زوجي يجهل الكثير من الامور
بسم الله الرحمن الرحيم
اسمــحولي بدخل في المشكله على طووول لأني من قهره كثيييير
انا توني متزوجه يعني تقريبا ما بعد ياخذ زواجي اسبوعين بس حياتي احس مالها طعم
يعني الزوج اللي اخذته مايفهم في شيء يعني هو اكبر مني تقريبا 3 سنين بس مايفهم شيء
يعني تخيلوا اول ليله زواجي اللي هي ليلة العرس اول ماجى وشافني اتوقعت يقولي كلام حلو يعني انتي حلوه انتي كذا انتي كذا تخيلوا اول ماجى قالي انا تعبان
وبنام اللحين والله انقهرت حيييل يعني كل اللي في اللي شافوني قالولي انتي حلوه وصايره ملكه الا هو ماقالي شيء والله انقهرت قلت يالله ماعليه بنصبر
وصبرت يوم ثاني وثالث ونفس الشيء ما يقول كلام حلو لي يعني اذا لبست وكشخت علي شانه مايقولي شيء انا اقوله وش اريك حلوه بس يهز راسه
والله منقهره ابي كلام حلو منه مايقولي شيء هذي نقطه
وثاني شيء مايعرف شيء يعني مايفهم يعني لو اسأله اسأله عن الزواج مايعرف
اقوله ليش بتتزوج يقول بس عشان اجيب عيال يعني وهو شخصيته ضعيفه حييييل
طبعا شخصيتي انا اقوى من شخصيته بكثير يعني اي شيء اقوله يسويه لي على طول بس التعامل معاي والاشياء اللي انا احبها يعني اللي تخص البنت بشكل عام مايعرف يسويها
يعني في كل شيء اقوله اقره اقره عشان تعرف مايقره اجيبله كتب ومايقره اقوله اقره عشان تعرف كل شيء يقولي اي ماعليه ومايسوي شيء
يعني تخيلوا اي سؤال اساله مايعرف يجاوب اي شيء عن الزواج احس انه مايفهم شيء مو بس احس الا متاكده والله قهر يعني حتى اذا علمته مايبي يتعلم يقول بيتعلم ولا يسوي شيء
يعني اقولي سوى كذا وسو كذا بس ماشوفه يسوي شيء اقوله اذا لبست قولي كذا وكذا بس مايقول
يعني حتى كلام حلو محرومه منه مايقولي كلام حلو يعني تخيلو توني متزوجه ما اخذت اسوبعين والله من تزوجت ابي اغيره ابيه يقولي كلام حلو ابيه يعرف كل شيء ابي يفهم
ابي شخصيته تصير قويه يعني تخيلو انه يخاف مني والله اذا قهرني اعصب عليه واصرخ ويوقلي خلاص لا تعصبي اللي تبيه بصير ولا اشوف شيء
يعني في كل شيء مايفهم واذا قلت في كل شيء ( افهموا ) انه في كل شيء
ابي اعيش حياتي حلوه ابي احد ينصحني يعلمني ويش اسوي معاه لأني والله منقهره حييييييييييل ابي حل ساعدوني
انتـــظر منــكم الحل لأني منقهـــره حييل بسرعه لا تتأخرو بالرد
ادري يمكن كلامي مو مرتب بس والله اكتبه وانا منقهره
والله ما حطيت مشكلتي هنا الا عارفه انكم بتساعدوني ولأني عارف ان المنتدى جدا رائع ويحل مشاكل
انشاء الله يكون الحل عندكم
والله يسعدني في زواجي
ادعـــولي .....
26-04-2008, 05:32 PM
ضوابط المشاركة
العرض الشجري