي الكل يتمناها ولله الحمد وراتبي

فوق الممتاز والله ان حالي بفضل من الله احسن من حال كثير من ربعي


صارلي اكثر من سنه على نفس موالك واذن من طين وأذن من عجين

انته يمكن مشكلتك في انهم مايتحركون وانت بعدك ما اخترت

انه من كثر برودهم قمت اسأل عن البنت الزينه وعن اهلها ولي تأكدت منهم

اروح واقولهم خطبو فلانه بنت فلان

ويماطلون يماطلون الين البنت ماتروح بحال نصيبها وتتزوج

شي غريب عجيب

قبل يومين دخلت بشد وجذب مع الوالده الله يحفظها اقولها خطبيلي اي بنت زينه

عمري بدش ال 25 .. ردها كان انطر لي ما تصير 29 بعدين فكر بالزواج !!!!!

يعني والله شي مضحك مبكي

والله يا اخي ما ازكي بنفسي بس من صغري وانه احضر بالدروس واحب اقرى لدرجة

اني صرت انصح ربعي المتزوجين وكثير منهم حليت مشاكلهم بفضل من الله وحده

وصرت مؤتمن اسرارهم ومشاكلهم الزوجية ... مع هاذا عزوبي !!!! ومحد يتحرك

اقولك على حركة مره سويتها وزوجت فيها صاحبي

لي صاحب نفس حالك بالضبط لكن مشكلته اهله قاموا يدورون بنات لشباب الجيران

واهو مايخطبون له !!!! وينطرونه بالاشهر

فقالهم تزوجون عيال الجيران وانه لابسيني !!!!

فكان متظايق .. فعرفت ان اهله ماينفع معاهم المواعظ ولا الحنه واللويه

فقلت له بارك الله فيك ... تمسك جوازك وتحجز تذكره للعمره لك بروحك

وخلك غامظ لحد يعرف ... واذا سألتك الوالده قولها رايح اي دوله سمعتها تعبانه

عشان تخاف وتحس شوي

وفعلاً طبق الحركه ... خواته وامه لمن دروا انه حاجز لدوله سمعتها تعبانه واهو بالاساس مو حاجز

زوجوه بظرف 3 شهور


والله الواحد وده يجي اهله بالهداوه والرزانه

بس مرات يحدونه عالتفكير الاجرامي

اعذرني على صراحتي بس مشاركتك حركت فيني مشاعر دفينه

__________________


اتشرف بأني اغثك بمواضيعي

كيف تحولين الزوج الغاضب إلى محب عاشق ؟ ( دوره لعشاق التحدي فقط
http://www.66n.com/forums/showthread...33#post1562633

احــب زوجتي .. واكرهها .. فما الحل ؟!!
http://www.66n.com/forums/showthread...36#post1273036

حــــوارات مع صديقي الزوج .. ( ملفات حساسة ومفيدة )
http://www.66n.com/forums/showthread.php?t=99861

غريبة والله حالة اهلك ..!!!

طيب ياخوي شوف انت احد من معارفك سمعته طيبة واخلاقة عالية واسأل اذا عندهم بنات للزواج بنفس مواصفاتك او خلي ام احد اصدقائك تشوفلك بنت حلال .. والله البنات ياكثرهم

لي قريب ام صديقه في العمل دلتهم على عائلة ولا بعد من مدينة ثانية ،،، والبنت واهلها طلعوا ناس وربي ينحطوا على الجرح يطيب اخلاق وادب ودين وتواضع وفوق هذا طلعت فائقة الجمال ماشاءالله ...

اول شي شيل كلمه اخاف اوقع بالحرام لانه الله يمتحنك يبي يشوفك بتصبر على اهلك والا تروح الحرام
ثاني شي مثل ماقالو الاخوان انت حدد العروس وقول لهم اخطبوها لي
وثاني شي اذا انت بني ادم مسلم بحقيقي ما ترجع تقول اخاف اوقع بالحرام
والله يسهل لك بنت الحلال الي تعوضك عن كل شي
في رعايه الله

__________________
سبحانك اني كنت من الظالمين