السلام عليكم ,
بداية أطلب من كل شخص يمر ويقرى مشكلتي ويشوف ان عنده كلمه أو فكره تنفعني مايبخل علي فيها,وبكون شاكره وممنونه,
انا متزوجه من 5سنوات ونص,أقدر أعتبر زواجي ناجح,على الرغم من ان حياتي مع زوجي مرت بفترات جزر ومد,لكن قدرنا نتجاوز جزء من خلافاتنا أو بالأصح(أقنعت نفسي بأننا تجاوزناها)
أنا وزوجي متشابهين الى حد كبير في الأطباع(عصبي وأنا عصبيه ,مزاجي وانا مزاجيه,قوي شخصيه وأنا مثله قوية شخصيه عنيد,وأنا عنيده)وغيرها وغيرها من نقاط التشابه بينا,
نلتقي في أمور مشتركه كثير,بس نختلف عالأمور الأكثر أهميه بشكل كبير,
المشكله هالحين ان صار لي فتره أحس بنفور غريب من زوجي,وجالسه أتعامل معاه بأثر رجعي (يعني احس اني قاعده استحضر وأسترجع ذكريات مؤلمه ومشاكل حصلت بيني وبين زوجي وتعاملي معاه الفتره هاذي على أساسها)بالمختصر (حاطه الماضي بين عيوني)الشعور الي عندي ماهو عشوائي أو فجأه ظهر,في أمور بسيطه تحصل بشكل شبه يومي تقوي وتجدد عندي هالاحساس,
أنا أحب زوجي وهو يحبني ,بس مشكلتي اني أحب وأفكر يعني قلبي وعقلي يشتغلون في عاطفتي تجاه زوجي ,
حالة البرود والفتور الي أمر فيها مقلقتني واذا استمرت بتأثر على حياتي بالتأكيد,أتمنى منكم التفكير معي لايجاد مخرج لي ,
للمعلوميه آخر 6شهور مرت علينا أنا زوجي مشاكل قويه آخرها كان قبل 3أسابيع,المشكله الي حصلت زوجي قال فيها كلام ماتخيلت ولو للحظه ان ممكن يطلع منه,وبعد انتهاء المشكله ماتناقشنا بس تعاهدنا ان الماضي ماضي ولا راح نقلب صفحاته,بس للأسف ماقدرت أتقيد بالشرط أو حاولت بس ماقويت نفسي

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

اختي الله يبعد عنكم المشاكل ويسخركم لبعضكم ويسعدكم ويهنيكم دنيا وآخره

أختي موضوعك والي تمرون فيه انتي وزوجك كثير أزواج يمرون فيه

بس المشكله في آخر الموضوع :

للمعلوميه آخر 6شهور مرت علينا أنا زوجي مشاكل قويه آخرها كان قبل 3أسابيع,المشكله الي حصلت زوجي قال فيها كلام ماتخيلت ولو للحظه ان ممكن يطلع منه,وبعد انتهاء المشكله ماتناقشنا بس تعاهدنا ان الماضي ماضي ولا راح نقلب صفحاته,بس للأسف ماقدرت أتقيد بالشرط أو حاولت بس ماقويت نفسي

أختي من رايي ان الحل يبدأ بانك تقعدين مع زوجك في وقت مناسب وحوار هادئ بدون عصبيه وتقولين له تذكر يوم تعاهدنا اننا ننسى الماضي.. أنا ما نسيته ساعدني ابي أنساه وطلعيله كل الي في خاطرك مع كم دمعه من دموع التماسيح

والله يوفقك لكل خير

انا مع كلام الاخت (( وانا اموت فيه ))

اولا...لازم تجلسين معاه في مكان هادي او اي مكان يحبه وتحبينه وتتناقشين معاه بكل هدوء وتقولين اللي في خاطرج لانج
اذا كتمتي بتضرين نفسج وبتتأثر حياتج الزوجية..
ثانيا... لا تعطين الشيطان فرصة ان يوسوس لج ...عزيزتي اذا بينكم حب فلازم يكون بينكم ثقة واحترام وتفاهم وتعاون..واذا
تواجدت هذي الاشياء بتكون حياتكم الزوجة سعيده وناجحة بإذن الله...اذا تبين تحلين المشكلة ابدئي بنفسج وحاولي
تنسين الماضي....اكثري من الدعاء خاصة في هذا الشهر الكريم واطلبي من رب العباد ان يريح قلبك وبالك ويفرج همك
وأن يعينك على نسيان الماضي ....
اتمنى لكم حياة سعيده وموفقة

