لكم هذه الطريقه الحلوة لتحضير عشا لذيذ ....

وطبعاً أنا جربت على زوجي ... يعني تطمنوا .....


اتمنى انكم تجربون هذي الطريقه لانها روعه ......


المقادير :

***********صدور دجاج بدون عظم [ أفضل دجاج رضوى، لأنه نظيف] ..

***********حبتين بصل [مفروم] / 3 أو 4 فصوص ثوم [مفروم] .

***********البهارات : ملح/فلفل اسود مطحون/ليمون اسود مطحون/بزار.

***********زيت الذرة .

***********علبه روب .


الطريقــــة:

***********نأخذ جدر ونحط فيه ملعقه صغيره ملح /ملعقتين كبيرتين فلفل اسود مطحون /ملعقتين كبيرتين ليمون اسود مطحون / ملعقه كبيره بزار / والبصل المفروم والثوم .
ونحط ملعقتين كبار من الزيت و علبه روب ، ونضيف الدجاج بعدما قطعناه الى مكعبات .

***********نغطي الجدر بقصدير ونحطه في الثلاجه ساعه ، ساعتين ، يوم ......

***********في الاخير نطلعه وننتظر لي يدفى شوي وبعدين نقدر نخليه مشوي أو مقلي ...



إذا كان مشوي :

***********نحطه في الفرن تقريباً 10 أو 15 دقيقه لي نتأكد من انه نضج ، وتغير لونه .

إذا كان مقلي :

***********نضع القليل من الزيت [ مثل مانحط حق الحمسه ] ، ونحط الدجاج ونغطيه بس على شرط ان مانغفل عنه ونقلبه كل شوي لي يغير لونه....


وبس ...

بالهنا والشفا .....