اختج ----- لمني بشوق

__________________

أختي هل تتعاملين مع زوجك كانه جنتك ونارك ام تتعاملين معه بندية ومثلية

لأنه من كلامك انك تعارضينه وتردي عليه بالكلام , حقيقة مثلك لا يستطيع الرجل

العيش معها , لأنه لا يجد احساس الرجولة عندها , فمن البديهي ان يسمعك

كلام يعوض به عن رجولته التي فقدها امامك ...

أختي المراة التي لا تحترم زوجها , ليس لها الحق أن تطلب الإحترام منه والحب والتقدير

وهي لا تعطي اي اعتبار لشخصية كزوج ...

الله يسعدك ويجزاك كل خير على دعواتك الطيبه,ولك بالمثل ان شاءالله,
بالنسبه للنقاش والحوار,أنا الفتره هاذي مش مستعده نفسيا,غير كذا كثير تكلمنا وقلنا الي بخواطرنا بس للأسف (الكلام يظل مجرد كلام) بس لازم يكون فيه حل باءذن الله

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

الحب والثقه والاحترام الحمدلله موجودين,بس التفاهم والتعاون للأسف أفتقدهم جدا في حياتي,أنا مسؤله عن تربية العيال وسد الفراغ الي هو تاركه في حياتهم,أنا الطرف الي لازم دائما أسلم وأقبل الواقع وكل التغييرات الي تحصل,زوجي للأسف موجود ومش موجود,الحياه الماديه وحياته الأجتماعيه ماخذته منا,
ربي يوفقك حبيبتي ويشرح صدرك ويسرلك أمورك,شرفني مرورك عزيزتي

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

انا ماني عارفه على اي اساس حورت الموضوع,واسترسلت بأفكار بعيده كل البعد عن المشكله الي أنا أتكلم فيها,
موضوعي واضح ,اذا عندك وقت أعد قرائته لو سمحت

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

الموضوع صعب,لكن الحل ان شاء الله يكون سهل,أهم شيء شطب الماضي من ذاكرتك والتعامل مع زوجك على أساس انه شخص يحبك وباحث لك عن السعاده حتى وان ارتكب بعض الأغلاط والزلات,التسامح صفه حميده ومطلوبه بين عامة الناس فمابالك بالزوجين,أتمنى لك السعاده ودوام المحبه

حبيتي حاولي تقعدي مع نفسك الحين
و طلعي البوم صورك و تذكري...ارجعي لذاكرتك
للمشاهد الجميلة و اللقطات السعيدة
اكيد حيانكم مليئة بمواقف ساندك فيها و كان لك ظهر قوي
اكيد في لحظات كنتي فيها في قمة السعادة معه
اذكريها .. اذكري صقاته الحسنة
مثلا.. حبه لاولاده ... تحمله للمسئولية
احترامه لك و معاملته لك بالطيب
و قيسي على ذلك

كل ما جت على راسك افكار سلبية
اتعوذي من ابليس و فكري بايجابياته ايضا

ممكن تصارحيه بس لا تقولي له طفشانه منك .. قولي له عندي حالة ملل من كل شي في حياتي
سيبي اولادك عند اهلك او اهله و روحوا اسبوع عسل .. انسوا كل شي
وفكروا بانفسكم
واذا مش حابة تروحي معاه ... خذي اسبوع لحالك ... سافري اي مكان
او حتى اقعدي بيبت اهلك اسبوع استجمام عشان تشتافي له ..

اذا عندك قدرة مادية ممكن تغيري شوي بديكورات البيت عشان تجددي من الروتين و الرتابة

اذا ما تقدري تسيبي اطقالك او ما تقدري تسافري لاي سبب
احجزي ليلة بفندق لكم الاثنين بس و ياحبذا يكون نفس الفندق اللي قضيتو فيه شهر عسلكم

لا تسيبي نفسك للافكار السلبية تحبسي نفسك بدوامة الماضي ...

الله يوفقك و يجعلك قرة عين لزوجك و يجعله قرة عين لك و يبعد عنكم كل شر و عين
و يحمي لكم نجووده و باااادي

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله